بدون عنوان

للرجوع الي صفحة سامسونج Galaxy S4 I9500 الرئيسية اضغط هنا

IslamMohamed

2013-05-23 (07:03:51AM)

معلش بعد اذنكم انه احسن فى الشاشات LED , Super AMOLED

وفى استفسار بخصوص الموبايل ده البروسيسور بتاعه
Quad-core 1.6 GHz Cortex-A15 & quad-core 1.2 GHz Cortex-A7

هل معنى كده انه فيه 2 بروسيسور وهل ده بيأثر على كفاءة الجهاز ؟

engkhaled

2013-05-23 (11:18:30AM)

Super AMOLED افضل ..

بخصوص المعالج هو بيعمل بمعالجين Quad-core 1.6 GHz Cortex-A15 & quad-core 1.2 GHz Cortex-A7 زى ما انت ذكرت ، كل واحد فيهم رباعى النواة ، الـ 1.6 بيشتغل فى الالعاب والتطبيقات التقيلة ، امال الـ 1.2 بيشتغل فى الحاجات البسيطة ، ودى بيوفر فى البطارية بنسبة كويسة
ولكن استحالة الاتنين يشتغلوا مع بعض.

الاس4 سواء النسخة ثمانى النواة (اللى فى مصر) او النسخة رباعى النواة كلاهما بيتفوقوا على اى جهاز فى السوق فى الكفاءة والسرعة.

ahmedaliyossef2010

2013-05-23 (02:20:48PM)

على حسب رأى كل واحد

super amoled ألوانها مش بتبقى طبيعية و بتبقى زى ما تقول فاقعة شوية و الأسود فيها بيبقى اسود 100% بس على الجهة الأخرى الأبيض بيبقى سئ

lcd بتبقى أوانها طبيعية و وضوحها أعلى من الشاشة السوبر أموليد الأسود فيها مش بيبقى زى الأموليد بس على حسب كل شركة اللى تقدر تخليه أقرب حاجة للأسود و الأبيض أبيض ناصع وأفضل من الأموليد

thelord

2013-05-23 (04:22:49PM)

في 4 انواع للشاشه واكتر من 4 للS4 في منها بيدي لو طبيعي مش فاقع

ahmedaliyossef2010

2013-05-23 (04:38:14PM)

كلامك صح يا اسلام بس حتى كل الاختيارات دى مش هتخليلك الأبيض ناصح

طيب ايه رأيك فى موضوع الوضوح و الكلام الباقى

علشان jتبقى مطمئن دى مقارنة بين شاشتى s4 و one أعتقد دول يعتبروا أفضل أمثلة للمقارنة بين النوعين

engkhaled

2013-05-23 (04:44:16PM)

ahmedaliyossef2010
فى المقارنة اللى كانت بين الاس4 والـ HTC الخاصة بموقع XQ55
شاشة الاس4 تفوقت فى الوضوح وحتى ف المقارنه فتح جوجل كروم وبان ان اللون الابيض فى الاس4 اوضح من الـ htc

goldeneagle

2013-05-23 (05:23:11PM)

بعد اذنكم يارجاله بس , ال 4G لو نزلت مصر هل الموبايل هيدعمها ولا لأ؟ عشان واحد قالى لو ال 4gنزل هيبقى الموبايلات كلها بعد فتره بقيت 4g زى ال 3g كده كله شغال 3gدلوقتى

ahmedaliyossef2010

2013-05-23 (05:42:58PM)

يا أستاذ خالد

ازاى هيبقى الأموليد أوضح فهمنى

لما شاشة يبقى البكسل فيها بيتكون من 3 بكسل بالاضافة لعدد أكبر من البكسلات لكل انش
فى مقابل شاشة البكسل فيها بيتكون من 2 بس يبقى ازاى هتبقى احسن فهمنى

حاجة كمان مش دى المقارنة ؟

قال فين انها أحسن

لو تقصد الفيديو يبقى حضرتك مشوفتش الفيديو لأن الاتنين كانو معمولين على وضع power savimg و لما الاتنين اتعملو على الوضع العادى الوان اكتسح الاس 4 يا ريت تشوف الفيديو علشان تتأكد من كلامى

engkhaled

2013-05-23 (06:20:33PM)

ahmedaliyossef2010

كلامك صح فعلاً ، عندى دى معلش :D
مأخدش بالى من ان الجهازين على power saving :)

تقبل اعتذارى :)

ahmedaliyossef2010

2013-05-23 (10:32:56PM)

الموضوع مش مستاهل اعتذار احنا بس بنحاول نوضح كل حاجة مش أكتر و بكرة ان شاء الله هغلط و انت تصححلى :)

abosalah

2013-05-24 (01:27:27AM)

و ماتنسوش ان فيه فرق سعر مابين htc one و gs4 ولازم نحط السعر فى المقارنه لانه فرق مش بسيط htc one اغلى من gs4 فرق 500 جنيه و طبعا و ده لصالح gs4

ahmedaliyossef2010

2013-05-24 (02:19:17AM)

يا أبو صلاح السعر ده لأن الوان مش منتشر و لسة منزلش فى مصر السعر العالمى أصلا للاتنين الوان أرخص من الاس 4

يعنى اللى هيشترى من هنا يبقى اتضحك عليه فيهه حلين انه يجيب من برة مصر أو يستنى النزول بتاع الموبايل

لو عاوز تاخد النقاط فى الاعتبار ممكن كمان تاخد فى الاعتبار انك بتشترى نسخة 32 جيجا من الوان و نسخة 16 من الاس 4

و يا جماعة الراجل سأل سؤال محدد أنا غلط لما جبت رابط بيقارن بين موبايلين لأنه فتح حوار جديد خالص

تلك الخدمة مخصصة للأعضاء فقط