بدون عنوان

للرجوع الي صفحة سامسونج Galaxy S4 mini I9190 الرئيسية اضغط هنا

aymooz

2014-03-02 (11:27:22AM)

لكل الى معاهم الفون ده ممكن اعرف هو كويس ولا لأ من نحية ""الشاشة"" لان انا محتار بين الاس 4 مينى ،والاس ثرى كل ده بسبب الشاشة

zman2yahob

2014-03-02 (12:39:52PM)

ده موضوع انا عامله فى الصفحه الثالثه دالوقتى هنا

موضوع لذيذ ... ^_^

ازاى المقارنه بتتم بين اس4 ميني والرائع اس3

موضوع شاغل بال ناس كتير خصوصا ان الاتنين تقريبا بسعر واحد مقارب جدا
واوقات بنصح بال4 ميني واوقات بنصح ب3
لازم تعرف انك وانت بتشترى هاتف او اى جهاز عموما انت بتشترى افضل حاجه تلبي احتياجاتك مش الاحدث .. لآنى لما بدور على الاحداث هيبئى فى اختيارات بالتأكيد مش هيكون اس3 ولا اس4 ميني منهم ولا حتى اس4 نفسه

طيب تمام .. اتفقنا على نقطة بدور على احتياجاتى دى

1>>
فلو احتياجاتى فى المقام الاول هو الكاميرا والالعاب . فورا هاروح على اس3 الى بيتميز بكاميرا بدرجه نقاء اعلى من اس4 ميني سواء فى التصوير العادى او الفيديو
ومعالج رباعى جيد جدا فى الالعاب على عكس ثنائى الانويه فى اس4 ميني حتى مع انه من سناب دراجون لكن يظل اداءه ليس بالكفاءه الموجودة فى اس3

2>>
لو احتياجاتى فى بطاريه قويه وتعيش معايا فتره طويلة لآنى بستخدم الهاتف لوقت طويل . فورا هاروح لآس3 الى بيقدملى بطاريه بقوة 2100 مقابل 1900 فقط فى 4ميني

3>>
لو احتياجاتى فى تنزيل رومات وبحب اجرب سينوجين وغيرها . فورا هاروح لآس3 بسبب توافر عشرات الرومات الرائعه والى بتجلب مميزات رائعه للهاتف

4>>
لو احتياجاتى شاشه افضل فى العرض وبيكسلات اعلى هاروح لآس3 فورا

اما امتى اس4 اختيار افضل .. لو حد بيقولى انا عايز موبايل فيه كل حاجه وانا مستخدم جديد ودى اول تجربه .. او حابب شكل اس4 ميني والى هو فعليا اقل من اس3 شكلا وان اس3 انحف منه بفرق بسيط ودى حاجه حلوة لآس3

لازم تعرف . ان لو اس4 المعالج 4 جيجا مثلا .. دى مش حاجه هتميزة على اس3
هيرجع الموضوع بردوه لآحتياجاتك وهل اس3 هيقصر معاك او لا
ماتبقاش رايح تشترى تلفزيون مثلا لمجرد ان معاه اتنين ريموت
فكر قبل ماتشترى ولا تستشير اصحاب الاهواء الشخصيه
واولا واخيرا .. انت حر فيما تملك لآنك الى هتستخدم الهاتف مش حد تانى
فكر وقرر واعقد وتوكل .. ومبروك لكل الناس ايا ماكان اختيارهم

happier

2014-03-02 (03:07:39PM)

كاميرا الاس 4 ميني فيها أوبشن روعة لانها مأخوذة من الاس 4

كارت الشاشة في الاس 4 ميني افضل وأحسن من الاس 3 الاقدم عشان كده يتفوق الاس 4 ميني في الألعاب وبشكل ملحوظ
ملحوظة......يدعم كرت الاس4 ميني تقنية opengl es 3 الاس 3 يدعم opengl es 2

الرام في الاس4 ميني هي 1.5 جيجا وهي أكبر من الاس3 الواحد جيجا بس وطبعا دا بخلي الجهاز أسرع وأفضل

المعالج في الاس 4 ميني ثنائي بس ممتاز وسريع وبيستهلك بطارية أقل من معالج الاس3 الرباعي
ذو التقنية الاقدم

البطارية في الاس 4 ميني أفضل بسبب الشاشة الأصغر والمعالج الاحدث الموفر للطاقة

alhoseny

2014-03-02 (03:28:09PM)

موضوع متكامل ا/ زمان ياحب اضافة بسيطة الناس اللى بتحب شرحيتين يبقى s4 mini

MostafaMega

2014-03-02 (05:06:42PM)

أحب أوضح أن بطارية ال S4 mini Dous أحسن من بطارية الـ S4 mini العادي و ده شيئ غريب لانه مفروض بشرحتين و بيستهلك بطاريه اكتر

الموضوع أسهل من كده لو عايز موبايل كبير تلعب و تتفرج عليه مش لازم خطين يبقى S3 لو عايز حاجه صغيره تعمل عليها معظم الحاجات الاساسية وبخطين يبقى S4 mini هو اداه الى حد ما اعلى من S3 بس مش للدرجه انك تحس بفرق غير في البطارية لصالح S4 mini و الحجم ع حسب ذوقك عايز كبير ولا صغير

انا رأيي الشخصي ان افضل مقارنه لل S4 mini تبقى مع ال Xperia SP و طبعا اداء السوني اعلى بكتير رغم الخلاف اللي في الموقع هنا :) بس شايف ان شاشه 4.6 حجم كبير و بخط واحد بالنسبالي غير كده ممتاز