سعر و مواصفات Samsung Galaxy S Advance I9070

طيب الاول هتجرب تشحن التليفون وهو مقفول وشوف الدنيا , ماقبلش شحن بردة

هنضطر نعمل اعادة ظبط مصنع من ال recovery mode ( volume up+home + power وكل دول مع بعض فى نفس الوقت لحد مايفتح الجهاز وبعد كدة اختار wipe data / factory reset

وبعد كدة delete all user data ثم reboot system now

وشوف الجهاز هيعمل اية

وان شاء الله يستجيب

طب معلش يا أستاذ سمسم أنا كنت عاوز أعرف هل في طريقة لنقل الاسماء من على الذاكرة الداخلية للذاكرة الخارجية لانى مش عارف أنقلها باليو اس بى لانوا مش بيقرا الجهاز ولو عملت ضبط مصنع ده أكيد هيعمل مسح لكل شىء

ادخل على contacts او الاسماء

ودوس على زرار ال Setting

هيطلعلك اختيارات اختار import/export

هيطلعلك قائمة تانية اختار export to sd card

وبعد ماتعمل ال format تدخل على ال contacts وتدوس setting وتختار import/export

هيطلعلك قائمة تختار منها المرة دية import from sd وبكدة هيتم عملية النقل لذاكرة الهاتف

شكرا ليك يا استاذ سمسم بس للاسف الموبايل به نفس المشكلة حتى بعد ضبط المصنع واضطريت أوديه التوكيل وربنا يسهل ويصلحة العيب ده .

طيب الاول تقولى اية الاخبار بعد الفورمات الجهاز بقى عامل اية معاكى هل اتحسن ادائة

الرامات عندك كام ؟؟

وانا هبقى موجود على الموقع الساعة 1 ان شاء الله

ربنا يخليك ياباشا دة بنورك

وانت فعلا جيبت دماغ محمد بالظبط

ربنا يخليك والله انت كدة حطيت ايدك عالبلف وفهمت انا كان كلامي بالطريقة دي ليه .. :)

وانا مش شايل من حد بس كنت عايز اوصل حاجة ووصلتها ..

منورين والله ... واخ محمد ياريت نشوفك دايما معانا :)

ياباشا ربنا يخليك , وانت انزل للصفحة التانية هتلاقينى مش ناسى اى حد سأل عليا , وموجهلك شكر لذوقك الجميل

ياباشا ربنا يخليك , على كلامك , بس ماتزعلش من محمد والله هو محترم جداا ,واكيد مايقصدش انة يوجة اى كلام لحد

لا انا مش بتهم الناس ياكبير .. والسبب انا قولته والله مش بتبلي علي حد .. انا مخدتش الكلمة وعملت عليها فيلم زي مانت بتقول انا في كلام قريته ضايقني فحبيت ارد عليه مش اكتر ! وعلي فكرة انا فعلا بالنسبالك صغير لاني 22 سنة بس .. فايمكن انت شايف طريقة كلامي بشكل انا مش شايفه وعموما انا كنت عاوز اوصل حاجة وخلاص وصلتها وصاحب الشأن دخل تاني المنتدي وبقي يرد ويتابع مع الناس

وده اللي كنت عايزه :)

ماشى يا باشا اوكييييييه

avast انتي فيروس
battary ده مؤشر للبطاريه بيديك هتقعد قد ايه في كل تطبيق في الجهاز
go lancher وده لانشر معروف
clone camera وده برنامج بيصورك في صوره واحده بكذا وضع
digital clock ودي ساعه حاططها علي الديسك توب بدل الاصليه
face-call وده برنامج لما اكون مزنوق في قاعده بشغله بيرن كانه مكالمه عاديه واقوم ماشي
opera لانه اكبر متصفح في ضغط البيانات بتاعت الانترنت
fast burst camera ده برنامج بيصور اكتر من 60 صوره في العشر ثواني ومفيد في الحجات اللي عايز تصورها وهيا بتتحرك
yahoo messenger
motion graph وده برنامج بيلقط صور بس متحركه يعني بياخد لقطه من الزمن ثواني بسيطه
pixlar express برنامج قوي في التعديل علي الصور
rolle tube لتنزيل مقاطع الفيديو من اليوتيوب
skype
viper
watsapp
facebook messnger لانه اسرع في الامحادثات
smart app lock لقفل اي تطبيق بباسورد
zombibooth بيحول الصور لشكل زومبي وبيتفاعل معاك
sms backup واضح من اسمه
qr droid وده لفك اكواد ال كيو ار المشفره
zedge وده موقع كبير بتاع نغمات وصور وده التطبيق بتاعه
mxplayer زي الكوداك والميديا بلاير كلاسيك
textgram مفيد للي بيستخمو انستجرام
app backup
والله ناقص اكتر من 25 تطبيق زيهم بالظبط غير حوالي 30 لعبه بس عشان الوقت

انت بقي شايف ان كل ده ملوش لازمه وانت كام تطبيق بيكفوك
يبقي كنت جيب البوكت بقي مش الادفانس وهوا بردو جيلي بين :D

استاذ eslamtov

مبدئيا بس , انا مش عايزك تشيل من mohamed kane لانة فعلا انسان مهذب جداا , والراجل ماغلطش فى حد بس , هو لاحظ ان فية هجوم على الجيلى بين بطريقة فظيعة , فى حين انة واحد من اللى منزل الجيلى بين ومافيش معاة اى مشكلة من اى نوع وهو منزل تطبيقات شات وكل حاجة وبيستخدم نت من الموبايل بشكل مستمر , ومش لاقى سبب للهجوم دة على الجيلى بين

بس بردة انا أاخذ عليك الجملة اللى انت قولتها عنة لانة هو فعلا وبجد راجل ومحترم جدا واخلاق جداا

- اما بقى بالنسبة ليا

انا ماقولتش ان فية حد كلمنى بصورة غير لائقة

واكيد طبعا لازم يكون فية اختلاف فى وجهات النظر فى بعض المسائل ويكون فية اجتماع على مسائل اخرى

متشكر جدا على ردك , بس انا بقى هغلطك فى حاجة , دلوقتى انت بتقول انك بتشوف ردود مش هية الاجابات الصحيحة , طيب مش المفروض نتناقش فيها وتصححلى معلومة واصححلك معلومة وفى الاخر هنوصل للحل الامثل لحل المشكلة , مش هو دة الهدف من هذا الموقع

يبقى حضرتك لو شوفت اى تعليق ليا فية حاجة غلط المفروض تناقشنى فية , هو مش عيب على فكرة , طالما بأسلوب مهذب ومحترم هتلاقى الكل بيتعلم وانا نفسى بتعلم لان المناقشات هتجيب اسئلة ولو انت وانا معندناش الاجوبة هندور عليها وهنجيبها وهنكتسب خبرة اكتر

- شوف ياباشا موضوع انى عايز ارجع ومش عايز ارجع انت ظلمت الراجل , لان دة كلامى انا , بس انا مش عايز ارجع عشان اختلاف وجهات النظر , اكيد لأ طبعا انا بحب اللى بيناقشنى جدا بصورة علمية وادلة مش حالات فردية

لكن معلش واعذرنى انا لقيت ان الادلة اللى موجودة مجرد هجوم وخلاص لمجرد انى مش منزل غير 15 برنامج وانى لازم انزل فوق ال80 برنامج عشان اجرب الجهاز كويس ولا لأ

فطبعا المفروض ان تكون عارف ان المسألة دية نسبية من شخص لشخص و الدليل على كدة ان كل واحد بينزل الالعاب اللى على مزاجة والبرامج اللى بتخدمة وبتحققلة مهامة , لكن ماينفعش تقول لحد نزلى 85 برنامج ولا 100 برنامج عشان تجرب الجهاز هقولك بكل بساطة ياباشا انا مش محتاج غير 20 بس اعمل اية لازم يعنى انزل ال85 برنامج عشان اشوف قوة الجهاز , الصراحة ياباشا انا اصحابى كلهم معاهم اندرويد s3 , s4 , note 2 , s3 mini , sony , htc مافيش حد فيهم منزل اكتر من 17 برنامج و5 العاب , دة يعنى اقصى عدد برامج ممكن الاقية على جهاز واحد فيهم , لكن عمرى فى حياتى ماشوفت واحد منزل 85 برنامج , طبعا دية حرية شخصية كل واحد شايف البرامج اللى هو عايزها ومحتاجها

وعلى فكرة انا حاليا منزل 19 برنامج منهم ال whatsapp على فكرة و 5 العاب ومنزل widget الاغانى وو Weather والحمد لله الرامات مابتعديش ال380 ميجا او ال400 ميجا فى اسوء الاحوال ولو بالنت ممكن توصل ل420 ميجا بحد افصى , ومافيش اى حاجة حصلت الحمد لله ولا تقل ولا اى حاجة مع انى سايب فاضى فى ذاكرة الجهاز فقط اقل من 650 ميجا

وبردة انا دائما بسمع كتير كلمة اصلا الادفانس غير متوافق مع الجيلى بين ؟؟؟؟!!!!!!!!!!!

يعنى مثلا تليفونى وتليفون 5 اعضاء انا منزلهم الجيلى بين بنفسى على ال face book خطوة بخطوة , معاهم , مافيش منة اى مشكلة تماما

هل الاجهزة بتاعتنا دية super s advance مثلا عشان تتحمل الجيلى بين كنسخة افضل اداء بمراحل من الجينجر بريد

ومعلش اسمحلى انا هقولك كدة على كام برنامج انا شايفهم مالهمش اهمية بس طبعا دية حرية الشخصية بس انا ماينفعش املى تليفونى ببرامج مش مفيدة ليا

1- battery

2- clone camera

3- digital clock

4- face-call اصل بدل ماانزل برنامج عشان اقوم من مقابلة طيب ماقولهم معلش انا عندى مشوار ضرورى ولازم امشى دلوقتى , مش لازم امثل يعنى انى بتكلم فى التليفون ههههههه

5- viber بالرغم من قوة وجمال البرنامج الا ان برنامج تجسس اسرائيلى

6- smart app lock البرنامج اللى انت مش عايز حد يشوفة ماتعملة hidden

7- sms backup وصلة لمدة 3 دقائق وتعمل ال backup على الكمبيوتر

8- zedge طيب ماانت ممكن تدخل بية من على ال Site نفسة هو لازم برنامج مانا بعمل كدة

9- mx player التليفون بيشغل كل الصيغ ماعدا ال rmvb يعنى انا بشغل علية mp4- avi- flv - xvid

اديك شيلت 9 برامج انا شايف انهم ممكن يتحلوا بطريقة تانية او مالهمش استخدام اصلا

دة غير بقى 30 لعبة , شوف ياباشا انا عايز اقولك انا منزل 5 العاب ومش بلعب غير nfs mw , asphalt فقط لاغير , حتى بفكر اشيل اسفلت لانها مش زى متعة ال nfs mw تماما فى التحكم

وللحديث بقية

'نورت الموقع يا استاذ سمسم
بالنسبه للكلام بتاع الراجل هوا اللي قال الاول دي مش رجوله وانا رديت قولت لو اختلاف النظر مش رجوله يبقي انت متعرفش حاجه عنها ده كلامي وقصدي واضح

بالنسبه بقي لحته اصححلك وتصححلي من وجهه نظري البسيطه بتحرج انا شخصيا ىلاقيها ممكن تسببلك جزء بسيط من الاحراج وعارف ان ده غلط بس ده طبعي حتي مع اصدقائي المقربين لما يقولوا اي معلومه غلط عن اي حاجه مبحولش اصححها خوفا من احراجهم

وبالنسبه لموضوع رجوعك انا بتابع الموقع كل يوم ومش شايف حد كلمك بطريقه مش كويسه عشان تسيب الموقع عشانه فعشان كده قولت الكلمتين دول

وبالنسبه لحتته البرامج الكتير انا موافقك انها مساله نسبيه , وعمري مقولت انك تنزل 80 برنامج عشان تجرب الجهاز كلامي كان واضح جدا عن النقطه ديه ان الجيلي بين لما تنزله برامج كتير بيهنج وبيسبب مشاكل وكلامي كانت واضح استخدامك في التطبيقات قليله يبقي كمل عالجيلي تطبيقاتك كتير يبقي حول

ومقولتش بردو ان امكانيات الادفانس متستحملش الجيلي بين لان فيه عدد كتير اقل ونازله بالجيلي بين انا قولت نسخه الجيلي بين ديه الخاصه بالادفانس فيها مشكله في الكيرنال بتاعتها واحسن كيرنال نزلات عالجت الكتير من العيوب وبردو فيه لاج في الدايلر والكونتاكتس وفي الشغل التقيل

وانت في كلامك عن البرامج اللي علقت عليهم نصهم قولت لازم اتعامل مع الكمبيوتر , وليه بدام في تطبيق يعملي كده انا شاري جهاز امكانياته عاليه عشان يوفر عليا وقت ومجهود لعمليات كتير كنت بعملها قبل كده
والبرامج اللي قولت عليها ملهاش لازمه زي برنامج البطاريه مهم جدا بالنسبالي لاني بعرف علومات كتير عن االبطاريه زي هتقعد اد ايه لو استخدمت موسيقي او اتكلمت او فتحت النت
والام اكس بلاير اكيد مش هنزله عشان اشغل الامتدادات اللي الجهاز اصلا بيشغلها اكيد عشان الامتدات التانيه زي امتدادات اال flv ده اصلا بغض النظر عن ان البلاير بتاعه اجمد
والفايبر انا عارف انه اسرائيلي بس بيقدملي افضل خدمه موجوده وانا معنديش اسرار عسكريه يعني
وبالنسبه للالعاب بردو هيا مساله نسبيه بتمل من ديه تخش في ديه مش لازم تخلي خمس لعب وتغيرهم بلعب تانيه وكده والجهاز امكانياته تساعد

وانا في البوست اللي نزلته عن الجيلي قولت ان اجهزتكم مش طفره لا في البطاريه ولا في الرام هيا بس استخدام تطبيقات اقل

من الاخر يعني انا لا هكسب لو نزلو الجينجر ولا هخسر دي وجهات نظر وكله في مصلحه الناس
والدليل علي كده ان ناس كتير رجعت للجينجر مش بسبب كلامي اكيد لانهم لقيوا قصور في السيستم عن الجينجر

وعموما يا عم ببشرك ان نسخه الكيتكات هتنزل للادفانس وياريت تكون عالجت كل المشاكل ديه

ونورت مره تانيه يا معلم

فاكر طبعا

وعموما اعملى اللى قولتلك علية , وقوليلى وصلتى لأية هل اتظبطت ولا لسة

والله العظيم التليفون شغال معايا الحمد لله زى الفل من شهرين استخدام بالجيلى بين , ولا فية اى تهنيج ولا تقل ولا اى حاجة

والتليفون هتلاقية بقى احسن فى حاجات كتييييييير جداا , يعنى كل اللى كان ناقصة فى الجينجر بريد بقى موجود فى الجيلى بين واصبح هاتف رائع بمعنى الكلمة

مافيش والله ولا اى حاجة

هية بس طريقة الجيلى بين عشان ينزل بدون مشاكل , لازم لية خطوات تمهيدية , عشان تشيلى اى ملفات من النظام القديم

لكن ماتقلقيش ان شاء الله هخليلك الجهاز كويس بإذن الله

ومبروك على الجيلى بين معلش نسيت اقولهالك فى الاول