هذا الموضوع مرتبط بـ Galaxy S4 I9500

بطاريىة اس 4

amatoullah

2015-12-05 (05:04:11PM)

السلام عليكم ....و سمحت يا استاذ سامح انا فعلا غيرت الشاحن والموبايل بقى يشحن تقريبا فى ساعتين الا خمس دقائق .... هو كدة الشاحن الاصلى بتاعه باظ خلاص ولا ايه؟
بس فى حاجة انا ممكن اكون شغالة على الموبايل واسيبه مثلا 60% وارجعله كمان شوية الاقيه بقى مثلا 61 او 62 بيزيد درجة او اتنين هل البطارية كدة كويسة ولا ايه
اسفة على الازعاج ... وجزاك الله خيرا

amatoullah

2015-12-11 (11:02:51PM)

ربنا يجازيك خير يارب
خلاص تمام انا حعملهم إن شاء الله ولو فى حاجة حقول لحضرتك

semsemSiR

2015-12-11 (08:08:49PM)

اة سواء turn off او disable الاتنين واحد مافيش اى فرق

هتدوسى الاول على clear data وبعد كدة لو لسة force stop معمولها activate دوسى عليها لو لقيتيها deactivate يبقى كدة خلاص ,دوسى على turn off

اة بالظبط كدة

لا والله عادى مافيش اى مشكلة تماما , اسألى براحتك

amatoullah

2015-12-11 (06:12:04PM)

ايوة حضرتك انا دخلت على chat on و s voice لقيت موجود force stop وجمبها turn of مش disable هل هى هى ؟؟؟
ادوس على انهى الاول ؟؟؟
يبقى فعلا التليفون كان مستخدم وعلشان العلبة كمان متبرشمة انا بردو اللى غلطانة الحمد لله
يعنى عادى الجوجل لما يبقى كدة مفيش مشكلة صح؟؟؟
انا زهقت حضرتك والله فعلا معلش اسفة جدااااااا

semsemSiR

2015-12-11 (02:38:56PM)

ازاى ؟ انتى هتدخلى على application manager - all application وهتدخلى على اى برنامج من اللى انا كاتبهم فوق , هتلاقى فية force stop وجنبيها على طول disable

هو كدة اة تم استخدامها 114 مرة , لو انتى ماستخدمتيش السماعة كتير او مرات محدودة , يبقى كدة كان مستعمل

خليكى فى ال 06-05 افضل حاجة , ومافيش فرق تماما كلة زى بعض

برنامج كويس, بس انا مش بحب اى برامج ليها علاقة بسيستم الهاتف , لانها اكيد بتستهلك من البطارية لانها بتكون شغالة فى الخلفية طول مالبرنامج فعال وموجود على الجهاز

- معناة ان الجوجل كروم واخد اكتر نسبة فى استهلاك البطارية , ودة معناة انك بتستخدمى البرنامج دة اكتر حاجة لو هو اعلى واحد عندك

amatoullah

2015-12-11 (11:49:37AM)

معلش بس انا بدخل على البطارية عشان اشوف الscreen كام لقيت ان جوجل كروم واخد 13% هو كدة ايه مع انه مكنش ظاهر عندى ؟ وهو ده اللى بعمل بيه بحث علطول ؟هل كدة عادى ولا ايه

amatoullah

2015-12-11 (11:37:56AM)

معلش بس انا مش لاقية disable انا بدخل على application manager وبعدين allبلاقى البرامج وبعدين بيبقى مكتوب جوا force stop بس ..هى فين disable؟؟؟
يعنى السماعة استخدمت 114ىمرة يعنى حد استخدمه قبلى مش جديد يعنى صح؟
بالنسبة لرقم lmei ساعات بلاقى تليفونات 07و08 بردو كويسة زى 05 و06 ؟
اصل انا سمعت ان الكورى احسن حاجة وبعدين الفيتنامى وبعدين الصينى
وحضرتك ايه رأيك فى برنامج CM Locker هل كويس وهل فعلا بيظبط البطارية ؟؟

semsemSiR

2015-12-11 (10:20:42AM)

لأ طبعا مش كلة يتعملة disable , اللى هتقفليهم هما دول عشان اسهل عليكى وماتقفليش حاجة توقفلك اوبشن تانى فى الجهاز

( drob box - optical reader - watchon - s voice - chat on - flipboard- hangouts- googlr playnewstand- group play - paper garden- samsung print service - story abum - talkback - trip advisor ) اى برامج من دول بتستخدميها خليها , لكن لو مش بتستخدميها اعمليلها disable , وقبل ماتعمليلة disable اعملى لية clear data و force stop

- بالظبط كدة معناة تم توصيل السماعة 114 مرة , حتى لو ركبتى الهيدفون , وشيلتيها , اقفلى البرنامج هتلاقي الرقم بقى 115

- رقم ال imei هتدخلية على الموقع دة :

البرنامج اللى انتى نزلتية دة هيوفر عليكى كل دة , وهيقولك كل حاجة عن الهاتف بالتفصيل مش محتاجة اى حاجة تانى , وهيقولك صناعتة اية وبتاريخ كام

- 80% من الهواتف اللى فى الشرق الاوسط بتكون كلها ياما 05 او 06

- مافيش فنلندى فى سامسونج اللى موجود ( فيتنامى - صينى - كورى ) والثلاثة متقفلين بس هناك لكن المكونات واحدة , فكلة زى بعض مافيش اى فرق تماما

amatoullah

2015-12-11 (05:40:39AM)

ربنا يباركلك يارب....انا فعلا دخلت على application manager وعند all لقيت حاجات كتيرة اوى وقفت الى مساحتها كببيرة . ولا لازم اوقف كله هما كتيييير اوى ؟؟؟
انا نزلت phone info وفى حاجات طبعا اكيد مش فاهماها ...بس حضرتك عند headset connect لقيت 114 يعنى استخدمتها 114 مرة ولا انا فاهمة غلط .. اصل انا اصلا يعتبر مش بستخدمها خالص واستخدمتها مرات قليلة جداااا
ومعلش انا شوفت فيديو بيقول انى اتأكد عن طريق رقم imei ...
وعلشان اعرف اتصنع فين اشوف الرقم السابع والتامن واشوف على حسب الارقام فى انهى دولة ...زى مثلا لو كان 02 او 20 يبقى تجميع الامارات ومش كويس ..هل ده صح فعلا ولا ايه والارقام دى مهمة ؟؟؟
والافضل معلش الفنلندى ولا الكورى ولا الصينى ولا مش حتفرق
اسفة على الاطالة

semsemSiR

2015-12-10 (09:51:07AM)

هو كدة السونى على سعرة وامكانياتة كويس جداا , اى تليفون فى نفس الفئة السعرية او اغلى شوية , هيكون ال A7 2016 الجديد اللى نازل هيكون افضل بس سعرة هيكون اغلى لكن هيكون افضل من حيث ( الشاشة - الرامات - البصمة - الهيكل المعدنى - قوة الوان الشاشة - حجم افضل وشاشتة 5.5 بوصة - بطارية اقوى 3300 امبير )

ال C5 هيتفوق فى ( الكاميرا الامامية - حجم الشاشة ) والفرق بينهم مش هيكون كبير تقريبا 700 جنية مصرى

وعموما هية مشكلة ال C5 ULTRA ( الحجم - الشاشة الوانها مش قوية بسبب حجم الشاشة الكبير على PPI 367

والسى 5 على سعرة يعنى هو ب 2950 جنية تقريبا كويس جداا

* انتاج التليفون لما تفتحى الهاتف , هتلاقية مكتوب تحت البطارية لما تشيليها , او تنزلى برنامج PHONE INFO من الماركت دة ممتاز فية كل حاجة تفصيلية عن الهاتف تقدرى تعرفى بية حتى التليفون اتحط على الشاحن ولا لأ ولو اتحط , بيقولك عدد المرات , وكمان بيقولك عدد مرات تركيب الهاند فرى

* اعملى DISABLE للبرامج اللى مش بتحتاجيها هتظبط معاكى موضوع البطارية شوية , وبالنسبة ل3 ساعات استخدام هو رقم متوسط بس المفروض الاس 4 بيكسر ال4 ساعات ونص

عموما انتى اقفلى البرامج اللى مش محتاجها من ال ALL APPLICATION هيظبط معاكى البطارية كويس

- عشان تتأكدى انة اصلى اول حاجة هتنزلى البرنامج PHONE INFO من الماركت , دة هيقولك كل حاجة على التليفون , تفصيليا وعن طريق البيانات اللى هيقولهالك هتقدرى تعرفى كل حاجة + ان طبعا التليفون لو اتحدث اكيد هيكون اصلى

ولو عايزة تعرفى البرنامج او تعرفى فية اكتر , نزلى البرنامج على تليفونك واسألى فى اى حاجة مش واضحة ليكى و انا اقولك , بحيث لما تشوفى النوت 4 تبقى عارفة البرنامج دة عبارة عن اية

ونصيحة لما تيجى تختارى النوت 4 هاتى النسخة ال N910C

amatoullah

2015-12-09 (11:46:13PM)

معلش كمان ...هو علشان انى اتأكد ان التليفون اصلى حيكون بيقبل تحديث صح؟ دى اضمن حاجة ولا فى حاجة تانية مضمونة تخلينى اعرف

amatoullah

2015-12-09 (11:36:55PM)

ربنا يباركلك يارب .... انا قصدى فى السونى فى حاجة احسن منه شوية وفرق السعر بردو مش كتييير ولا ده على سعره وامكانياته كدة كويس ؟؟
طب معلش ممكن تقولى اعرف انتاج الموبايل منين من جوا؟
وبالنسبة لموبايلى الاس 4 انا بدخل على البطارية بلاقى الشحن بيخلص وال screen on بتاخد بالكتييير 3 ساعات بس ..هى كدة قليلة صح ؟ولو كدة عل ليها حل؟
ربنا يباركلك على سعة صدرك

semsemSiR

2015-12-09 (10:43:46PM)

هو ال C5 ultra كويس بس عيبة شاشتة الوانها باهتة مقارنة بالوان السامسونج فى نفس فئتة

لكن هو سريع والكاميرا الامامية كويسة جداا , والخلفية كويسة جدا , لكن هو فى المجمل هاتف كويس جدا وسعرة كويس , بس بطاريتة متوسطة الاداء واللى بينافسة فى سامسونج بالسعر دة والامكانيات دية مافيش .

موضوع انتاج النوت 4 صعب تعرفية , الا لما تفتحى التليفون , او ممكن من ورقة الضمان لو هو موجود خارج العلبة , وصاحب المحل بيبقى عارف الاجهزة اللى عندة حديثة او قديمة لكن اللى تقدرى تعرفية هو اذا كان التليفون دة اصلى ولا لأ

وعموما طالما العلبة متبرشمة خلاص , وانتى ماتشتريش التليفون الا والعلبة متبرشمة وتشيكى عليها ,كويس انها مقفولة كويس جداا

* النوت 4 فية اوبشن من جوة انك تفعلى خاصية الشحن السريع او تلغيها , فلو انتى فعلتى خاصية الشحن السريع , التليفون بيشحن من 1% الى 100% فى ساعة ونص بالظبط , بس فى المقابل الشحن بيطير اسرع

ولو شحنتى على الوضع العادى , التليفون بياخد ساعة و50 دقيقة والشحن بيقعد اكتر شوية

لأ مش عيب , هو التليفون وضعيتة كدة

اى تليفون ممكن يتشحن بشاحن تانى , بس المشكلة كلها انة بياخد وقت اطول من الشاحن الاصلى , وفى نفس الوقت بيضعف البطارية على المدى الطويل نسبيا , لانة بيجهدها

لا مافيش اى ازعاج ولا حاجة , اسألى براحتك

amatoullah

2015-12-09 (03:38:30PM)

وحاجة تانية معلش ... انا سمعت ان شحن النوت 4 بيشحن بسرعة بس بردو بيخلص الشحن بسرعة هل ده فعلا صح ؟؟؟ يعنى التليفون حيقعد اد ايه كده؟؟ وهل كدة يبقى عيب فيه ؟
وقريت هنا ان ممكن اشحن بشاحن تانى حياخد وقت اطول بس البطارية مش حتخلص بسرعة هل ده بردو صح ؟؟؟ علشان حضرتك قولت قبل كدة مشحنش الا بالشاحن بتاع الموبايل

amatoullah

2015-12-09 (03:18:42PM)

ربنا يكرمك يارب على ردك واهتمامك...
هى إن شاء الله تغير الموبايل ... بس هى قالتلى اسأل حضرتك طب موبايل c5ultra عموما يعنى كويس ولا لأ؟؟ وايه ممكن اللى يكون فى سعره وبردو كويس ولا هو كده سعره وامكانياته كويسة ؟؟
علشان هى النوت 4 بالنسبة ليها غالى شوية
وحاجة تانية معللش سؤال ليا ... ازاى اعرف انتاج النوت4 علشان اتأكد هو نازل بالتحديث ولا حد محدثه يدوى
اسفة والله على الازعاج بس علشان انا معرفش الا حضرتك اسأله
وجزاك الله خيرا

semsemSiR

2015-12-08 (03:41:56PM)

للاسف مافيش طريقة تقدر تنقل بيها التطبيقات الى كارت الميمورى غير انها تعمل root للتليفون وتبدأ تستخدم برامج تساعدها فى انها تنقل اى حاجة على كارت الميمورى , لان للاسف السونى c مقسم الذاكرة الداخلية لاجزاء وعامل بس 1 جيجا للتطبيقات والباقى للصور والاغانى والملفات

وفية طريقة تانية , بس دية بيتم اخذ مساحة 1 جيجا من الذاكرة المخصصة للتطبيقات والصور والملفات الاخرى و ودمجها مع ذاكرة التطبيقات , لتحصلى فى النهاية على ذاكرة خاصة بالتطبيقات 1.9 جيجا بالظبط , بس اى صور وملفات هتنزل على التليفون مالهاش غير مساحة 210 ميجا , لو عايزة قوليلى اقولك عليها بس دية هيتطلب منها انها تعمل فورمات كامل للهاتف فقوليلها وانا هبعتهالك على الخاص عشان دة مش مكان الصفحة

- اكيد طبعا النوت 4 افضل فى كل حاجة ( بروسيسر - كاميرا - كارت شاشة - شاشة ودقة الشاشة - رامات - ذاكرة داخلية - قلم - حساسات )

- بالنسبة للنوت 4 على حسب الانتاج لو انتاج حديث هتلاقية نازل بالاندرويد 5 لكن لو قديم ونازل باللولى بوب يبقى كدة متحدث يدوى

amatoullah

2015-12-08 (03:10:54PM)

معلش حضرتك....هو فيه نوت 4 جديد بيكون نازل بأندرويد لولى بوب ولا لازم يكون على الكيتكات؟
اصل شوفت واحد معروض وكان على لولى بوب كدة ميبقاش جديد؟

amatoullah

2015-12-08 (02:58:26PM)

تمام حضرتك ....جزاك الله خيرا
معلش بس سؤال اصل اختى معاها موبايل سونى اكسبريا c ومش عارفة تنزل عليه برامج علشان المساحة..دمع انها حاطة ميمورى...هو مينفعش البرامج تتحول من الجهاز للميمورى ولا هى بتنزل على الجهاز بس ؟؟؟
ومعلش هى محتارة ما بين نوت4 وسونىc5 ultra
انهى افضل فيهم ؟؟؟؟ بما ان هى مجربتش سامسونج قبل كدة كان معاها اكسبريا c
اسفة طولت علييك

semsemSiR

2015-12-06 (09:14:45PM)

كدة هو فية بس فولت مش مظبوط فى البطارية , عشان تفضية كل اللى هتعملية انك تسيبى البطارية تفضى خالص لحد مالتليفون يفصل لوحدة , وبعد كدة تشيلى البطارية وتركبيها تانى , وتفتحى التليفون لو فية شحن خلصية لحد مالتليفون يقفل لوحدة ,وبعد كدة حطية على الشاحن اول لما يوصل 100% وينور اللمبة الخضراء شيلية , وان شاء الله الفولت الزايد هيروح , وعموما هية مش مقلقة ولا اى حاجة دة شىء عادى جداا بس انتى هتعملى كدة عشان مايكونش اى شحن وهمى

- غيرى الكابل بس عادى وجربى لو لقيتى الدنيا تمام وبيشحن فى نفس الوقت يبقى العيب كان من الكابل فعلا , غير كدة يبقى الشاحن هو اللى اتأثر

- لو جديد طبعا لازم يكون متبرشم وتفتحى البرشام بنفسك

amatoullah

2015-12-06 (03:53:01PM)

جزاك الله خيرا ... معلش انا مش بتكلم على وقت الشحن انا قصدى بعد ما يخلص شحن واستخدمه واسيبه شوية الاقيه زاد لوحده درجتين او ثلاثة من غير ما يكون على الشحن وده فى بعض الاوقات مش دايما .. يبقى كدة البطارية كويسة؟
وبالنسبة للشاحن القديم اغير الكابل بس ؟ وينفع اشيل الكابل من الجديد واحطه فى القديم اشوفه حيشحن كويس ولا لأ؟
ومعلش اخر حاجة انا ممكن إن شاء الله اجيب نوت 4 هل لازم العلبة تكون متبرشمة قدامى وانا اللى افتحها ؟ انا لمااشتريت s4 كانت العلبة مفتوحة بس كل الاكسسوارات اللى فى العلبة كانت موجودة وفى كيستها هل كدة صح ولا لأ ؟
معلش تعبت حضرتك

semsemSiR

2015-12-06 (10:41:37AM)

اة طالما الشاحن الجديد بقى بيشحن معاكى فى ساعتين الا خمس دقائق , يبقى كدة البطارية تمام

وممكن يكون الكابل هو اللى بايظ مش الشاحن لان الشاحن يأما شغال او مش شغال

بالنسبة لوقت الشحن مش كل النسب فى البطارية بتشحن بنفس السرعة , لكن اهم حاجة فى الاخر ان المجموع الكلى لوقت الشحن من 5% مثلا الى 100% مع ظهور اللمبة الخضراء , هو ساعتين وخمس دقائق بحد اقصى

لو انتى جايبة شاحن كامل جديد اتاكدى انة ( 5v-2a )

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 I9500

مقارنة

Android
1080 x 1920 pixels, 5.0 inches (~441 ppi pixel density)
3G

2G / 3G
13 MP, 4...

مزيد من المعلومات

الموبايلات

بطاريىة اس 4

التسجيل بالموقع

دخول الاعضاء

معلومات سريعة عن Samsung Galaxy S4 I9500

Android

1080 x 1920 pixels, 5.0 inches (~441 ppi pixel density)

3G

13 MP, 4...