اولا الف مبروك يا اختى وان شاء الله تنبسطى بالفون ويعجبك . حقيقى فون ممتع جدا
بعتذرلك لو هطول فى الكلام . شوفى
الموبايل بطاريته صممت للعمل 9 ساعات فقط عمل شاق
لكن لو انتى على اصدار الجنجر بريد اولا حملى البرنامج ده على الكومبيوتر وانقليه على الفون
لو وصلتى الكومبيوتر بالفون وماتعرفش نزلى برنامج الكيز . هيعرفلك الفون وفيه مميزات تانيه
نصائح بئى عشان الفون يقعد فتره اطول .
اقفلى الثرى جى والواى فاى والبلوتوث وقت ماتكونى مش محتاجاهم
اوعى تقفلى التدوير التلقائى حتى لو حد قالك . عشان حاجه مهمه . ممكن تقفليها وترجعيها تانى
بس اغلب الوقت سبيها
استخدمى صور عاديه بلاش الصور المتحركه
قللى السطوع . خليه على النص
كده البطاريه هتقعد معاكى فتره مضاعفه ان شاء الله
.
نيجى للنت . لو انتى خط اتصالات عندك عرض انا شايف انه خرافى بمعنى الكلمه 3 شهور ب20 جنيه بس وتاخدى 500 ميجا . شوفى العرض على موقع اتصالات
وقت ماتحب تستخدمى الثرى جى افتحيه . مش هتستخدميه . اقفليه
لو عندك وايرليس يبئى اشتغلى واى فاى واقفلى الثرى جى علطول بئى
.
نيجى لحمايه الفون . اولا الفون مابيجيلوش فيرس . عشان نبئى متفقين
الا ناااااااااادرا والا لو انتى قاصده تحطى فيرس على الموبايل . يعنى واخده حاجه بلوتوث من موبايل صينى بئى والحركات دى . انما هو فى الغالب صعب يتفيرس
لكن
حملى البرنامج ده
ده الى عندى دالوقتى حالا على موبايلى . ده انتى فيرس وبيدعم العربى
اعملى منه ويدجيت حطيها على الصفحه الرئيسيه
الويدجيت فيها تعديل من فوق دوسى تعديل واختارى بدل قافل التطبيق . اغلاق كل التطبيقات
عشان بضغطه واحده تقفلى كل التطبيقات الى فى الخلفيه ومن الويدجيت دى فيها مربع خاص بالبطاريه ومربع للنت عشان تفتحيه بسهول ومربع لفحص الجهاز
وجوه البرنامج مميزات زى تقدرى تقفلى حاجات برقم سرى وتتحكمى فى الفون لو لاقدر الله ضاع منك بعد الشر يارب
.
نصيحه منى لو هتحملى حاجه . حملى من الستور الرئيسي جوجل بلاي وسامسونج ابس
لو عايزه حاجه اطلبيها هنا وهجبهالك ان شاء رب العباد
.
لازم لازم لازم تستخدمى اسكرين بروتكتور دى ب25 جنيه بس وياسلام لو معاها كفر بالمرة ب25 بردو عشان حمايه الفون تبئى مضاعفه تحمى الشاشه والهيكل
.
استمتعى بالموبايل كل حاجه فيه ممتازة . ونادرا جدا مابتحصله مشكله ولو انتى على جنجربريد وعايزه اخر تحديث الجلى بين . ياااااااااااريت هيكون احسن على فكره اوى عشان شكل احلى ومميزات احلى وهتخليكى تتشيلى برامج كتير فى جنجربريد بتبئى جاهزه فى جلى بين
على العموم لو عايزه التحديث اهو من هنا
اتبعى الخطوات بالمللى عشان اى غلطه هتخسرى الفون
واستمتعى بالفون وعيشى حياتك
ومبروك للفون الجديد وان شاء الله من احسن للآحسن يارب
^_^
وبليز عشان الصفحه مسحت كل القديم اكتبلى ازاى احافظ عالبطاريه والاستخدام الصح للموبايل لأنى لسه جديده ومعملتش اى حاجه فيه ..
شكرااااااااا لتعبك معانا :)