بدون عنوان

للرجوع الي صفحة سامسونج Galaxy S II I9100 الرئيسية اضغط هنا

kouki

2013-04-21 (11:58:05PM)

يا جماعة لو سمحتم الموبيل ده احسن ولا htc one s ? هما الاتنين فيهم نفس الامكنيات وبنفس السعر بس مين فيهم الاحسن تنصحونى اشترى انه فيهم وليه ؟

zman2yahob

2013-04-22 (12:42:28AM)

htc one s عيوبه اكتر للآسف .. رغم شكله الجميل
بس الذاكره فقط 16 متاحى ليكى منهم فقط 11
اعتقد بطاريه غير قابله للآزال
1650 ملل زيها زى اس 2

الاتنين اخرهم فى الدعم 4.2.2 مش هيوصلهم فطيره الليمون . التحديث القادم من جوجل اندرويد
الاتنين كاميرتهم حلوة وان كان الوان اس يتفوق بفرق بسيط جدا

الاختيار اولا واخيرا ليكى ...
وانتى بتشترى شوفى الاتنين والى ترتحيله هاتيه . بس لو اخترتى الوان اس ماتشتكيش من الذاكره الصغيره وان مالوش كارت ذاكره والبطاريه غير قابله للآزاله يعنى لو الفون هنج هتستنى لحد مالفون يقفل لوحده
بس للآمانه تصميم الوان اس احلى كتير وارفع

ahmedaliyossef2010

2013-04-23 (12:28:00AM)

بس كمان خد فى الاعتبار يا zman2yahob ان الوان اس صوته أفضل و معالجه أقوى

أنا معاك فى الكلام اللى قولته بس خلينا واقعيين شوية مش هتفرق كتير موضوع البطارية

كمان الذاكرة شايف انها كافية جدا

حاجة كمان اللى هو موضوع التحديث هو لسة ما تمش الاعلان اذا كان 4.2.2 آخر تحديث و لا لأ بالنسبة للوان اس لكن تم الاعلان انه هياخد واجهة السينس 5 الجديدة

zman2yahob

2013-04-23 (01:58:40PM)

صوت اقوى ده عادى ... عشان تقنيه البيتس والى ممكن تنزل برنامج على اس2 بيضاعف الصوت الخارجى والداخلى كمان
دى نقطه منتهيه

المعالج اقوى ايه المشكله فى دى .. معالج اس 2 قوى جدا ومميز جدا وسريع جدا
1.2 ,,, او 1.5
مثلا
الاتنين الى هيستخدم حد فيهم هيكون راضى جدا عن الاداء والى هيبدل بينهم عمليا الاستخدام واحد
دى تانى نقطه خلصت

اما موضوع البطاريه .. وان اس وغيره كتير كمان فى اكسبيريا بيشتكو من تهنيج الجهاز وان عشان تعمل ريستارت لازم تستنى لما البطاريه تفضى لوحدها وتشحنه من تانى وتفتحه يعنى لو كان مشحون على اخره هتستنى يوم كامل عشان ريستارت
اما اس 2 . فقط شيل البطاريه وخلص الكلام

دى تالت نقطه خلصت

اما بخصوص الذاكره احب اقولك .. 11 جيجا غير كافين بالمره
انا شخصيا تانى يوم جيبت فيه الموبايل اس 2 مليت ال11 جيجا وعندى داتا فى الكومبيوتر حوالى 20 جيجا عايز انقلهم على الفون ومستنى لما اجيب ذاكره خارجيه

اخر نقطه بخصوص التحديثات ... مصادر كتير موثوق منها من جوجل ... جوجل ماشى
بتقول ان فطيره الليمون هتوصل للاجهزة الرباعيه الانويه فقط . والاتنين ثنائى النواه
اما واجهه السيسن5 قد تصل مع 4.2.2

اعتقد كده شرحت النقط بشكل وافى

اتمنى اكون وصلت الافاده

ahmedaliyossef2010

2013-04-23 (08:09:48PM)

حاجة بس أحب أوضحها ان تقنية البيتس مش بتعلى الصوت و لا بتضاعفه هى بتخليه أنقى

تانى نقطة المعالج فى الوان اس مش 1.5 فرق .3 عن الاس 2 بس لكن المعالج بتاعه بمعمارية أحدث فبيخليه أداؤه أفضل كتير و بيتفوق على المعالجات الرباعية بما فيها الوان اكس نفسه

تالت نقطة مفيش أى حد اشتكى فى أى موقع و لا تعليق ان الوان اس بيعلق أصلا لأنه زى ما قولتلك معالجه أفضل كتير

بالنسبة لموضوع الذاكرة فدى بتختلف من واحد للتانى يعنى أنا مثلا شايف انهم كافيين جدا غيرى ممكن يشوف غير دى حرية

بالنسبة لموضوع التحديثات فزى ما قولتلك مع انه ثنائى النواة الا انه قوى جدا و على فكرة ده نفس المعالج اللى موجود فى الاس 3 النسخة بتاعت أمريكا يعنى لو الاس 3 بتاع أمريكا اتحدث يبقى ده ينفع يتحدث

zman2yahob

2013-04-24 (12:15:03PM)

اختصارا ...

تقدر تخلى الصوت انقى واعلى فى اس2 سواء السماعه الداخليه او الخارجيه

الاخبار عن جوجل قالت ان المعالج الثنائى مش هيوصلى التحديث 5
ماقالتش نوع المعالج ايه ولا اسمه ولا قوته قالت ثنائى مش هيوصله
رباعى هيوصله فقط
وقد يكون الموضوع اشاعات اتمنى ذلك

تانى بخصوص المعالج

النتيجه النهائيه هى الى بتحكم .. انا مابشتريش فون عشان بس معالجه اقوى لا فى تفضيلات تانيه كتير اووووووووووووووووى اخرها المعالج
بخصوص التهنيج شوف مراجعات وفيدوهات بئى .. اذا كان اكسبيريا زد بيهنج ومشاكله كتير رغم انه الارقى والاحدث

فكره ان الفون بطاريته غير قابله للآزاله مش فى صالحه نهائيا

وتانى موضوع الذاكره فعلا قليله لسبب . تصوير فيديو مدته 10 دقائق على 1080 يعمل معاك حوالى جيجا
فيه صور بتعمل 4 ميجا ..

اهلا بيك فى عالم الاندرويد

ahmedaliyossef2010

2013-04-24 (06:36:59PM)

بالنسبة للصوت مش فاهم ازاى يعنى اللى تقصده مهو اللى هيحصل هنا هيحصل هنا

حاجة موضوع التهنيج اللى بتقول عليه ادخل اسأل ف صفحة الموبايل هتلاقيهم بيقولوا انه سريع جدا و مفسش تهنيج ده طبعا بالاضافة ان واجهة السينس أحسن كتير من واجهة التاتش ويز ادخل هنا كدة و شوف آراء الناس محدش اشتكى منه

بالنسبة لموضوع اكسبيريا زد فأنا مسمعتش عنه صراحة لأنى مش متابع أوى الحكاية دى بس أكيد كلامك مظبوط و دى ممكن تتعدل بسهولة لأنها فى السوفت وير يعنى هو تحديث و السوفت يتعدل زى مثلا لو جينا نتكلم عن الاس 2

أول ما نزل كانت مشاكله ملهاش حصر و أعتقد دىحاجة كانت منتشرة بما فيها البطارية و السخونية اللى بتؤدى للتهنيج و اتصلحت بالتحديث صح و لا لأ ؟

لو بتقول النتيجة النهائية فى سبب كمان للى حضرتك بتقول عليه ان نسخ الأندرويد مش زى بعض يعنى حضرتك عاوز تقنعنى ان الجيلى بين اللى فى النوت 2 زى اللى فى اليونج 6310 استحالة طبعا

و عاوز أقولك حاجة المعالج اللى فى الوان اس أقوى بكتير من اللى فى الاس 2 ده أصلا بيتقارن بالاس 3

و أنا بختلف معاك فى نقطة انك بتقول ان التفضيلات آخرها المعالج لأنك بتدور على موبايل يقعد معاك أطول فترة ممكنة

لو هتتكلم على التفضيلات مفيش حاجة مميزة فى الاس 2 مش ملاحظها الصراحة

و حاجة كمان عاوز أقولهالك فكر انت بقة انت غيرت بطاريتك كام مرة " حتى كمان ممكن تغيرها فى الضمان عادى "

فكر مشغل كارت ميمورى و لا لأ " حضرتك بنفسك اللى قايل مستنى تجيب " و أعتقد حضرتك معاك الموبايل من فترة كبيرة

zman2yahob

2013-04-24 (09:49:58PM)

انا ماغيرتش بطاريه الفون ولا مره نهائيا

موضوع الذاكره .. انا محتاج كارت فعلا وده مخلينى منزل يادوب ربع الداتا الى محتاجها فقط
يعنى دى نقطه ضعف كبيره مبالك بئى لو ماكنش فى اس2 كارت كان الموضوع باللنسبالى كارثى

اما فى المفاضله ... عمرى ماخترت الفون الى يقعد اكتر رغم انى مش بغير علطول

انا اول تفضيل عندى على الاطلاق الكاميرا .. وقولت ان الوان اس افضل
تانى تفضيل السماكه . وقولت بردو ان الاس وان افضل
تالت تفضيل التصميم .. وبردو قولت ان الاس وان افضل

بعدين بئى موضوع الكارت الميمورى والذاكره الداخليه وقولت اس2 افضل
والبطاريه ... اخر حاجه عندى المعالج

لازم تكون مقارنتى للشئ عادله وتكون بمقاييس الاستخدام مش التصنيع
هاتلى واحد كده لما بيفكر يشترى فون بيقول انا عايز معالج كذا بمعماريه كذا
لا طبعا
بيقول عايز فون فيه كاميره كذا وشاشه كذا ونظام كذا وبطاريه كذا ويمكن مايسألش فى موضوع المعالج ده اصلا لآن مش كل الناس بتهتم وانا منهم بأمانه

الوان اس سريع .. اس2 سريع
مايخصنيش مين اسرع فيهم
انا يخصنى مبسوط مع ده او لا ايا كان ده يطلع انى واحد فيهم

اندرويد حياه اسهل يا اخى الكريم

مش لازم نعقدها

zman2yahob

2013-04-24 (09:54:18PM)

نقطه بخصوص التحديث

الجلى بين ماحلش فى النسخه العالميه موضوع البطاريه وصرفها السريع ولا السخونه
وده كلام ناس كتير
خصوصا موضوع السخونه بيبئى ناتج من المعالج نفسه وسرعته يعنى عشان تخف السخونه لازم تخف سرعه المعالج ....

الفون لسا حرارته عاليه وملحوظه وصرف البطاريه انيل بكتير من جنجر بريد
وده عندى انا مع ان معايا النسخه الى فيها حرف جى

التحديث فى الغالب بيضيفلك مميزات ويغطى عيوب فاتت فى برامج مثلا حاجات كده
غير كده ماحصلش
ولو قريت تعليقات الناس هنا تعرف موضوع البطاريه والسخونه

وفى النهايه انا شجعت الاخت انها تختار الوان اس على شرط ماتشتكيش من البطاريه والذاكره

ده كل الموضوع

ahmedaliyossef2010

2013-04-25 (12:50:38AM)

أستاذ zman2yahob

مع كل مناقشة احترامى ليك بيزيد

احب بس أوضح النقاط بالنسبة لموضوع ان السخونة قلت فده أنا اخدته من تعليقات الأعضاء بما فيهم تعليق حضرتك لما كنت بتتناقشوا مين أفضل الاس ادفانس و لا الاس 2

بالنسبة لموضوع المعالج ده أنا واحد من الناس اللى بتسأل على المعالج
طب أنا هدى لحضرتك مثال بسيط جدا النيكسوس 4 مفيهوش ذاكرة خارجية بس المعالج بتاعه قوى فعلشان كدة الناس بتشتريه بكمية كبيرة جدا لدرجة انه بينفد من موقع جوجل فوقت قصير جدا جدا

حاجة كمان بالنسبة لنقطة التحديث شوف الوان اكس بعد التحديث بقة فى فرق سرعة كبير و كمان بطاريته بقت أفضل كتير فمعنى كدة انالتحديث بيأثر كتير

تحياتى ليك

zman2yahob

2013-04-25 (01:57:05AM)

اخويا الكريم انا لما فكرت اجيب نيكسس كان عشان هو من جوجل فقط لا غير وعشان هو الاول بيوصلو التحديثات

بس شكله وحش والكاميرا مش قد كده وفى 8 ميجا احسن منها كتير

ومش دايما التحديثات بتعمل المطلوب

لسا الحراره ذايده وملحوظه جدا فى اس 2

قارن بين اس2 العادى واس 2 بلس الى استخدموه فيه معالج جديد
والنتائج واحده تماما

كاميرا الاس2 العادى افضل
الاتنين نفس السرعه مع ان النسخه جى المفروض انها مش 1.2 بالظبط

ولو المعالج يفرق عندك انت دى حاجه كويسه ... انا لازالت بقول انه اخر حاجه عندى

وشكرا لكلامك الطيب

تلك الخدمة مخصصة للأعضاء فقط