^_^
هنشرح بالتفصيل الممل ازاى نحول الهاتف اس2 جى .. تانى .. النسخه جى بس
لآس5
.......
اقرو الموضوع كاملا . الاول من فضلكم .
خلونى اقولكم ليه الاول . حبيت انزل الموضوع ده بالذات
الموضوع شامل روم معدل بالكامل بشكل اس5 الجميل . من الاشعارات لتطبيق الاتصالات بمميزاته وشكله الجديد وجواه روت ومعدل الريكفرى وبتطبيق كاميرا ارق وايقونات تحفة وشفافية شريط الاشعارات ...
بعد اربع سنين من انطلاق اول هاتف اسمارت فون حقيقي فى العالم واكتر هاتف اسمارت فون اتباع فى العالم واخد جائزة انحف اسمارت فون فى العالم .. الرائع الجميل اس2 الى لسا قادر يثبت نفسه
مع كاميرا حلوة جدا وتصميم شيك جدا ونحافة جيده وشاشة ممتازة وبطارية حلوة عشان كده لازم نفضل نستمتع بالهاتف لآطول فتره
وبمناسبة العيد قررنا ننزل الموضوع الجميل
يلا نبدء
الروم شبيه لآس5 مبنى على روم 4.1.2
لازم علشان نثبته ننزل ريكفرى معدل الاول ..
اولا هنحمل ملف الريكفرى من هنا ..
بعد ماحملنا الريكفرى هنحمل برنامج الاودين لتركيب الريكفرى من هنا ..
بعد ماحملنا الركيفرى والاودين وفكينا الضغط عن الاودين وفتحناه
نقفل بئى الموبايل خالص وندخل على وضع الداونلود . زر الباور مع الهوم والصوت لتحت هيدخل على صفحه ندوس زر الصوت لفوق عشان يدخل على صورة فيها شكل الاندرويد
نوصل بئى الموبايل بالكومبيوتر هيتعرف على الاودين وندوس على زر pda ونختار ملف الريكفرى ونعمل استارت . اقل من 30 ثانية وهيدينا pass باللون الاخضر
دى صورة للآودين
.. كده بئى عندنا على الموبايل ريكفرى معدل . فيه مميزات اكتر من الريكفرى العادى
.. نيجي لخطوة تركيب الروم بئى
هنحمل ملف الروم من هنا ..
حوالى 455 ميجا
بعد التحميل . الملف بيكون مضغوط . مش هنفك عنه الضغط هنسيبه زى ماهو
ونحفظه جوه الهاتف مش جوه اي ملف . بره
يعنى توصل موبايل بالكومبيوتر . تيجي ايقونة موبايلك تدوس عليه تحطه وسط الفولدرات عادى جدا
بعدها نقفل الفون خالص وندخل بئى على وضع الريكفرى . الى احنا لسا عاملينه
زر الباور والهوم والصوت لفوق
هنلاقي الريكفرى الجديد شكله غير القديم وفيه خاصيه تثبيت الملفات المضغوطة عشان كده قولنا مانفكش الضغط عن الملف
هنختار اختر Install zip
ثم Choose zip from /sdcard
ثم اختر ملف الروم وهو باسم TagaredROM v2.0.zip
ثم اختر Yes Install
سيتاخر قليلا في التثبيت
بعد الانتهاء من التثبيت اضغط علي Go Back
الان يجب عليك عمل فورمات بعد تثبيت الروم من خلال
Wipe Data/Factory Reset و يجب مسح الكاش ايضا من خلال Wipe cache Partition
ثم اعد تشغيل الجهاز من خلال Reboot System Now واستمتع بالروم
زى ماحنا شايفين مافيش اسهل من كده وبالتفصيل الممل
هما يادوب خطوتين وشرحتهم بالتفصيل
خلى بالكم .. بعد الفورمات كل حاجه هتتمسح ماعدا الصور
عشان كده ياريت قبلها تاخدو الداتا بتاعتكم على الكومبيوتر واحسن برنامج لده هو
موبوجين من هنا
تحمل نسخه للكومبيوتر ونسخه للموبايل
توصل الكومبيوتر بالموبايل هتلاقيه فى الاختيارات عمل نسخه احتياطيه اختار الى انت عايزه وهيتحفظ على الكومبيوتر
وبعد ماتركب الروم وكله تمام هتصولو تانى وتعامل استرجاع للداتا وانتهى الموضوع
دمتم سالمين . لا نطلب الا دعوة بالشفاء
عيدكم مبارك
حول هاتف اس2 النسخة جى ... لآس5
فى الرد القادم ...
كل سنه وانتم طيبين وبخير . عيد سعيد