هذا الموضوع مرتبط بـ Galaxy S Duos 2 S7582

بدون عنوان

semsemSiR

2014-02-22 (09:53:16AM)

للناس اللى محتارة مابين ال Ace 3 وال S duos 2 دة مقارنة شاملة كل الفروقات مابينهم :

1- الحجم والشكل : الاتنين واحد وقريبين جدا فى الشكل

2- الشاشة : شاشة ال Ace 3 افضل سنة بسيطة اضاءتها اقوى شوية

3- الكاميرا : ال Ace 3 افضل من ال S duos 2 وكمان الاوبشن اكتر منها دة كفاية ان ال S duos 2 مافيش Smile detection , face detection دة غير بقية الاوبشن اللى موجودة فى ال Ace 3 ومش موجودة فى ال S duos 2

4- الصوت : الاتنين قريبين من بعض جداا

5- السرعة : طبعا الجهازين مش بياخدوا الالعاب اللى مساحتها بتزيد عن 1.6 جيجا , فكل الالعاب اللى متجربة عليهم , الاتنين بيشغلوها بنفس الكفاءة والسرعة يعنى مثال بسيط

تم فتح لعبة supway نفس الاصدار مع بعض , الاتنين اشتغلوا مع بعض تقريبا

6- الرامات : ال Ace يتفوق فى الرامات : 880 ميجا صافى الرامات والمستخدم لا يزيد عن 600 ميجا فى اقصى الاحوال

لكن ال s duos الصافى بتاعة حوالى 717 ميجا

7- فية بقى حاجات محدش يعرفها لانكوا بتحكموا على التليفون من خلال العمليات النظرية فقط

* ال S duos 2 يفتقد الى الاتى :

1- مافيش light sensors

2- التليفون مش بيقرى امتداد كتير مثلا ال 3gp مش بيقراها وغيرها بس دية اللى جربناها

3- اوبشن مش موجود فى ال S duos 2 وموجود فى ال Ace 3 هبقى اعمل تقرير مفصل بالاتنين
عشان تعرفوا الفرق

4- السرعة تم اختبار الجهازين على برنامح bench mark

ال Ace 3 : جاب رقم 10700 , وال sduos2 جاب 11200

يعنى فرق لا يذكر عادى جداا

5- الكاميرا الامامية فى ال s duos 2 ضايعة وحشة جدا , لكن فى ال ace 3 احسن منها

6- البطارية فى ال ace 3 اقوى من ال s duos 2

7- ace 3 ارفع واخف

8- ال Ace 3 فية خاصية ( smart stay ) ودة مش موجود فى ال s duos 2

9 - ال Ace 3 فية برنامج s voice , وهو غير موجود فى ال s duos 2

ahmedmhmed

2014-02-23 (06:58:53AM)

يعني نفسي افهم هو البيجيب نقط اعلي في bench mark يبقي احسن ولا اية
ارجو الرد ف اسرع وقت

ahmeeed25

2014-02-23 (06:24:29AM)

علي فكره انا كاتب بالجنيه ههههه هو عامل في السعوديه 650 جنيه يعني 1200 جنيه الاس دوس 2 عامل 600 ريال يعني 1110 فرق بينهم 90 جنيه بس مضايقني حوار قص الشريحه دي

AndroidMan

2014-02-23 (02:58:33AM)

ahmeeed25

لو قدامك الاتنين خد Ace 3
بس مش فاهم زي الاتنين ب1200 :D !!!
ده الجراند ب 1000 يابرنس !!

والاس 3 في محلات عامل 1250 :D !!

الace 3 في السعودية سعرة مش هيعدي ال 700 ريال :)

ahmeeed25

2014-02-22 (11:41:18PM)

طيب لو الاتنين بسعر وحد قادمي اختار مين لان في السعوديه الاتنين ب1200 جنيه

semsemSiR

2014-02-22 (04:24:36PM)

ياباشا انا متقبل منافشتك وكل حاجة ,وتمام ردك صح , ومافيش فية اى اختلاف علية , على فكرة بس عشان تبقى عارف انا معايا s4 عشان ماتقولش متحيز للتليفون

بس انا التليفونين معايا وشايف الفرق وهقولك لية , وهكلمك فى النقاط اللى فيها اختلاف وجهات النظر

1- الكاميرا : الاوبشن الفرق مابينهم قليل جدااا , بس انا بتكلم على جودة تصوير , ودية مش هتبان الا لما تعمل اختبار دقيق وعلى فكرة هيبان بليل مش بالنهار

2- موضوع الفلاش , ماشاء الله ال ace 3 فلاشة ممتاز وقوى جدااا , وماشوفتش الفرق مابينة وبين ال S duos 2

3- انا ذكرت حاجة معينة ال ace 3 بيقراها ,لكن ال s duos 2 لأ , وانا بقول الفرق مابين الاتنين مش بعلى جهاز على جهاز

4- شوف موضوع البطاريتين زى بعض , دة صعبة شوية , يعنى انا صاحبى معاة التليفون وبيستخدم نت , التليفون مع النت المتواصل مش بيكمل 4 ساعات , لكن فى ال Ace 3 ممكن يكسر ال 6 ساعات او 5 ساعات ونص بأقل تقدير

5- شوف انا بقولك الفرق مابين الاتنين مش بقول دة احلى عشان كذا , فية ناس بتستخدم الخاصية دية

6- مزايا ال S dous 2 :تقريبا كلها موجودة فى ال Ace 3 , لكن الفروقات اللى انت ذكرتها , دية مرة واحدة بس ومحدش بيحتاجها تانى فمتعتبرش مزايا

وفى الاخر الاتنين كويسين ومافيش جهاز كامل , بس اكيد هتلاقى جهاز مجموع النقط بتاعتة اعلى من مجموع نقط الجهاز التانى

amrmovie

2014-02-22 (04:06:00PM)

ممكن تسمحلى ارد على تعليقك ؟

1- لما حد يقول كاميرا احسن من كاميرا يقارن العدسات و الصوره مش الاوبشن و البرامج اللى فى الكاميرا و انا شايف ان صورة s duos 2 احلى فى الالوان كمان و لو عايز صورتين للموبايلين ابعتلك

2- موضوع انه مش بيقرا امتدادات معينه فكل الناس شغاله ببرنامج mx player و غيره

3- موضوع الرامات و الله العظيم مش محسوس خالص

4- البطاريتين زى بعض بالظبط و انا جربت الموبايلين فى البطاريه جنب بعض و ادونى نفس المده

5- الخواص اللى موجوده فى ace 3 زى S voice و غيرها متهيالى انه محدش بيستخدمها عشان هى مش زى siri اللى فى i phon و كمان ينصح بقفل البرامج دى عشان بتسحب من البطاريه

6- حضرتك ما قولتش مزايا s duos 2 اللى هى ان الفلاش اقوى و الشرحتين مش بيتقصوا و مش لازم تشيل البطاريه عشان تغيرهم و كارت الميمورى بيتركب من بره

و اخيرا لو انا بتكلم على ان S duos 2 تفضل فده عشان هو ارخص من ACE 3 بملغق ما يقلش عن 200 جنيه و بقول ان الاولى توفر ال 200 جنيه و تجيب S duos 2 عشان مش مستاهله الفرق ده

و دى برضه اذواق و لولا اختلاف الاذواق لبارت السلع

تقبل مناقشتى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S Duos 2 S7582

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S Duos 2 S7582

Android

4.0″

3G

5 MP, 25...

1500mAh