بدون عنوان

المرة دى البوست مش ادمن اللى كاتبه .. لأ ده عضو كتبه على المنتدى و لفت نظر الأدمنز ..
لكل اللى بيدافعو عن الإس4 .. إقروا البوست ده كويس

المشاركة الأصلية كتبت بواسطة afndeenaa
مع كامل احترامي ليك .. الهاتف لا يستحق الاقتناء لمجرد السوفت وير الى بتتكلم عنه ..
لأن السوفت وير مفيش أسهل منه عالنت .. بالروت او بالبرامج اللي بالملايين الموجوده على النت ..
مش مستعد أدفع 5777 جنيه عشان كدا ..

خليني اوريك ..

نبدأ بالخواص اللى حضرتك بتعرضها على انها

Dual Camera

خاصية فكسانه بتخليك تاخد صورتك بالكاميرا الامامية وتحطها وانت بتصور مع الكاميرا الخلفية !!
ناتج الصورة بيكون شكله مش حلو أصلا
واسهلك تخلي واحد يصورك مع اصحابك أسهل واريح !!
او تعملها بقى بأي برنامج تعديل صور من ملايين البرامج اللى موجودده عالنت

S Health
الفكرة قديمة وموجود برامج كتير للتمرينات وبتحسبلك المسافة اللى جريتها وبتابع معاك يوميا
وبتحسب برضه الكالوري اللى بتحرقه كل يوم مع التمارين او غيره ..

Adapt Display
برنامج معمول عشان اصلا شاشة الـ Super AMOLED بدأت الناس تشتكي منها لان الوانها مش طبيعية
وكمان السوني منزله Sony Bravia Engine في موبايلتها زي الـ Xperia Z
لنفس الفكرة .. ومن قبل نزول الجلاكسي اس فور
وكذلك ده مجرد تطبيق ممكن ينزل في الابديت اللى جاي او تنزل برنامج مشابه
أو تشتري موبايل زي HTC ONE بشاشة Super LCD [الوان طبيعية أكثر] , وكمان زوايا رؤوية ممتازة ..

Adapt Sound ? ?
نزل AMp Player أشهر برنامج موسيقى أفضل اكواليزر
او برضه سماعات وتقنية الـ Beats Audio أفضل مليون مرة من أي هاتف ذكي تاني ..
وموجوده في الـ HTC One فقط

Home Sync
تخزين سحابي بحجم 1 تيرا .. ده على اساس ان في واحد عنده نت في مصر يعمل ابلود لحاجات بأحجام كبيرة
ده انا عندي اكونت Dropbox بحجحم 25 جيجا مش مالي منه غير 2 جيجا على مدى سنتين !!

Watch On
البرنامج موجود بالريموت برضه في HtC One
وكذلك موجود عالجوجل بلاي برامج مشابهه كتير

Air Gusture
و Air View
مجرد اشتغالات هتفرح بيها اول يومين
أي حد عنده جهاز Note 2.0 عارف قصدي
اولا رد فعل الموبايل على حركة ايدك بيكون بطيء وبياخد وقت
انا مش فاهم ليه احط صباعي فوق الشاشة ب 1 سم واقلب وهياخد وقت اطول
لما ممكن المس الشاشة واريح دماغي
انا عمري ما شوفت موبايل باظ من كتر اللمس !!!

S Drive Voice
برنامج الـ Maaps بيعمل كدا اصلا وموجود في كل الاندرويد
وفي تطبيق Drive موجود على الـ HTC بمعظم انواعه او تقدر تنزل حاجه مشابهه من عالنت
بتديك كل المميزات دي ..

S Translator
المترجم الفوري ب 9 لغات ولهجات مختلفة
أكتر حاجه عجبتني .. للأسف مبتدعمش اللغة العربية !!

Samsung Hub
فكسان ملوش لزمة .. عمرك ما هتفتحه

Story Alboum
تقريبا كل الموبايلات الجديدة بقت بتعمل كدا
وعندي الفكرة دي في الـ HTC One

Group play
هتكون محتاجه العاب معينة .. واكيد مش هيبقى كل اصحابك معاهم الـ S4 "
هتكون حاجه زي الـ S beam اللى عمر ما الناس استعملتها اصلا ً ..

Drama shot
اي موبايل من الجداد في خاصية الـ Sequence
وموبايلي فيه نفس الفكرة وبيعمل نفس الخاصية بدمج الصور مع بعض
ودي من عندي على موبايلي :


وكمان خاصية Best Shot
الـ HTC One سبقه فيها وموجوده فيه ..

Sound And Shot
كويسة بس موجوده في اللوميا والاتش تي سي مميزات شبيهه زي الـ Zoe
نفس الفكرة والاسهل انك تصور فيديو وتريح دماغك !! عالاقل تبقى خدت الضحة مثلا صوت وصورة مش صوت بس

----------------------
للأسف اصدار السامسونج بنسخة لا تدعم الـ 4G في السنين القادمة في مصر و بسعر 5777
لمجرد جهاز رباعي (نسخة الشرق الاوسط) بتردد 2.0 جيجا ميستاهلش المبلغ ده ابداً

في مقابل انك تحصل على جهاز أشيك بكتير والومونيوم وبصوت قوي جدا Beats audio وبخواص برده زيادة زي الـ Zoe و Blink Feed وغيرها زي الاتش تي سي وان
او انك تاخد جهاز انيق جدا جوريلا جلاس من قدام وورا وضد المية والتراب ومضاد للصدمات زي الاكسبريا زد ..

---------------------
ده رأي شخصي من شخص قارن ال 3 موبايلات واشترى الـ HTC One من 3 اسابيع عن اقتناعه بالسابق ..

إنت إيه رأيك ؟


منقووووووووووووووووووووول =D
صفحة