بدون عنوان

للرجوع الي صفحة سامسونج Galaxy S4 mini I9190 الرئيسية اضغط هنا

dongwan22

2013-07-28 (04:08:59PM)

الموبايل اشتريته من اسبوع الموبايل جميل اوووي وسريع ويختلف عن اي موبايل انا كان معايا s doues 5762 الجهاز دا خطين بمعني الكلمه مفيش تهنيج الشبكتين 3g الشبكه بتاعته قويه الشاشه حاجه كده خيال يعني التليفونات كلها زي الجراند وال s3 m وال s2 العادي الشاشه رهيبه خد عندك بقي برامج خياليه عندك drob box ودا بيديك ٥٠ جيجا فري اول سنتين ترفع اي حاجه علي موبايل عليه كمان برنامج whatch on ودا بيتحكم في ريموتات الماركات العالميه الجهاز كمان عليه منظم مواعيد زي الايفون وبتختار كمان ايه الاخبار اللي تحب تسمعها وبعد اد ايه ٣ ساعات ولا كام ساعه الجهاز عملي انسي التهنيج بروسيسور رهيب ورمات قويه الحمد لله بفتح كل البرامج ومفيش مشاكل واللي عايز يسال اجوبه في اللي هو عايزه البطاريه ١٢ ساعه بس بجد انا هريها شغل وفاتح نت ثابت يعني كويس اوووي لاي موبايل اندرويد يعني لو استخدام عادي هتعمل ٢٠ ساعه انا تحت امركو اسالو واجاوب

mony333

2013-07-28 (04:33:49PM)

بليز لو سمحت انا عايزة الموبايل دة s doues 5762 ومحتارة اجيبه ولا لا وهو كويس ولا ايه وشكرا

ismailhassona

2013-07-29 (10:34:09AM)

هل يوجد بة راديو ولا ما فيش وصوتة عامل اية يعنى نغمة الرنين عالية ولا اية الكلام نلرجو تقرير عن صوت الجهاز

dongwan22

2013-07-29 (12:17:05PM)

mony 333
السلام عليكم بالنسبه لل s doues 7562 جهاز حلو وهو كان معايا مشكلته بيهنج كتير لانه بروسيسور ضعيف والرامات قليله بس طبعا دا بيفرق من استخدام الناس للتليفونات يعني انا استخدامي جامد شويه لازم فايبر وواتس اب وفيس بوك وكمان فاتح الياهو في كل البرامج دي بتشل حركه الجهاز مع العلم اني البرامج دي بتبقي مفتوحه ومحمله علي رمات الجهاز باستمرار فكل ده بيستنفذ من رامات الجهاز ٥٦٠ يتبقي ١٠٠ ميجا من الرام لباقي الجهاز من اتصال او فتح صور او رسائل لكن لو انتي استخدامك واتس اب وفيس هيبقي كويس جدا وملحوظه هو احسن جهاز اندرويد عالي بخطين في المتوي الاول لكن لو بصيتي لجراند عالي وبردو مع زمايلي بيهنج بس مش كتير زي doues ولو عايزه راي بجد ارشحلك s2 plues جهاز هايل لو انتي مش محتاجه خطين الجهاز دا نفس امكانيات s4 mini في الشاشه والكاميرا وكمان البروسيسور بتاعه حلو وجهاز شيك ومحترم

dongwan22

2013-07-29 (12:19:58PM)

ismailhassona
السلام عليكم الجهاز به راديو وانفراريد وكمان تحكم ريموت ومميزات كتير بالنسبه للصوت نغمات الجهاز فيها نغمات مش مسموعه لكن نغمات اخري عاليه ونقيه وانا جربت احط نغمه لمطربين الصوت عالي وواضح وميزه السماعات انها بتجسم الصوت يعني مش نخمه وخلاص بتسمع البيز والتريبل فيها
واي استفسارات انا موجود

mahmoudaa2000

2013-07-31 (03:16:36PM)

1 هل الجهاز به خصائص اس 4 من حيث التفاعل مع حركة العين (ايقاف وتشغيل الفيديو وتصفح الانترنت مثلا ) والرد على المكالمات بدون لمس الشاشة أم لا
2 هل الجهاز يدعم برامج تسجيل المكالمات حيث أن معى نوت 1 وكل برامج التسجيل تطلب عمل روت للجهاز والا تسجيل المكالمة بيطلع صوتها واطى جدا . يمكنك تجربة برنامج مثل Total Recall or autmoatic call recorder اذا لم تختبر تلك الخاصية بعد
3 هل الشريحتين يدعموا ال 3 G ويمكننى اختيار اى شريحة فيهم للدخول على الانترنت وهل يمكن وضع شريحة فى وضع ال 3 G والاخرى 2 G وعند اجراء مكالمة هل تصبح الشريحة الاخرى فى وضع الهاتف غير متاح أم فى وضع الانتظار والتنبيه بأن هناك مكالمة أخرى

وشكرا مقدما لك ولكن هذه النقاط مهمة لى قبل شراء الجهاز

تلك الخدمة مخصصة للأعضاء فقط