هو الموب ده فيه عيب ولا ايه

moaz14mizo

2014-05-17 (08:18:56PM)

يا جماعة انا شايف ان سعر الموب ده في النازل فحبيت استفسر هل هو فيه عيوب اصل سعرة نزل جامد

hussamallam

2014-05-31 (10:35:42PM)

اخى العزيز
الجهاز مفيهوش اى مشاكل والله
بالعكس تماما فهو جهاز سلس تماما فى التعامل معه خاصة فى الالعاب
و مفيهوش اى سخونه غير طبيعيه فاقصى درجة حراره كانت 38
و كمان مفيش اى تهنيج صادفنى حتى الان
و بالنسبه للزراير فانا اكتشفت مع الاستخدام انها اكثر عمليه من التاتش و كمان شكلها مميز و شيك
فيكفى انك تستخدم جهاز شكله غير منتشر مثل باقى الموديلات فكثير من الاشخاص استوقفونى للسؤال عن هذا الموديل لان شكله مميز
المشكله الوحيده ان الوكيل فى مصر لم يقم بالدعايه اللازمه لهاذا الجهاز بمصر فكثير من الناس لا تعرفه او تخاف من شرائه
لكننى و بصراحه انصح به الجميع
و ملاحظه اخرى
هذا الجهاز 4G وهو من الاجهزه القليله الداعمه لهاذا النظام و بهاذا السعر

mostafasalem0

2014-05-29 (02:48:13AM)

mohelsaid

بالنسبه لموضوع السخونه معايا مفيش سخونه خالص العادى 33 درجه واما بلعب بيه العاب اونلاين وايرلس ويبقى ع الشاحن مش بتزيد عن 38 او 39 ودا طبيعى جداااااااااااااااااااااا .. زيه زى النوت 2

مش شايف اى مشاكل خالص فيه
الحاجه اللى دايقتنى .. اما بكون برا فى الشارع والبطاريه بتقل عن 5% الشاشه اضاءتها بتقل تلقائياً لدرجة مش ببقى شايف حاجه وكمان شريط الاضاءه التلقائى اللى فى النوتيفيكيشن بيتشال واما ارجع احطه ع الشاحن بيرجع تانى وكله يرجع لوضعه الطبيعى .. واما سألت ع الموضوع دا عرفت ان كل الاجهزه الجديده اللى نازله فى خلال الـ 10 شهور اللى فاتت نفس الكلام يعنى دى طلعت مش عيب فى التلفون .. هى سامسونج عامله كده .. واخويا معاه الجراند 2 برده نفس الكلام وفى ناس قالتلى النوت3 برده نفس الكلام

بالنسبه لموضوع سماعة البلتوث
فعلا انا كانت معايا المشكله دى انى وصلت سماعه بلتوث بس مش اصليه ومش سماعه سامسونج فعملتلى مشكله انى اى حد يكلمنى او اكلمه لا هو يسمعنى ولا انا اسمعه
وسألت برده قالولى لازم تجيب سماعه اصليه ,, عملت ضبط مصنع ومشغلتش السماعه دى تانى والحمدلله الجهاز شغال معايا زى الفل معملش كده تانى بقاله 3 شهور واتأكدت فعلا ان العيب فى السماعه مش التلفون .. لانه لو التلفون كانت حصلت المشكله تانى
بس بصراحه مجربتش سماعات تانى لا اصليه ولا غيرها لانى مش بستخدم سماعات بلتوث
---------------------
تلفونى جايبه من الكويت وهو نسخة الامارات

mohelsaid

2014-05-29 (12:48:09AM)

انا سالت على الموبيل ده فى الموقع وبعض الاعضاء قلو انه بيسخن جامد ومشاكله كتير
وبعض الناس كانو بيشتكوا ان لما استخدمو سماعة بلوتوث كان فيها مشكلة وكذالك سماعة المكالمات
ياريت استاذ hussamallam واستاذ mostafasalem0 يردوا على الموضوع ده ويحكو تجربيهم مع الموبيل بالتفصيل ليسيفيد باقى الاعضاء الى عايزين يشتروا الموبيل
ولكم جزيل الشكر

moaz14mizo

2014-05-27 (01:05:15PM)

شكراً ليكم كلكم على الرد وانا اصلاً الموب ده عاجبني جداً وشكله جامد اوي يعني والزراير مخليه شكله جامد وان شاء الله هجيبه قريب

hussamallam

2014-05-25 (10:30:06PM)

اخ العزيز
انا كمان جايب الجهاز منذ 3 اسابيع
الجهاز اكثر من رائع و الزراير شكلها شيك و عمليه جدا اكثر من التاتش
والجهاز سلس جدا جدا فى التعامل و الشاشه اكثر من رائعه
و البطاريه ممتازه جدا معى بتاخد حوالى يومين الى يومين و نصف مع الاستخدام المتوسط
يعنى ساعتين نت يوميا مع حوالى ساعه مكالمات
انا جيبت الازرق و بصراحه منظره جميل جدا و جديد و يخليك تحس انك ماسك حاجه مختلفه عن باقى الناس
الغطاء الخلفى محكم تماما لكن يجب اتباع الخطواط الصحيحه فى التعامل معه
و هى مذكوره فى الكتالوج حتى يصبح الجهاز مقاوما للماء

mostafasalem0

2014-05-24 (02:32:54AM)

بصوا يا جماعه الموضوع بخلاصه شديده

تمنه مش نازل ولا اى حاجه .. اللى حاصل ايه ؟؟
ان المستورد المصرى الله ..... هو اللى معلى سعر الجهاز اوى من ساعة مانزل
انا جايب التلفون دا من الكويت معايا من شهر 2 يعنى بقالوا حوالى 4 شهور جبته بـ 115 دينار تقريبا
3000 ج من 4 شهوووووووور وسألت عليه فى مصر فى نفس الوقت اما جبته علطول لقيته 4300 ج من محلات يعنى برا التوكيل

طبعا اما نزلت تلفونات جديده بعده فلازم سعره ينزل للسعر الاصلى بتاعه وهى تقريبا تتراوح بين 3000 - 3300 مصرى .. دا بالنسبه للسعر

بالنسبه للشكل فانا مع احترامى للجميع موضوع الشكل بيختلف من شخص لشخص .. فى ناس رافضه مبدأ الزراير مطلقا
اما جبت الجهاز دا بصراحه كنت خايف من شكل الزراير ومنظرها لكن بصراحه شديده طلع شكل جامد جدااااااااااا والزراير شكلها حلو اوى وعجبنى اوى
طبعا تعبت فى الاول لان كان معايا نوت 2 بس اتعود ع الزراير بتعته ودلوقتى اشطه

اللى عايز يجيب الجهاز دا بجد مش هيندم .... فانا من وجهة نظرى مش شايف اى عيوب فيه بالعكس اسرع من النوت 2 وبطاريته احسن من النوت 2
بس طبعا النوت 2 يتفوق عليه فى الشاشه والحجم والقلم .. لكن باقى الاختلافات مش ملحوظه

MRMRR

2014-05-19 (02:48:00AM)

مع احترامى لكلامك مش فى النازل ولاحاجه هوا زى اى موبايل بينزل سعره كل فترة بس الفرق ان شركة سامسونج نزلت موبايلات بعده ومنهم اس5 وده متوقع ان سعره ينزل من وقت للتانى

mostafarezk

2014-05-18 (01:37:59PM)

عيبه شكله بيقولوا مش شيك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 Active I9295

مقارنة

Android
5.0″

5.0 بوصة
3G

2G / 3G
8 MP, 32...
2600mAh

Li-Po 2600 mAh قابلة للازالة

مزيد من المعلومات

الموبايلات

هو الموب ده فيه عيب ولا ايه

التسجيل بالموقع

دخول الاعضاء

معلومات سريعة عن Samsung Galaxy S4 Active I9295

Android

5.0″

3G

8 MP, 32...

2600mAh