هذا الموضوع مرتبط بـ Galaxy S4 I9505

بدون عنوان

Almenshawy

2013-08-16 (03:57:12PM)

مفيش حاجة بالامكانيات دي كده على بطارية 3100 مللي امبير ؟؟ او ع الاقل امكانيات النوت 2 بشاشة افضل ؟
انا الصراحة داخل دماغي قوي ف النوت 2 دوام البطارية -وطبعا ال S pen- بس مضايقني فيه كثافة البيكسلات ف الشاشة 267

Almenshawy

2013-08-20 (03:20:04PM)

كل ده تمام
بس انا شخصيا مقتنع ان التجربة قبل كل شئ
يعني انا شخصيا لحد النهاردة مقتنع ان النوت 2 افضل موبايلات سامسونج مع ان بالورقة والقلم فيه حاجات كتير نزلت اعلى منه
بس الرك على التجربة والراحة النفسية ف التعامل وانا مستريح له جدا
ف شوف لو عايز تجرب الاتنين في اي منفذ بيع تقدر تجرب فيه وانا نصيحتي خليك مع اللي انت مستريح معاه اكتر وسيبك من البيانات اللي على الورق خالص

amrbatista

2013-08-19 (12:59:11PM)

والله انا كنت مقتنع جدا بأن الS4 I9505 افضل فى كل حاجة
لحد ما شفت الريفيو ده

الآن كل المعلومات واضحة
I9505 بحساس Exmor R و معالج الصور من فوجيتسو

I9500 بحساس Exmor RS و معالج الصور من سوني

وبالتالى لو عملت مقارنة بين موبيلين فى التصوير هتلاحظ فرق كبير نسخة الفور جى شبه كاميرا الاس3 لكن نسخة ثرى جى فرق كبيرة جدا ومتتاز بجد كاميرا بروفيشنال و انا جربت كاميراتان والى مش مصدق بالى بقولة يعمل كدا
نضغط على #34971539#* من اليسار لليمين

يطلع لكم جدول آختارو الخيار الأول وراح يطلع لكم معلومات الكاميرات

وهذه معلومات نسختي GT-9505 وهي اوروبية " المانيه "
9505XXUAMDE صناعه فيتنامي

دة اول حااجة

الرام في نسخة 9505 المساحة الاجماليه هي 1.78

بينما في نسخة 9500 المساحه الاجماليه هي 1.82

فرق واضح دة اول اما تجيب الموبيل بكون كدا

ال9500 اروع ما شفت في وضع الانتظار احطه جنبي في الليل 100% أقوم الصبح وهو 97% 96% تقريبا

المعالج الرسومى و معالج متوافين واعلى اداء من معالج فور جى

نسخة GT-I9500 تصويرها افضل واعطية 9.5 من 10
نسخة GT-I9505 جيد جداً واعطيه 8 من 10

نسخة GT-I9500 اجدها افضل صوت وخاصه عند تركيب سماعات الاذن وتستمع الى مقطع موسيقي
نسخة GT-I9505 الصوت فيها جيد ولا فيه مشاكل ولكن لا يصل الى نسخة GT-I9500 اجدها افضل وعالي

فى نقل ملفات و سرعة التخزين
والان في نسخة GT-I9505 يصل الى 16 ميجا

حيث في نسخة GT-I9500 السابقه السرعه تصل الى 24 ميجا

بعد كدة دة اى واحد يقولى حاجة مش عاوز اكلمة
شكرا اعلن انسحابى من البيدج و هعمل مراجعة لموبيلى وهبعتها للادمن وهو ينزلها شكرا لكم

يعنى تصوير افضل
صوت افضل
معالج افضل
بطارية افضل
نسخة عالمية اسرع فى تحديثات
سرعة النقل كبيرة جدا
معالج رسومى افضل جرب كدا تجيب نسختين وتفتح نفس للعبتين هتشوف فرق واضح تماما تجربة لعبة spider man
كل دة لنسخة gt-i9500

Almenshawy

2013-08-18 (08:18:04PM)

ahmedaliyossef2010 ربنا يسهل كده انا اصلا مش ناوي اجيب كاش علشان متخبطش ف 4000 مثلا مرة واحدة
انا حتى عمل Order اونلاين تجريبي كده على بي تك والصراحة 3 ايام وردوا عليا
ف ربنا يسهل بقى استنى الاسبوع اللي فاضل ده لحد م اشوف النوت 3 كده ظروفه ايه

amrbatista مفتكرش ان الاس 4 هينزل دلوقتي خالص لأن زي م الراجل الطيب ده قالك ده فئة مختلفة عن اقرب حاجة هتنزلها سامسونج اللي هي النوت 3 غير طبعا ان الاس 4 موبايل ممتاز واعتقد انهم هيدولوا وقته ف السوق قبل م يرخصوه

وعلى حسب م اعرف I9505 افضل وبالنسبة للضمان ف انا ابن عمي قبل م يشتري الاس 3 ميني سأل ناس خبرة قالوا ضمان الشركة اللي بتشتري منها مش محوري قوي لأن كده كده لو حصل مشكلة لا قدر الله افضل حاجة تطلع ع الكير سنتر

وشوف برضه الناس هتقول لك ايه اكيد يعرفوا اكتر مني

amrbatista

2013-08-18 (02:47:09AM)

طب يا جماعه دلوقتى انا عاوز اجيب ال s4 بس للأسف انا مش هقدر اكمل مبلغ اكثر من 4000 جنيه
فرأيكم السعر ممكن يقل ويوصل لكدة امته ؟
و رايكم اجيب انهو نسخه i9500 or i9505 ؟
ورأيكم اجيبو بضمان ولا من غير ضمان ؟

ahmedaliyossef2010

2013-08-17 (10:01:29PM)

هو كدة كدة أحسنلك تستنى النوت3 لأنه لما ينزل هيقلل من سعر النوت 2 ان شاء الله و احتمال يقلل من سعر الاس 4 و بقول احتمال لأن الاس 4 فئة مختلفة عن النوت 2

Almenshawy

2013-08-17 (04:26:57PM)

والله هو ده اللي معطلني اني انزل اشتري ان انا الى حد ما اعتقد سامسونج مش هترفع سعر النوت 3 عن سعر الاس 4 لأن الموضوع عرض وطلب ومعتقدش ان موبايل ف الشرق الاوسط -خاصة في مصر- معدي ال 6000 هيعمل خطة المبيعات اللي موضوعة له

rozena

2013-08-17 (04:18:55PM)

السلام عليكم انا كمان زيك وكنت فى فرع اتصالات فى رمضان بالصدفه لقيتهم عارضين النوت 2 والاس 4 والجراند شوفت الاس 4 لقيت فرق واضح عن النوت 2 مش معنى كلامى ان النوت 2 وحش بالعكس انا بقول بالنسبه لاس 4 وعشان كده قررت انتظر النوت 3 وخصوصا انو ايام وينزل وتتضح الصورهوصدقنى ممكن يكون زى الا س 4 اول مانزل 5900 وبعدها باسبوعين 5400 او هيقل عن كده لان ده عند الشناوى وهوا اغلى واحد معروف لكن فى الاماكن التانيه كان 5200 وقتها يعنى مش هتنتظر كتير ويقل الف جنيه ده فى اعتقادى

Almenshawy

2013-08-17 (02:55:34PM)

الف الف الف شكر يا باشا
انا ان شاء الله هستنى النوت 3 ينزل لو طلع سعره داخل Range الجالاكسي اس 4 هجيبه لو طلع سعره اوفر هعمل زي م انت بتقول واشوف النوت 2 هيقل قد ايه واشتريه

بالمناسبة صحيح بطارية الاس 4 ممكن تقعد قد ايه كده على الالعاب ؟؟

ahmedaliyossef2010

2013-08-17 (02:36:55PM)

روح أي مول أو فرع من فروع شركات الاتصالات هتلاقيه معروض هناك

و بالنسبة للموب اللي قولت عليه فأعتقد ممكن يتأخر شوية زي ما حصل مع Optimus G اللي لسة نازل مصر قريب مع انه كان برة من زمان

Almenshawy

2013-08-17 (11:14:09AM)

طب ايه المحلات اللي بتعرض الموبايلات للتجربة ؟؟
وايه اخبار ال optimus g pro ؟ هينزل امتى ولا مش هينزل مصر اصلا ؟

ahmedaliyossef2010

2013-08-17 (02:41:09AM)

الموبايل شاشته مش وحشة خالص يعني دي كويسة جدا و في الغالب مش هتحس بفرق

العين بتقدر تفرق لحد 300 بكسل لكل انش و النوت 2 و النوت 2 267 يعني مش فرق كبير أوي يعني
و على العموم لو عاوز تطمن روح جربه في أي محل و تاكد بنفسك

Almenshawy

2013-08-17 (12:59:38AM)

مهو ده هيرجعني للمشكلة المحورية
انا بالنسبة ليا النوت 2 موبايل اسطورة بكل المعاني وترتيبه رقم واحد عندي وانا كنت شبه اشتريته
بس مشكلتي المحورية مع وضوح الشاشة وكثافة البيكسلات
علشان كدع انا قولت فوق امكانيات الننوت 2 بس بشاشة افضل

ahmedaliyossef2010

2013-08-16 (08:26:35PM)

طيب مش مش لازم تجيب النوت 3 ما انت لو استنيت نزول النوت 3 ان شاء الله النوت 2 سعره هينزل فكدة كدة انت المستفيد

Almenshawy

2013-08-16 (06:49:52PM)

مهو انا مستني النوت 3 بس بالتسريبات اللي على موقع Sammobile اعتقد حتى النسخة اللي هتنزل مصر مش هتقل عن ال 6000
وانا صراحة مقدرش ع المبلغ ده ف الوقت الحالي خاااالص
طبعا بخلاف انه مفتكرش انه هينزل مصر قبل يناير 2014

ahmedaliyossef2010

2013-08-16 (06:05:37PM)

شهر 9 اللي جاي ده هيتعلن فيه عن كل الحاجات الجديدة و منها النوت 3
و احتمال كمان ينزل فيه Butterfly s و ده ببطارية 3200

و غيرهم كتير

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 I9505

مقارنة

Android
5.0″

5.0 بوصة
3G

2G / 3G
13 MP, 4...
2600mAh

Li-Po 2600 mAh غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S4 I9505

Android

5.0″

3G

13 MP, 4...

2600mAh