أ / semsemSiR

للرجوع الي صفحة سامسونج Galaxy S4 I9500 الرئيسية اضغط هنا

adelwgdy

2014-06-11 (08:43:19PM)

شكرك جدا يا أ / semsemSiR ومعلش أنا عارف أنى ضيقتك بأسئلتى الكتيره أنا أسف وهاعمل اللى قولتلى عليه وهارد على حضرتك بس فيه حاجه برضه غريبه ساعات لما اجى أصور بالكاميرا ألاقى رساله بتطلع بتقول الفلاش لايعمل فى درجه الحراره المنخفضه والفلاش مش بيشتغل فنزلت برنامج ديو باترى فلما بتطلع الرساله دى بلاقى ان درجه الحراره صفر او 5 وبتقعد دقيقتين تقريبا علشان الفلاش شتغل تانى لكن الحراره فى الأغلب بتبقى من 30 الى 35 ونادرا ماتبقى 60 ولمده نصف أو دقيقه وتنزل على طول وبرضه لما بشحن الاقى كذا مره ممكن 4 أو 5 مرات تطلع رساله بتقول أفصل الشاحن الحراره عاليه وده فى مره الشحن الواحده وبتضطر أفصل الشاحن فتره واكمل بعد كده الشحن معلش استحملنى فى أسئلتى لأنى متضايق جدا أن الموبايل كده وأنا لسه شاريه ماكملش أسبوع وأشكرك عل كرمك وأهتمامك

أ / semsemSiR العزيز أنا جربت الكود اللى حضرتك كتبته وفعلا الموبايل نور اخضر وعمل فايبريشن ونزلت برنامج antutu benchmark وجربته 4 مرات ورا بعض أدانى القرايات على الترتيب : 1 - 24659 2- 24553 3- 23028 4- 23988 وأنا مش عارف اييه رأى حضرتك فى الأرقام دى لأنها ماجابتش الرقم اللى انت قولت عليه وهو 26500 مش عارف أعمل أييه أرجع تانى للمحل اللى أشتريت منه ولو رجعت أقوله أييه معلش وجعت دماغك وأشكرك على أهتمامك وتعبك معايا

semsemSiR

2014-06-11 (09:38:54PM)

لا ياباشا مافيش اى حاجة

بس مبدأيا , الجهاز دة كدة فية مشاكل , نصيحة منى رجعة وخد جهاز تانى افضل

ونصيحتى لك انك تاخد فلوسك , وتنزل تشترى التليفون من مكان انا هقولك علية , لكن لو النسخ كلها زى اللى عندة دية كدة ارجحلك تاخد فلوسك ودة حقك

وكمان لان التليفون جايب ارقام قليلة جداااااااا 23000 , واصلا التليفون دة بيوصل ل 28500 واقل حاجة لية , 26500

semsemSiR

2014-06-11 (09:41:13PM)

قولة الجهاز بيسخن جدااااااا ودرجة الحرارة بتوصل ل 60 درجة والجهاز بيتوقف عن العمل , وكل شوية يحصل مشكلة فى الفلاش ومايرضاش يشتغل

وكمان الجهاز بطىء عن اى جهاز s4 انا مسكتة قبل كدة

تقولة ياما تغيرلى نسخة الهاتف كلة , او تدينى فلوسى لو كل الاجهزة عندك من نفس النوع دة

adelwgdy

2014-06-13 (01:16:55AM)

أشكرك جدا يا أ / semsemSiR على نصيحتك ليا لأن فعلا رحت المحل وقولتلهم زى ماقولتلى وبصراحه هما كانوا ناس ذوق جدا سيبتلهم الموبايل يوم وأتصلت بيهم قالولى انه ماظهرش حاجه قدامهم لكن مدام أنت حصل معاك كده تعالى وخد واحد تانى مكانه وخيرونى بين S4 4g أبيض أو S4 3g أسود أو أخد واحد بضمان وأدفع الفرق فسألتهم اذا كان الجهاز اللى هو ضمان دولى من نفس الأجهزه اللى أخدت منها قالولى أيوه وأدونى السريال بتاع الجهاز S4 3g اللى هو ضمان دولى علشان أستعلم عنه فأييه رأى حضرتك أتصرف أزاى وأشكرك جدا لأن من غيرك ماكنتش عارف هاتصرف أزاى بجد وربنا يباركلك

adelwgdy

2014-06-13 (01:20:52AM)

ومعلش هل فيه برنامج أقدر أنزله على الكمبيوتر أدخل فيه السريال يدينى معلومات الجهاز من صنع فين وتاريخ الصنع زى برنامج phone info اللى حضرتك قولتلى عليه ونزلته على الموبايل وأشكرك مره تانيه على تعبك معايا

semsemSiR

2014-06-13 (10:59:34AM)

لا ياباشا مافيش تعب ولا حاجة

وللاسف مافيش حاجة تعرف بيها صناعة بلد الموبايل غير من على التليفون نفسة

لكن ممكن تعرف اذا كان الموبايل اصلى ولا لأ

adelwgdy

2014-06-13 (01:11:32PM)

طيب أييه رأى حضرتك فى الأختيارات المتاحه قدامى من المحل لأنهم خيرونى بين S4 4g أبيض أو S4 3g أسود أو أخد واحد بضمان وأدفع الفرق فسألتهم اذا كان الجهاز اللى هو ضمان دولى من نفس الأجهزه اللى أخدت منها قالولى أيوه وأدونى السريال بتاع الجهاز S4 3g اللى هو ضمان دولى علشان أستعلم عنه أو نوت 3 ضمان دولى أسود وأدفع الفرق فأييه رأى حضرتك أتصرف أزاى

adelwgdy

2014-06-13 (01:20:59PM)

عل فكره يا أ / semsemSiR أسعار S4 ضمان دولى 3175 جنيه وبالضمان 3650 جنيه والنوت 3 ضمان دولى 3975 جنيه وبالضمان 4750 جنيه هل الأسعار دى معقوله ولا ممكن الواحد يشك فى نوعيه الأجهزه

semsemSiR

2014-06-13 (06:03:12PM)

هية الاسعار دية قليلة عن الخارج

يعنى انا سأل لسة امبارح على الاس 4 ضمان دولى ب 3250 جنية , وبالضمان ب 3750 جنية

والنوت 3 بدون ضمان ب 4000 جنية وبالضمان ب 4800 جنية

وعموما طبعا الاس 4 ال 3g افضل من ال 4g

ولو مش فارقة معاك حجم النوت 3 , هاتة هما الاتنين قريبين من بعض جدااااااا فى كل حاجة مع تفوق النوت 3 فى حجم الشاشة والقلم

تلك الخدمة مخصصة للأعضاء فقط