بمناسبه العيد حبينا نديكم العديه بشكل مختلف .
طبعا عارفين ان الهاتف اس2 لازال يستحق الاقتناء وليه مميزات فعلا جميلة جدا واهمها نحافته وشاشته الجميله وطبعا الكاميرا الممتازة
الهاتف كان بينزل بنسخه 2.2.6 نسخه خبز الزنجبيل .. ونزلنالكم ترقية الهاتف الى 4.0.1 نسخه الايس كريم . وكمان نزلنالكم ترقيته الى 4.1.2 نسخه الجلى بين
والنهارده فى اكبر مفاجأه بنزلكم ترقية الهاتف الى 4.4.2 نسخه الكيت كات . من سينوجين مود
..
اولا .. ليه بنزل التحديث . غير انه مفاجأه لكن التحديث ضرورى عشان تحسو بفرق السرعه والسلاسه فى الاستخدام
مميزات الروم ..
1. اهم واول ميزة بتشغل بالكم موضوع البطارية والروم موفرة جدا للبطارية بشكل ملحوظ
2. الروم اقرب للكيت كات الخام فهتشوفو نفس الايقونات وشريط الاشعارات ونفس الحركات
3. سلاسه فى الاداء وسرعة ملحوظه
4. تغيير قفل الشاشه بالكامل وشفافيه شريط الاشعارات
5. امكانيه قفل الشاشه عن طريق النقر مرتين على شريط الاشعارات زى ال جى جى2
6. الروم يتواجد به روت تلقائي
7. امكانيه تخصيص وتعديل كل شئ فى والواجة والازرار والانماط
8. تطبيق كاميرا جديد وممتاز وبه العديد والعديد من المميزات الجديدة
9. استخدام الرام اقل جدا وبيدعم العربية بشكل ممتاز
10. سر الروم فى الاعدادات كل نقطة فيه بميزة مش موجوده فى الرومات الرسميه
اكتشفو المميزات بنفسكم لآنها عايزة مواضيع ومواضيع
طريقة التركيب ...
الاول هنركب ريكفرى معدل . بنفس الطريقه الى تحت بتاعة تحويل اس2 جى لآس5
وده ملف الريكفرى
بعد التثبيت هندخل بئى على وضع الريكفرى بعد مانحمل طبعا ملف الروم وملف تطبيقات جوجل من هنا
ملف الروم
ملف تطبيقات جوجل
حمل اول حزمة بأسم cm11
وبعد انتها التحميل يتم نقل الملفات الى الذاكرة الخارجية مباشرة بالجذر دون وضعه بملفات ولا تقم بفك الضغط
ثم اغلق الجهاز وادخل على الريكفري عن طريق الضغط على زر التشغيل وزر الصوت لأعلى وزر الهوم معاً
ثم أختار Install Zip
ثم أختار Choose Frome /SDcard
ثم اختار ملف الروم ثم Yes
بعدها ثبت حزمة تطبيقات جوجل بنفس الطريقة.
بعدها اعمل wipe data factory reset /cache partition
والأن أعد تشغيل Reboot System Now للدخول الى النظام الجديد
قبل كل ده ياريت تاخدو نسخه من البيانات وتحفظوها على الكومبيوتر لآن الارقام والرسائل هتتمسح
وده عن طريق برنامج موبوجين
وهتلاقو معلومات عنه فى الموضوع بردو بتاع اس2 جى
انقلولنا تجربتكم مع الروم عشان الافادة
لا نسألكم الا دعاء بالشفاء فقط وشكرا ليكم جميعا
ويارب اكون قدرت اعملكم حاجه مفيدة تفرحكم
كل عيد وانتو بخير وطيبين
