بدون عنوان

للرجوع الي صفحة سامسونج Galaxy S II I9100 الرئيسية اضغط هنا

eslamkeshk

2013-04-19 (04:47:37AM)

يا جماعة انا جبت الاس2 بلس الموبايل روعه بجد وفى فرق بينه وبين الاس2 العادى مش بس خاصية nfc وكمان خامات احسن والتاتش بتاعه اسرع وانا معايا صاحبى معه الاس 2 العادى وحس بالفرق وكمان ارخص مش اغلى
ده غير انه نازل باخر اصدار للجيلى بين انا بانصح اللى حيجيب الاس2 العادى يجيب بلس هى الحاجه الوحيده اللى الاس2 العادى اعلى فيها المساحه الداخلية بس

zman2yahob

2013-04-19 (11:43:42AM)

صدق او لا تصدق

كاميرا الاس2 العادى افضل من الاس2 بلس فى التصوير العادى تحت ظروف الاضاءه المختلفه
كاميرا الاس2 العادى افضل من الاس2 بلس فى تصوير الفيديو تحت ظروف الاضاءه المختلفه
وده بعد تجربه الكاميراتين فى ظروف اضاءه مختلفه وكانت النتيجه . فوز الاس2 العادى وبفرق ملحوظ

صدق او لا تصدق

الاتنين نفس السرعه . الاتنين نفس المعالج . الاتنين نفس قوه البطاريه . الاتنين نفس المستشعر فى الكاميرا . الاتنين تقريبا نفس الخامه . الاتنين بالظبط نفس التصميم . الاتنين نفس المميزات
سامسونج فقط باعت التحديث مش اكتر وحطت الــnfc والى هى مجرد اضافه بسيطه جدا وغير مكلفه

صدق او لا تصدق

ميزة الــnfc موجوده فى الاس2 النسخه الى فيها حرف p والنسخه الـlte

والنسخه الى فيها p سعرها 2600 جنيه

صدق او تصدق

ان ميزه الــnfc غير فعاله على الاطلاق فى الاستخدام اليومى فى مصر لسبب
انك محتاج عشان تستخدمها موبايل يكون فيه نفس الميزه . ومحتاج سمارت تى فى عشان توصله بالفون ومحتاج اجهزة صوت سمارت عشان توصلها بالفون

والى هيجيب فون عشان فيه nfc هيجيب حاجه اعلى من كده بكتير

الاتنين فيهم جلى بين . والاتنين هيوقف تحديثهم عند 4.2.2 لآن الاتنين ثنائى النواه

الاس2 النسخه العالميه 2600 جنيه
الاس2 النسخه الى فيها جى 3000 جنيه بضمان سنه
الاس2 النسخه الى فيها بى 2800 جنيه
الاس2 النسخه الlte تمنها تقريبا 2500 او اقل وبتتجاب من بره

اتمنى لكم الافاده

mohmoawed

2013-04-19 (02:22:25PM)

الى zaman2yahob

الحقيقة ردك كان رائع جدا

وحضرتك كنت بتقول
الاس2 النسخه العالميه 2600 جنيه
الاس2 النسخه الى فيها جى 3000 جنيه بضمان سنه
الاس2 النسخه الى فيها بى 2800 جنيه
الاس2 النسخه الlte تمنها تقريبا 2500 او اقل وبتتجاب من بره

ممكن اعرف ايه افضل نسخة فيهم

وهل SII افضل من SIII زي ما ناس كتير بتقول
وشكرا

zman2yahob

2013-04-19 (02:46:20PM)

شكرا لكلامك الطيب اخى الكريم

هات ارخص نسخه تلاقيها لآن كلهم واحد

اما لو استخدامك كتير على النت انصحك تجيب النسخه الى فيها جى عشان السخونه فيها قليله جداااااااااااااااا

اما الى يقول ان اس2 احسن من اس3 ده خيال علمى
فيه فرق بينهم كبير جداااااااااااا

من اول الشكل الرائع لاس3 ومستشعر الكاميرا الخرافى الى فارق عن اس2 بكتير

ده كله كوم وان اس3 رباعى النواه يعنى هينزله الكى ليمون .. فطيره الليمون
ومش هتنزل لآس2

وغيرها مواصفات وفروق كتيره اووووووووووووى

اس3 هو الافضل بفرق كبير جدا وملحوظ جدا وتقنى كمان

mohmoawed

2013-04-19 (02:54:57PM)

شكرا جدا لردك والف سلامه عليك
سؤال اخير لو سمحت

هو فيه انواع من اس 3
وهل النسخه من برا افضل ولا مفيش فرق

وشكرا جدا

zman2yahob

2013-04-19 (02:59:33PM)

فى انواع من كتير بس بره فيه نسخه جيل رابع ونسخه معموله لشبكه معينه وغيره

هاته من هنا افضل وفيه عروض بتتعمل على سوق دوت كوم ممكن تجيبه منها

فيه عرض سعره 3600 وده سعر كويس جدا

ومبروك مقدما ايا كان هتجيب ايه

mohmoawed

2013-04-19 (03:12:31PM)

طيب معلش اخي الكريم
هل SIII افضل ولا iphone 4 ولا iphone 5

وشكرا

zman2yahob

2013-04-19 (03:22:02PM)

اذا كان الاس2 افضل من اى فون 4s الى هو يفرق كتير عن اى فون 4
اكيد الاس3 افضل كتير من اى فون 5 وبفرق كبير بجد وشوف المقارنات
كفايه ان نظام الـــios رخم جدا بجد ومش بنفس سلاسه اندرويد خصوصا الجلى بين

هنا ماتنفعش المقارنه لآنها بين نظامين مختلفين تماما واحجام مختلفه تماما
ورغم كل ده اقولك بكل بساطه اس3 افضل واحسن واقيم واشيك كمان بكتير
من اى فون 5

mohmoawed

2013-04-19 (04:24:16PM)

الحقيقة انا مش عارف اقولك ايه
ربنا يجازيك بكل خير يارب
ويشفيك ويعافيك
معلش اخر سؤال:
ايه رأيك في S4
وهو لسه منزلش هنا ولو حابب اجيبه يبقى من برا

zman2yahob

2013-04-19 (04:41:54PM)

انا بأمانه مابحبش الشاشات الكبيره 5 انش او 4.9 كبيره
ممكن تجيب اس4 مينى افضل
عشان انسب شاشه هى 4.3
كمان الفون الفرق فيه سوف وير يعنى بعتبره تعديل اس3 مش اكتر

انا شخصيا مش شايفه اختيار افضل لاشكلا ولا موضوع ولا هجيب فون بشاشه كبيره
الاختيار الامثل باللنسبالى xperia z الرائع

تلك الخدمة مخصصة للأعضاء فقط