تجربة الاس 6

semsemSiR

للاسف مفيش قدامى الا انى اخد بالمراجعات والفيديوهات لانى لسا ممسكتش الجهاز ومش ناوى الصراحة .
منتظر الnote 5

اعمل للصور حفظ , هتلاقى كل التفاصيل بتاعتها موجودة , انا رفعها على موقع عشان كدة

طبعا رأيك يحترم , بس انا مابقارنش بفيديوهات , لسبب واحد ان كل اللى انت شايفة دة انا عمرى مامسكت اس 5 بالسرعة دية , كل الاس 5 سوءا 4 جى او 3 جى اسرع من اللى موجود فى الفيديو

بالنسبة بقى للمقارنة :

1- فرق الصوت : حضرتك لو معاك اس 5 وامسك جهاز اس 6 وابعت نغمة واسمعهم وانت تعرف الفرق , دة اللى انا عملتة

2- الشاشة : والله نفس الصورة هنا وهنا والنتيجة اللى قولت عليها , سيبك من كلام الفيديو , وهقولك حاجة شوف كدة الصورة دية من فيديو برضة وعمالة phonearena



- البصمة طبعا مافيش اى مشكلة , انا قولت مريحة اكتر فى المقارنة الاساسية

- البروسيسر نفس الكلام قايل ان الاس 6 سلس اوى فى التصفح والسرعة

- الكاميرا : طيب بص كدة على الصورتين دول انا مصورهم بالاس 5 وبالاس 6 من ستور سامسونج وبعت الصورة قولى كدة اية رايك , والاتنين على نفس الاوضاع وكانت الاضاءة مش عالية , انا ليا باللى شايفة عمرى ماباخد اراء بفيديو , انت لو بصيت هتلاقى كل فيديو برقم وكل فيديو شكل وكل فيديو بنتائح مختلفة عن الاخر

صورة الاس 5



صورة الاس 6



والاتنين والله , بنفس الاوبشن ونفس كل حاجة بدون اللعب فى اى حاجة

وتمت التجربة على جهازين اس 6 مش واحد والنتيجة كانت واحد , التفاصيل هية هية بس الوضوح لصالح الاس 5

semsemSiR
طبعا انا مش متفق معاك فى معظم الكلام الى انت بتقوله ده وهقول راى الخاص

1- اولا شوف الفيديو علشان تعرف فرق الصوت


2-الشاشة طبعا فيه فرق فى الجودة لو شفت الفيديو ده عند الدقيقة 1.51 هتلاخظ الفرق


3- البصمة فى الs6 مريحة اكتر


4- البروسيسور فعلا اعلى وده مخلى الجهاز اسرع بفرق ملحوظ شوف الspeed test


5-الكاميرا مش محتاجة كلام الكاميرا افضل ما يمكن .وده كان مقارنة عملها phonearena والتفوق للs6 واضح جدا عن الnote 4 - m9 i- iphone 6


اخيرا الموبايل فعلا فيه عيوب زى الميمورى والعدم مقاومة المياه ....

انا مستنى الnote 5 اعتقد هيبقى افضل بكتير

تمام ياعماد

بس انا مجرب التليفون والاس 6 فعلا سريع اوى فى التصفح , نبقى نتقابل مرة واوريك هو فظيع فى سرعتة

ارفع القبعة لسامسونج فى السوفت , اللى عملتة اخف من اى تليفون تانى , وهية قايلة كدة ياباشا دية حاجة هما قايلينها وصدقوا فيها فعلا ,. والله اخف من الايفون 6 اللى الناس بيقولوا خفيف

دة الايفون 6 عملتلة مقارنة مع الاس 5 , وكان نفس سرعتة

لكن الاس 6 حاجة تانية خالص

اتفق معاك يا سامح في كل حاجة

بس احب اقولك هو نفس سرعة النوت 4 مفيش اي اختلاف نهائيا

إللي عنده ال S5 يحتفظ بيه ومش يغيره لل S6 لأنه هيندم .. الإس 5 من أفضل موبايلات سامسونج ,

انا كل اللى قولتة بناء على تجربة الهاتف فى ستور سامسونج

الهاتف بالنسبالى كان قبل مامسك التليفون بيقولوا على النت ان الخامات ممتازة , تمام

انا مسكت الهاتف وخاماتة لا ترقى تماما لمستوى خامات الايفون , هية خاماتة طبق الاصل خامات السونى , وكمان الفرام لونة مطفى جداا مش مدى اى جمال للهاتف

الظهر الزجاج بيبصم جداااااااااااا , وبيخلى شكل التليفون وحش اوى , والكاميرا بارزة اوى

- طبعا مافيش ( ضد المياة - كارت ميمورى - بطارية قابلة للازالة - ال usb 3- ضعف اداء البطارية ) كل دة مشاكل هتواجهة المستخدمين

- التليفون اتشال منة حركات هوائية كتير جدااااااا , يعنى تقريبا مابقاش فية غير اربع حركات ( سمارت ستاى - air wake up - palm- mute/pause ) فقط دة اللى موجود فية

- الشاشة انا ماشوفتش نهائيا اى فرق فى الشاشة مابينة وبين الاس 5 بالعكس الاس 5 اقوى اضاءة وافضل فى اللون الابيض , مع انى كبرت الصورتين على الاخر وكانت صورة من على جهاز الاس 6 بعتها بلوتوث للاس 5 والنوت 4 , فانا شايف ان كل الغرض من ال Qhd هو سحب البطارية مش اكتر

- السوفت وير بقى شكلة رخم خصوصا بعد ماخلوا القائمة اتجاة واحد مش بتعمل اعادة للصفحات + شكل الايقونات وحش جداااا , وفعلا كان محتاج themes عشان تكسر الملل اللى انت هتلاقية فى التليفون

- الصوت , الاتنين نفس النقاء بس الاس 5 اعلى , مع ان المفروض ان الاس 6 يكون اعلى عشان الاس 5 ضد المياة فالسماعة عليها حماية , بس اللى حصل العكس

- الكاميرا : اوبشن الكاميرا اتشال منة كتير , والصورتين زى بعض فى التفاصيل بالظبط لكن الاس 6 طلع الصورة صفرا بعكس الاس 5 بيطلعها بيضاء
لكن الاس 6 اسرع فى التصوير بشكل جميل جدااااااا من الاس 5 بفرق 0.5 ثانية تقريبا فى وضع الاتو فوكس وال hdr والوضع العادى الاس 6 تفوق بفرق لايتعدى 0.2 من الثانية

- الاس 6 الصراحة السوفت بتاعة خفيف عن الاس 5 , يعنى كل حاجة فتحها الاس 6 اسرع من الاس 5 بفرق بردة لا يتعدى ال0.3 , يعنى الاس 6 بيفتح الرسائل الاسماء الكاميرا الالة الحاسبة ... , ووراة على طول الاس 5 ( مع العلم ان جهازى على الكيتكات 4.4.2 ) لسة ماتمش التجربة على اللولى بوب

- كان من حسن الحظ ان لعبة اسفلت 8 كانت موجودة على الاس 6 , وعندى انا كمان , وفتحت الاتنين فى نفس الوقت , والاتنين فتحوا مع بعض ونفس الاداء فى اللعبة ونفس التاتش وكل حاجة مافيش اى تغير تماما

- طبعا الكاميرا الامامية افضل فى الاس 6 بفرق واضح

- بالنسبة للرامات المفروض انها 3 جيجا بس لقيت الصافى منها 2.6 جيجا , والمستخدم 2.1 جيجا يعنى متبقى 500 ميجا بس , بدون فتح اى برامج , وانا عندى الاس 5 الصافى 1.75 والمستخدم 1 جيجا يعنى المتبقى 750 ميجا

- الذاكرة الداخلية , للاس 6 كانت المتبقى 23 جيجا بس انا لقيت المتاح ليا ومافيش بس غير لعبة اسفلت 8 على الجهاز 19 جيجا

- البصمة مريحة لكن فى نفس سرعة الاس 5 فى فتح الهاتف

- طبعا الاس 6 خفيف جداا , ومريح اكتر فى مسكتة عن الاس 5 لان الاس 6 ارفع + اصغر فى العرض

بعد المقارنة دية ماعملتها , قولت الكلام اللى حضرتك شايفة فوق , لان الاس 6 تمنة تقريبا 6900 جنية , على اية بقى مش عارف

يعنى لو هنقول نقاط تفوق الاس 6 على الاس 5 باللى انا شوفتة

1- سوفت اخف

2- بروسيسر اسرع بس على الواقع الفرق مش زى الارقام تماما

3- خامة اقوى لكن مش اجمل

دول فى وجهة نظرى الفروقات اللى هتلاقيها قدامك

حضرتك بتتكلم عن انطباع أم ماذا؟ ... ممكن لينك مقارنة حضرتك الشاملة؟

و ايه تحديداً الدروب الشديد ال يخلي حضرتك حضرتك تنصح الناس بالقوة دي يحافظوا على جهازي زي الاس 5 مقابل اس 6 :)