هذا الموضوع مرتبط بـ Galaxy S4 Active I9295

للرجوع الي صفحة الرئيسية اضغط هنا

موبايل اكثر من رائع

ahmed5994

2014-04-20 (03:58:03PM)

تم بحمد الله شراء هذا الجهاز من دريم 2000 ب 2980 جنيه و حتي الان ممتاز فكل حاجه واي استفسار انا فالخدمه

MGamal1

2014-04-29 (07:15:54PM)

السلام عليكم
هل يوجد راديو فى هذا الموبايل لان فى مواقع تقول لا
وشكرا

mostafasalem0

2014-04-24 (02:12:24AM)

صوت الموبايل كويس وعالى زى كل موبايلات سامسونج وموضوع الاغانى معرفش بصراحه لانى مبسمعش اغانى :)

mohammedabdelaziz

2014-04-23 (09:43:50PM)

السلام عليكم والف مبروك علي الموبايل
انا ان شاء الله ناوي اجيب الموبايل ده في شهر 7
بس في سؤال بسيط
صوت الموبايل اخباره ايه ؟؟؟؟
كرنه في الشارع مثلا عالي ولا ايه ولما نشغل اغنيه مثلا اخباره ايه
وشكراااااااااااا مقدما :)

mostafasalem0

2014-04-23 (08:55:12PM)

botyyounis

الـ Sensors دى اللى موجود اما عملت الكود
ونزلت البرنامج من جوجل بلاى اللى اشتغل مؤشر Presure ومؤشر Light

المؤشرين التانيين بتوع Temrature و relative humidity دول مشتغلوش

botyyounis

2014-04-23 (07:46:42PM)

لأن ده حساس هام شوية هو بيعرف درجة حرارة المكان اللي انت فيه :)

botyyounis

2014-04-23 (07:42:59PM)

مفيش thermometer Sensor ؟

mostafasalem0

2014-04-23 (12:02:38AM)

فى حاجات كتير

Accelerometer sensor

Proximity sensor

Barometer sensor

Lights sensor

Gyroscope sensor

Magnetic sensor

Gesture sensor

botyyounis

2014-04-22 (09:41:08PM)

بالمناسبة ممكنت تدوس *#0*#
نجمة شباك صفر نجمة شباك
هيجيلك شاشة بيضا
اختار sensors
هيجيلك جميع الحساسات الموجودة في الموبايل
قولولنا لقيتوا ايه :)
كمان ممكن تشوفوا البرنامج ده

هو لل اس 4 بس اظن ممكن يشتغل على الأكتف

botyyounis

2014-04-22 (08:02:54PM)

شكرا بجد يا جماعة طمنتوني انا ان شاء الله هجيبه من السعودية قبل رمضان :)
الف شكر على التقارير الروعة

mostafasalem0

2014-04-22 (03:15:37AM)

انا جبتله اسكرينه ضد الكسر من الكويت كانت عامله 5 دينار
وتقريبا تمنها هنا تعمل 150 ج

ادينا مستنين الكيت كات ع نار بس شهرين كتير اوووووووووووى :(

hussamallam

2014-04-21 (11:35:30PM)

اخى العزيز mostafasalem0 الف شكر على النصيحه
انا بالفعل حابب شكل الجهاز و خاصه الزراير بصراحه شكلها شيك و جامده خاصة اننى سأشترى اللون الرمادى ايضا لأن شكله اشيك كتيييييييير من الالوان الاخرى
و ارجوك اذا كنت مرشح نوع سكرينه معينه ان تقول عليه
ولك جزيا الشكر

وايضا اخى العزيز ahmed5994
الف الف شكر على تقريرك و اهتمامك
انا بالفعل عارف ان هناك فرق كبير بين كامير اللوميا 920 و السامسونج
فكاميرا الوميا رهيبه و لا تقارن بالسامسونج
لكن بالمقارنه بباقى كاميرات السامسونج اعتقد انها جيده على حسب ما سمعت
بصراحه انتم شجعتونى كثيرا لشرائه فى اسرع وقت فانا كنت بصدد شراء ال S3 لكن بعد وصول الاكتيف لهاذا السعر اعتقد ان الامر محسوم له خاصه مع امكانياته القريبه جدا من ال S4

وكذلك احب ان ابشركم بقرب وصول الكيت كات 4.4 له قريبا جدا فى خلال شهرين
لانه بداء بالفعل فى الولايات المتحدة منذ اسبوع تقريبا و سيتم التحديث لباقى الدول تباعا

mostafasalem0

2014-04-21 (02:06:45PM)

hussamallam العفو يا باشا وانا تحت امرك فى اى استفسار
وبجد هات التلفون ومش هتندم .. وعلفكره مش بيسخن معايا خالص اكتر درجة حراره شوفتها كانت 33 وهو ع الشاحن وكنت بلعب فيه وفاتح منه نت واى فاى
وموضوع الزارير شكلها جميل جدااااااا وهتعجبك وسهله فى الاستخدام وشيك اوى ودا فى وجهة نظرى لان فى ناس بتحب الزراير تكون تاتش
ونصيحه تجبله اسكرينه كويسه وجراب من اول يوم وانت عارف اجهزة سامسونج كلها لو وقعت لاقدر الله بتجيب شاشه علطول
---------------------------------------
ahmed5994
بصراحه موضوع مستشعرات الرطوبه والحراره انا قريت مره ع النت انهم موجودين فعلا بس مفيش برنامج ع الجهاز يشغلهم وانت تنزل برنامج وهيشتغلوا تمام معاك .. انا بصراحه مش بهتم بالكلام دا ومفكرتش انزل البرنامج ولا حتى اهتميت :) لو انت مهتم اكتب ع جوجل وان شاء الله كله هيبقى تمام معاك

فعلا يا احمد المساحه الفاضيه 11 جيجا ودى حاجه كويسه انا مشترتش كارت لغاية الان لان مساحته حلوه والتاتش بتاعه جميل وممكن تشتغل عليه وانت لابس جونتى من سرعة استجابة التاتش
ربنا يباركلك فى الجهاز يارب .. واما يوصلك الكيت كات ادينى رنه علطول ههههههههههههههه

ahmed5994

2014-04-21 (01:16:03PM)

فعلا كلام الاستاذ mostafasalem0 صحيح بس احب ازود كام حاجه
1-انا جبت اللون الجري فاسود و التصميم جامد و مش بتبان عليه بصمات خالص و احلي من الاس فور العادي فرايي
2-هو مفهوش مستشعر الرطوبه و الحراره بس غير كده كل الحساسات موجوده و شغاله زي الفل
3-السماعات شغاله زي الفل المشاكل اللي حضرتك بتقراها علي النت دي بسبب ان الناس بتنزلو الميا فساعات فتحه السماعه ميتشعلش كويس غير لما تنشف خالص و طبعا انا مستحيل احطه فالميا :)
4-الشاشه جامده جدا بس كده :D
5-البطاريه محترمه جدا شغل متوصل ممكن تعد اليوم و الاستاند باي بتاعها خيالي انا سبت الجهاز عشر ساعات و كان 2 فالميه و كنت متوقع انه فصل لقيته 1 فالميه :) زائد ان وقت الشحن لا يتجاوز ساعتين
6-كانت مفاجأه جميله ليا لما اشتربت الجهاز ان الميموري الفاضيه اكتر من 11 جيجا مش 9 جيجا زي الاس 4
7-الكاميرا معقوله جدا بس انا كان معايا لوميا 920 كانت كاميرته افضل بصراحه
8-الرام المستهلكه و انا مش فاتح حاجه حوالي 800 ميحا بتوصل 1.3 مع الشغل الكتير بس الجهاز مبيهنجش فمش هتحتاج تفضيها خالص
9-الريموت كونترول جامد اوي بقدر اتحكم فالتلفزيون و الريسيفر كمان :) (و ممكن التكييف لو عندك)
10-من الاخر الجهاز جامد طحن و سعره بالنسبه لامكانياته روعه انصحك تجيبه فاقرب وقت :)
بس يا ريت يا جماعه لو حد يعرف اجيب كروت ميموري سامسونج منين بس حد مضمون عشان ميدينيش حاجه مضروبه

hussamallam

2014-04-21 (09:49:53AM)

الف الف شكر اخى mostafasalem0 على هذا التقرير
بصراحه طمنتنى كتير لانى مش لاقى تقارير عن هذا الجهاز
باذن الله هتكل على الله و هجيبه بالضمان اول الاسبوع القادم
و مره اخرى تسلم على مجهودك

mostafasalem0

2014-04-21 (04:56:02AM)

انا جايب الجهاز من الكويت بقاله اكتر من شهر ونص وبصراحه الحمدلله الجهاز جامد جداااااااااااااا

بالنسبه للون ... اسود

الحساسات شغاله تمام كلها .. الاشعارات والحركات والنوتفيكيشن وكله تمام

بالنسبه للسماعة الهيدفون مفيش اى مشاكل خالص .. المشكله اللى قابلتنى انى كنت بركب ع الجهاز سماعه بلتوث مش اصليه كانت بتعمل معايا مشاكل جامده (مع العلم ان نفس السماعه شغاله مع اخويا على النوت 2 من غير اى مشاكل) واما عملت ضبط مصنع مشغلتش السماعه تانى ع الجهاز والجهاز شغال تمام واما سالت بعض الناس قالولى الجهاز دا محتاج سماعه بلتوث اصليه من سامسونج

بالنسبه لألوان الشاشه كويسه جدا وانا مش ملاحظ اى فرق بينها وبين النوت2 خالص الاتنين واحد او ممكن يكون الفرق مش ملحوظ يعنى فرق بسيط جدا مش هتحس بيه اساسا
المشكله اللى قابلتنى ومدايقانى بصراحه ان البطاريه اما تقل عن 5 % الشاشه بتقل اضائتها خالص وفى الشارع طبعا مش بشوف اى حاجه فى الشاشه وشريط الاضاءه التلقائى بيتشال من النوتيفيكيشن .. وللعلم ان اغلب الاجهزه الجديده نفس الكلام يعنى الجراند 2 كده وفى ناس قالتلى النوت 3 برده كده

البطاريه بصراحه تمام وزى النوت2 ويمكن احسن حسب تجربتى للجهازين
لو هتشغله اتصالات بس والعاب ع خفيف تقعد يومين
اتصالات ونت واى فاى والعاب تقعد يوم كامل

الكاميرا 8 ميجا وشغاله كويس جدا وصورها روعه

احلى حاجه ان الجهاز سرعته حلوه جدا ومش بيهنج مهما استخدمت برامج وكمان اوقات الرامه بتوصل 95% والحمدلله الجهاز مش بيهنج معايا

موضوع ضد الميه بصراحه مجربتش ومش هجرب ههههههههههههههههههههه

الجهاز حلو جدا واى حد عايز يجيبه يتوكل على الله ومش هيندم

hussamallam

2014-04-20 (07:14:27PM)

الف الف مبروك
معلش انا كمان عاوز اعرف ايه اخبار الشاشه و الكاميرا ايه رأيك فيهم ؟
وعاوزين رأيك فى هذا الجهاز
لأنى بإذن الله ناوى اشتريه كمان 10 ايام

botyyounis

2014-04-20 (05:35:12PM)

اولا الف الف الف الف الف مبروك ربنا يباركلك فيه
بس انا اسف ممكن اطول عليك شوية يعني :)

1 اللون اللي جبته ايه ؟
2 الحساسات شغالة حلو ؟
3 في مشاكل في سماعة الهيدفون ؟
4 الألوان في الشاشة حلوة ولا في الوان مش مظبوطة زي الأسود و الأبيض ؟
5 البطارية ايه اخبارها ؟
ومستنيين منك بقى تقرير كامل عن الجاز :D

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S4 Active I9295

مقارنة

Android
5.0″

5.0 بوصة
3G

2G / 3G
8 MP, 32...
2600mAh

Li-Po 2600 mAh قابلة للازالة

مزيد من المعلومات

الموبايلات

موبايل اكثر من رائع

التسجيل بالموقع

دخول الاعضاء

معلومات سريعة عن Samsung Galaxy S4 Active I9295

Android

5.0″

3G

8 MP, 32...

2600mAh