ارجو الرد عليا فى اسرع وقت

للرجوع الي صفحة سامسونج Galaxy S4 I9500 الرئيسية اضغط هنا

moustafa2525

2014-07-04 (03:38:50PM)

الى الاستاذ semsem sir وكل من يعرف حل لمشكلتى يجوبنى انا اشتريت موبيل سامسونج جلاكسى s4 i 9500 وجيبته من التميمى اللى فى باب اللوق ضمان دولى 3200 جنيه ومكتوب عليه انه صنع فى الهند بواسطة سامسونجوجيبتع اللون الابيض والكرتونه كانت متبرشمه وفاتحها بايدى بس المشكله ان البطاريه بتخلص بسرعه رهيبه يعنى انا لو فاتح النت من الواى فى او حزمة البيانات وبستخدم النت متواصل ممكن يقعد اربع ساعات او فى الالعاب وكمان لما بدخل على البطاريه من على الجهاز بيقولى ان الشاشه صاحبه من البطاريه 63 فى الميه مع انى مقلل الضوء جدا واتمنى حل منكم للمشكله دى لان بسببها عاوز ابيع موبيلى تانى حاجه كنت عاوز احدث الجهاز للكيت كات وكل ما ادخل على حول الجهاز اللى فى الضبط يقولى ان التحديث الاخير مثبت بالفعل وهو حاليا على 4:3 جيلى بين والسؤال هل معقول لسه موبيل s4 متحدثش لكيت كات لغايت دلوقتى وده مخلينى مضايق لان كل اصدقائى معاهم الكيت كات والبطاريه بتقعد اكتر معاهم على الكيت كات ولو لسه التحديث موصلنيش اعمل ايه عشان يكون عندى الكيت كات واخر حاجه ياريت تقولولى انزل برامج ايه للموبيل عشان تحافظ على عمر البطاريه واداء الجهاز واخيرا احب اشكر الجميع على مجهودهم للناس المبتدئه واحب اشكر بالاخص استاذ semsem sir على تعبه الملحوظ مع الجميع وارجو الرد عليا وكل سنه وانتم طيبين ورمضان كريم على الجميع

semsemSiR

2014-07-04 (04:13:31PM)

اولا الف مبروك على الجهاز وربنا يباركلك فية

موضوع البطارية , حضرتك لازم اول مرة لتشغيل البطارية انك تسيب التليفون مقفول وتحطة على الشاحن لمدة 8 ساعات متواصل ,( دية لازم كاول طريقة تفعيل للبطارية وبتتعمل مرة واحدة فقط )

بعد كدة بطارية الجهاز هتلاقيها بتتحسن مرة بعد مرة تقريبا لحد 4 شحنات , وبعد كدة البطارية هتبقى زى الفل معاك ان شاء الله

- موضوع التحديث , الاس 4 كلة نزلة تحديث الكيتكات عن طريق الهوائى , حتى الهند , بس ممكن يكون جهازك لسة ماوصلش لية التحديث , فقدامك حل من الاتنين , يأما تستنى شوية لحد ماجهازك يقولك ان هناك تحديث ليك

او لو مستعجل انك تنزل تحديث الكيتكات بتاع اى دولة تختارها عن طريق الاودين وبعد كدة هتتلقى التحديثات الخاصة بهذة الدولة حين توافرها

شوف انت عايز اية وقولى

وربنا يخليك ياباشا على زوقك

وعلى فكرة بطارية الاس 4 من اقوى البطاريات اللى شوفتها فى حياتى , وعموما فى تقرير مصور هنزلة بالليل ان شاء الله عن البطارية

semsemSiR

2014-07-04 (04:39:28PM)

معلش نسيت حاجة , انك لازم البطارية تسنخدمها لحد مالتليفون يفصل لوحدة , وبعد كدة تحطها 8 ساعات متواصل من غير ماتفتح التليفون

moustafa2525

2014-07-05 (05:23:16AM)

حضرتك يا استاذ semsem sir انااول ما جيبت الموبيل استنيت لغايت لما خلص شحن خالص وقفلت الموبيل وشحنته 12 ساعه مش 8 بس وكل يوم قبل ما بنام بحطه على الشحن 8 او 9 ساعات شحن وبرضو بيفضى بسرعه ملحوظه وانا جايب الموبيل بقالى 20 يوم وهو كا موبيل جميل جدا وعجبنى بس البطاريه مضايقانى عمتن مش مهم ان شاء الله اكيد هتتحل فى اى نسخه اندرويد جديده طيب حضرتك انا لو عاوز انزل الكيت كات من الاوديون ايه هى الخطوات اللى اعملها عشان ينزل على جهازى وكمان لو نزلته من على سيرفر اى دوله تانيه مش ده ممكن يكون غلط على جهازى كده ولا لاء وكمان لو عاوز الغيه وارجع على السيرفر بتاع بلدى تانى يبقى عادى ولا لاء ياريت تفدنى وايه رايك فى المجمل استنى التحديث من الشركه ولا استعمله من سيرفر اى دوله تانيه ولا لاء وياريت تشرحلى طريقة تنزيله من دوله تانيه ومعلش تعبتك معايا تحياتى ليك

semsemSiR

2014-07-05 (11:11:17AM)

طيب مانت كدة ياباشا اللى بتبوظ البطارية , ازاى يعنى تشحنة كل يوم 8-9 ساعات , والبطارية بتتشحن فى ساعتين بس

يعنى انت بتسيبة 6 -7 ساعات زيادة , ودة طبعا بيأثر بالسلب على اداء البطارية , وهيجيب اجلها بسرعة جدااا

ونسخة ال 4.3 ممتازة جدااا على الاس 4 , حضرتك ممكن تشوف الاستهلاك اللى انا عاملة للبطارية بتاعتى فى اول مشاركة

لكن انت كدة بتبوظ البطارية ,. وانتظر منها انها تتنفخ فى اى وقت لانك بتحملها طاقة فوق طاقتها بكتير

عموما كل اللى هقولك علية , ان تليفونك تشيلة من الشاحن اول لما اللمبة الخضراء تنور , تشيلة على طول حفاظا على البطارية

هو مافيش حاجة اسمها سيرفر , اصلا , انت بتختار النسخة بتاعة اى بلد وبتنزلها ومافيش اى مشكلة

وعلى فكرة الكيتكات مايفرقش اى شىء عن ال 4.3 سوى الاسم فقط

تلك الخدمة مخصصة للأعضاء فقط