بدون عنوان

للرجوع الي صفحة سامسونج Galaxy S4 I9505 الرئيسية اضغط هنا

abdomeme

2014-03-22 (12:02:01AM)

ياجماعة أنا قررت وهجيب S4 بكرا أن شاء الله
لكن كان عندى كذا سؤال كده بخصوص الwi fi لأنى معرفش كتير عنه
1- أزاى أشغل الwi fi
2- وأماكن بيع الرواتر وأى أفضل نوع والسرعة
3-وهل هو مجانى ولا بباقة شهريه زى 3g
4-وأنا سمعت أنو لازم يكون عندك خط أرضى
يعنى من الاخر عايز أعرف كل حاجة عنه وأيه الحاجات اللى عايزها
يعنى دلوقتى عايز أدخل على النت عن طريق الwifi أعمل أيه
أسف على الاطالة أفيدونى

ahk252

2014-03-22 (03:46:06AM)

بخصوص ال WiFi
عشان متكلفش نفسك شوف حد من جيرانك عنده واي فاي واشترك معاه

لو حضرتك عاوز حاجه خاصة بيك:
بتشترك في سرعة معينة من مزود الخدمة وليها اشتراك شهري بتدفعه وتستخدم الانترنت علي الكمبيوتر والاب والموبايل والتابلت و .....

المطلوب زي ما حضرتك ذكرت لازم تليفون ارضي وبطاقة شخصية وبتروح لاي مزود خدمة وتقوله عاوز اشترك في النت هيطلب منك السرعة اللي هتتعاقد عليها وهتكتب عقد (هتضمي علي شوية ورق) والخدمة هتجيلك بعد اسبوعين او زي يقولك

فيه عروض نت حاليا من مزودي الخدمة- شركات الانترنت في مصر -زي tedata و link dsl و فودافون واتصالات والعرض ده معاه خصم 50% لمدة 6 شهور ورواتر وايرلس عند معظمهم
الرواتر فيه مخارج لكمبيوتر الديسك توب
وواريرلس (wifi) وده اللي حضرتك عاوز تعرف عنه معلومات

اول ما الخدمة بتوصل وتركب الرواوتر وتضبط الاعدادات النت الوايرلس بيشتغل علطول

هتمسك موبايلك وتسحب شريط الشعارات من فوق لتحت هتلاقي علامة الوايرلس هتضغط عليها للتفعيل .. وبعد كده هيظهر نقاط الواي فاي المتاحه هتضغط عليها وبكده تم الاتصال بالنت
(ممكن يبقي تعمل باس وورد لنقطة الواي فاي الخاص بيك )

يارب اكون افدتك ولو محتاج اي استفسار اتفضل ومبروك مقدما علي الموبايل

ahk252

2014-03-22 (03:55:59AM)

معلومة صغيرة للاشتراك في النت
الراوتر مجانا وبتدفع مقدم نصف الاشتراك الشهري اللي هتتعاقد عليه
مثال علي tedata:
حضرتك قررت انك هتشترك في سرعة 1 ميجا تكلفتها الشهرية = 140 جنيه

داخل العرض هتدفع 70 جنيه وانت بتمضي العقد وهتستلم الراوتر الوايرلس عند وصول الخدمة بعد اسبوعين شاملة اشتراك الشهر الاول..

العقد بيكون لمدة سنة وفيه شرط غرامة 245 لو حبيت تفسخ العقد خلال السنة لثمن الرواتر
* الراوتر مجاني لسرعة 1 ميجا غير المحدودة وما فوق

zman2yahob

2014-03-22 (04:19:15AM)

خد تجربتي سريعا بئى ...

ارخص عرض فى مصر . هو اتصالات 512 كيلو بايت ب75 جنيه بيديك 25 جيجا تحميل
لو عايز تصفح بس ب48 جنيه
الراوتر مجانا . اول شهر 100 جنيه بعد كده بتدفع التمن الى مكتوب

الاول انت عايز تليفون ارضى . تروح المصريه للآتصالات تقدم على عرض ال50 جنيه ومعاك بطاقتك وملكيه الشقه او ايجار او غاز
تخلص فى يوم ويجيلك تركبله اى عدة ب50 جنيه ... اه وقت التقديم تقول عايز عدة خط ارضي مش هوائي عشان النت

وبعد ماتيجي الحرارة تتصل بأتصالات وتقدم على النت هيقولك 5 ايام ونعمل العقد
بعدين هيجيلك راجل معاه عقد وشنطه فيها الراوتر . تديله 100 جنيه تمن العقد والكلام ده
يقولك اركبلك الراوتر قولو لا .. خد منه الراوتر والعقد وادفعله تمن العقد بس وزحلقه
طريقه تركيب الراوتر عندك فى العلبه .. تانى .. زحلقه ماتدهوش جنيه زيادة

هتوصل الراوتر وتشوف بئى عايز تركبه ازاى وفين وكده وهتوصلك حرارة النت على الكومبيوتر
هتدوس على زر اللان فى الراوتر وتفتح من الموبايل الواى فاى .. اقولك كلم اتصالات هيعرفو ازاى تعمل ده وهيديك باسورد الواى فاى وهيظبطك وكل ده مجانى

ومبروك يامعلم وماتنساش .. استخدم النت فى الخير والحلال

بالتوفيق اخى الكريم

abdomeme

2014-03-22 (10:15:03AM)

مفهوم لكن عشان أنا كثير التجوال ممكن الرواتر تركب فى أى مكان غير مكانها الاولانى وممكن الخط ألارضى يستقبل أكثر من روتر
ولو ألاتنين اللى أنا قولتهم فوق ممكنين بيتم المحاسبة عادى

zman2yahob

2014-03-22 (02:17:24PM)

الخط الارضي بيطلع منه وصله واحده بس على جهاز صغير بيخرج من وصلتين
وصله للراوتر ووصله للطاقه
ولن تحتاج اكثر من راوتر اصلا
وتجول براحتك عادى جدا مسافه الواى فاى بتكون كافيه جدا
والراوتر تحطه فى المكان الى يريحك ان شالله فوق السقف انت حر
بيكون معاك سلك نت متوصل بالراوتر . والطرف التانى فى الكومبيوتر او الاب
حرك بئى الراوتر براحتك او الاجهزة الموصلة بيه عادى جدا

الواى فاى مجانى طبعا .. وباقى الاسئله الاخ الكريم رد عليك ردود وافيه

ahk252

2014-03-22 (07:36:51PM)

abdomeme >> لو حضرتك تقصد كثير التجوال داخل البيت او في الشارع قريب من البيت(الراوتر) يبقي عادي تدر تاخد نت من الراوتر .. والحساب بتدفعه مرة واحده اول كل شهر( الاشتراك الشهري)

ثانيا لو حضرتك تقصد ان الراوتر ممكن تركبه في شقة او بيت تاني >> فده مش هينفعع انما لو داخل الشقة يبقي حضرتك ممكن تطول السلك عند التركيب زي ما zman2yahob قال..

الخط الارضي لا يستقبل اكثر من راوتر انما في جهاز اسمه accesss point وده ممكن تربطه بالرواتر ويزود مسافة الاتصال بالنت

ونصيحة كده من الاخر: اشترك في اي باقة نت تبع شركة الاتصالات اللي فيها ممكن حد هنا يفيدك بالعروض او روح لاقرب فرع واستفسر منهم وده لانك كثير التجوال

تلك الخدمة مخصصة للأعضاء فقط