سعر و مواصفات Samsung Galaxy S Advance I9070

مقارنة

Android

Android OS, v2.3.6 (Gingerbread), upgradable to v4.1 (Jelly Bean)
4.0″

4.0 بوصة
3G

2G / 3G
5 MP, 25...
GB RAM

8/16 GB storage, 768 MB RAM, 2 GB ROM
1500mAh

Li-Po 1500 mAh, قابلة للازالة

غير متاح

(1125 تقيمات)

موصفات Samsung Galaxy S Advance I9070

الموصفات الاساسية

الحجم	123.2 x 63 x 9.7 mm (4.85 x 2.48 x 0.38 in)
الوزن	120 جرام
الألوان بالأسواق	اسود-ابيض

الشاشة

نوع الشاشة	Super AMOLED capacitive touchscreen, 16M colors
مساحة الشاشة	4.0 بوصة
دقة الشاشة	480 x 800 pixels, 5:3 ratio (~233 ppi density)
دعم اللمس المتعدد	لا

الشبكة

دعم 2G	نعم
دعم 3G	نعم
دعم 4G-LTE	لا
دعم 5G	لا
دعم HSCSD	لا
دعم EDGE	نعم
دعم GPRS	Class 12 (4+1/3+2/2+3/1+4 slots), 32 - 48 kbps

الاتصال

دعم WLAN	Wi-Fi 802.11 a/b/g/n, dual-band, DLNA, Wi-Fi hotspot
دعم بلوتوث	Yes, v3.0 with A2DP, HS
GPS دعم	نعم
NFC دعم	لا
دعم راديو Fm	نعم
دعم USB	نعم

معلومات عن الكاميرا

دعم الكاميرا	5 MP, 2592 x 1944 pixels, autofocus, LED flash,
دعم فلاش	نعم
كاميرا امامية	نعم

مساحة الذاكرة

الذاكرة الخارجية	microSD, up to 32GB
الذاكرة الداخلية	8/16 GB storage, 768 MB RAM, 2 GB ROM

نظام التشغيل

نظام التشغيل	Android OS, v2.3.6 (Gingerbread), upgradable to v4.1 (Jelly Bean)
نوع نظام التشغيل	Android
CPU	Dual-core 1 GHz Cortex-A9

معلومات أخري

الرسائل	SMS(threaded view), MMS, Email, Push Mail, IM
المتصفح	HTML, Adobe Flash
معلومات عن البطارية	Li-Po 1500 mAh, قابلة للازالة
قدرة البطارية في التحدث	حتى 7 ساعه
قردة البطارية في الوضع العادي	حتى 550 ساعه

الخصائص

دعم شرحتين	لا
الشريحة	Mini-SIM
نوع النغمات	MP3, WAV
مخرج صوت 3.5mm jack	نعم
الاهتزاز	نعم
دعم انفراريد	لا
حماية بالبصمة Fingerprint	لا
مكان البصمة	لا يوجد

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع و اراء عن Samsung Galaxy S Advance I9070

بدون عنوان

بواسطة: altayib

بالله عليكوا يا جماعة لو سمحتوا وانتم ناس محترمة ومتعاونة زى مهو باين من ردود حضراتكم أنا عايز أشترى الموبايل ده وعايز أعرف آيه مشاكله وهل الجيلى بين هيخلى فيه زووم فى الكاميرا ولا لا وهل استنى شوية الأسعار ترخص ولا أشترى دلوقتى

2013-01-22 (03:25:22PM) / ردود 2

اضف رد

semsemSiR

2013-01-22 (03:38:24PM)

الموبايل روعة جداااااااا , فى كل شىء بجد تليفون ممتاز فى كل حاجة

بالنسبة للجيلى بين , طبعا الكاميرا بقى فيها زووم 4X سلس , اوبشن زيادة فى الكاميرا + نقاء افضل للكاميرا

مميزات كتير اصبحت موجودة فية ,

صوت الموبايل على عن الاول , لان نظام جيلى بين زودلة اوبشن فى الصوت كتير

حتى الرامات بتاعة اصبحت 625 ميجا مع الجيلى بين

التليفون بطاريتة كويسة جدا مع الشغل العادى يومين

بيشغل كل الالعاب , سريع جدا , شاشتة ممتازة وغاية فى الروعة والجمال

فى ناس بتشتكى من ضعف الشبكة او عدم استقرارها , لكن فية تحديث نزل من سامسونج عالج الموضوع دة

وانا عن نفسى مش شايف اى عيوب للتليفون دة

لكن خلى بالك ان التليفون سعرة اصبح 2400 جنية

MoDy92

2013-01-22 (03:35:33PM)

الجيلي بين هيخلي فيه زووم ف الكاميرا ... والموبايل تحفه بجد انصحك تشتريه

بدون عنوان

بواسطة: MoDy92

فعلا نزل لروسيا نسخه تانيه

2013-01-22 (03:24:07PM) / ردود 0

اضف رد

بدون عنوان

بواسطة: BAKR22

معلش ممكن استفسار هوه الكامير في الاضائه الخافته بتعمل نغمشه خفيفه خالص في تصوير الفديو دا طبيعي ولا ايه ؟؟؟؟؟؟؟ ياريت الرد وياريت حد يقولي استعمل الموب صح ازاي لاني لسه جايبه ومش عارف حاجه فيه خالص ولا عارف اشغل واي فاي ولا gps ولا اي حااااااااااااااااااااااجه

2013-01-22 (01:33:39PM) / ردود 0

اضف رد

بدون عنوان

بواسطة: pesodent

يا جماعة الجيلى بين نزله نسخة تانية فى روسيا ده معناه ان النسخة الاولنية كانت تجريبية علشان يعرفوه المشاكل الى فيها ويحلوها زى ما انا توقعت زى نسخة s2 الى اتسربت كده واحتمال برضه ان النسخة التانية تكون تجريبية بس ده مش احتمال كبير كده انا ممكن اقول ان الجيلى بين هيوصل لمصر فى مدة 15 يوم لو النسخة التانية مفيهاش مشاكل

2013-01-22 (12:26:24PM) / ردود 1

اضف رد

semsemSiR

2013-01-22 (12:34:41PM)

طيب تمام , انا هحاول اشوف الدنيا كدة فيها اية واية اخبار النسخة التانية

بدون عنوان

بواسطة: BAKR22

يا جاعه انا مش عارف اشغل gps كل لما افعله وارح ل ايقونه التنقل يديني فشل في الاتصال و الخرايط كمان ممكن حد يفهمني استعمله ازاي اصلي انا لسه جايب التلفون امبارح مش عارف فيه حاجه خالص

2013-01-22 (09:19:12AM) / ردود 4

اضف رد

BAKR22

2013-01-22 (06:03:36PM)

جبت MAPS و بعملloaing ومش بيجيب حاجه

semsemSiR

2013-01-22 (11:57:56AM)

هتدخل على برنامج MAPS , لحد مايحملك الخريطة , هتلاقى فى اعلى اليمين ايقونة عليها GPS

دوس عليها , هتلاقيها بتنور وتطفى اخضر من النصف , هو كدة بيبحث عن القمر الصناعة , وبعد كدة هتلاقى الجهاز جاب الموقع بتاعك , بس مش هيكون بدقة هتلاقى الفرق حوالى 15 متر

BAKR22

2013-01-22 (11:18:06AM)

انا عاوز اعرف اشغله ازاي ولو فيه اي جاجه تعلمني علي الموبايل يكون افضل ...وشكر مقدما

thelegend889

2013-01-22 (09:39:22AM)

اعمل تحديث ل gps علشان ميهنجش منك ويقفل خش على جوجل بلاى وحدثه

بدون عنوان

بواسطة: MoDy92

هو ليه كل اما اقفل الموبايل واشغله تاني مكان الآب بتاع الشريحه بيتغير ويبهدلي ترتيب الآبس التانيه

2013-01-21 (07:31:14PM) / ردود 8

اضف رد

semsemSiR

2013-01-22 (04:54:44PM)

لأ . ياباشا كل تليفون ولية نظامة , والاندرويد كلة كدة

MoDy92

2013-01-22 (04:38:46PM)

يعني مش بينور او يدي تنبيه بالاضاءه ان فيه مكالمه فائته لو الشاشه مقفوله

semsemSiR

2013-01-22 (03:45:21PM)

فية سهمين على الشمال فوق واحد فيهم لونهم احمر دة بيكون موجود لو فية مكالمة فائتة وانت ماشوفتهاش او مرديتش عليها

MoDy92

2013-01-22 (03:20:42PM)

انا عندي بينور عادي بس مبينبهنيش ان فيه مكالمه انا مردتش عليها يعني ميسد كول انا كان معايا ال E5 ولو مكالمه انا مردتش عليها وخلص المتصل رن الزرار اللي ف النص بينور ينبهني ان فيه ميسد كول

semsemSiR

2013-01-22 (09:06:22AM)

اول حاجة غريبة شوية , انا معايا بردة شريحة جديدة وعمرها ماعملت معايا كدة

ثانى حاجة , بردة عمرها ماحصلت معايا

انا مثلا قافل ال lock وجالى تليفون , بينورلى على طول ان فية حد بيتصل بيا والشاشة بتفتح عادى عشان ارد على الاتصال بدون الحاجة لانى افتح الlock الاول

وعموما انت المشكلة اللى عندك دية مشكلة تظبيط اوبشن , او تعمل اعادة ظبط مصنع وريح دماغك

MoDy92

2013-01-22 (01:30:30AM)

اول مشاركه : لما الموبايل بيتقفل ويفتح تاني فيه ابلكيشن بتاع الشريحه اتصالات اللي فيها خدمة العملا والشحن والكلام ده . مكانها بيتغير مع كل قفل وفتح التلفون مش بتثبت ف مكان معين

تاني مشاركه : لما حد مثلا يتصل بيا و ماردتش وانا قافل اللوك بتاع الفون ايه يبينلي ان حد اتصل بيا مبينورش لازم افتح اللوك واشوف بنفسي

semsemSiR

2013-01-22 (01:08:48AM)

مش فاهم اول مشاركة

وتانى مشاركة , ازاى يعنى مش بيوضح , لأ طبعا بيوضح

ولا انت تقصد حاجة تانية

MoDy92

2013-01-21 (11:12:40PM)

وليه اما حد يتصل بيا مش بيبان انه اتصل وانا قافل الشاشه

بدون عنوان

بواسطة: alielderpy

الجيلى بين نازل امتى يا شباب ؟

2013-01-21 (07:21:52PM) / ردود 1

اضف رد

semsemSiR

2013-01-23 (12:40:37AM)

ان شاء الله فى نصف شهر فبراير

بدون عنوان

بواسطة: shahenda

هو الموبيلات هتفضل تغلى ولا خلاص كدة ولا هترخص يعنى الواحد يشترى دلوقتى ولا يستنى

2013-01-21 (05:14:37PM) / ردود 1

اضف رد

jazzsonic

2013-01-21 (08:24:42PM)

مش عارف فعلا الاسعار بتزيد فى يوم وليله وانا عايز اجيب الموبايل ده بس الفلوس هاتجيلى على شهر مارس :( وانا مش عارف اعمل ايه ؟ خايف يبفى على مارس ب2800 ج

بدون عنوان

بواسطة: semsemSiR

مقارنة كدة جميلة مابين التحفة ال s ADVANCE , وال I PHONE 4S

2013-01-21 (03:00:23PM) / ردود 21

اضف رد

semsemSiR

2013-01-23 (12:58:47AM)

انت قصدك على دة , ياباشا دة عيب تصوير الكاميرا لكن المؤثرات كلها موجودة زى بعض , مش هية دية اللى هتخلى الموبايل يبقى تقيل فى اللعبة

وبالنسبة للجيلى بين , لأ ياباشا الحوار دة كان زمان لما قالك احنا مش هنزلة ب adope والشركة اوقفت التعاقد مع adope انها تمد اجهزتها بيها , لكن حاليا كل اجهزة samsung بنظام ال jelly bean فيهم Adope flash player وممكن تدخل على اى موبايل مزود بالنظام دة مثلا فى gsm arena هتلاقى ان ال browser يدعم ال Adobe flash player وكفاية ان النظام دة بقى المتصفح بتاعة ال google chrome

ahmedaliyossef2010

2013-01-22 (06:49:20PM)

هقول لحضرتك شوف لما الجندى ييجى ينط من المبنى هتشوف فى الأيفون دخان فى السما لكن فى الا أدفانس ضوء و خلاص مفيش مؤثرات زى الأيفون

بالنسبة لموضوع الفلاش بلاير الجيلى بين طبعا مفيهوش فلاش و لو دخلت من الماركت مش هتلاقى أصلا ان فى برنامج الأدوب حتى فى الجينجر بريد لازم تنزلوا انته من موقع أدوب مش هتلاقيه فى الماركت و لو فتحت الماركت دلوقتى من الموبايل مش هتلاقى برنامج الفلاش موجود و لو مش مصدق شوف الرابط ده

semsemSiR

2013-01-22 (05:46:37PM)

هو عموما انا مش شايف فرق فى جودة اللعبة غير ان دة متصور بكاميرا افضل من التانى , ولو بردة عند حضرتك ملاحظات يمكن انا مش واخد بالى منها

بالنسبة للفلاش فهو موجود فى الجيلى بين عادى جدا

ahmedaliyossef2010

2013-01-22 (04:36:55PM)

بص كدة فرق الجرافيك

معظم العيوب دى تم حلها بالتحديث الجديد
بالنسبة للفلاش فدة مش موجود برضه فى الجيلى بين
دلوقتى المشكلات الحقيقية هى موضوع البلوتوث و Itunes

بالنسبة للسعر عند حضرتك كل الحق فيه هو فعلا مبالغ فيه بشكل كبير

semsemSiR

2013-01-22 (03:28:36PM)

دية العاب ال S ADVANCE

semsemSiR

2013-01-22 (02:50:56PM)

طيب هو حضرتك ليك بالارقام ولا لية بالتطبيق الفعلى ؟؟؟؟؟؟

هاتلى موبيل IPHONE 4S ونزل علية اى لعبة انت عايزها , ونزلها على الادفانس وقولى الفرق مابينهم

انا الصراحة مش عارف لية فى موضوع الارقام دة مش بستريح لية , انا امسك التليفون قدام عينى ويتم التجربة على كل حاجة دة اللى انا اعرفة

يمكن كل الفرق اللى مابين الجهازين دة يطلع جزء من الثانية , او ثانية فرق فى تشغيل اللعبة , هل دة مبرر

انا من وجهة نظرى ان اللى يحددلى ان معالج الرسوميات الموجود فى هذا الجهاز كويس ولا لأ هو اللى يشغل اى حاجة بدون اى مشاكل فى تهنيج او ان يقبل جميع الالعاب العالية واللى محتاجة معالج عالى

وعموما انا زى ماقولت لحضرتك قبل كدة انا كلامى دة كلة لا يقلل من شأن ال IPHONE فهو جهاز رائع ولكن تمنة مبالغ فية جداااااااا على امكانياتة , وهناك بدائل فى وحهة نظرى افضل واقل فى السعر

ومعلش انا هجيبلك حاجة بسيطة كدة من عيوب ال I PHONE 4S شوف كمية العيوب اللى فيها

•MicroSIM card support only
•No Flash support in the web browser
•No true multitasking for all applications
•FaceTime video calls work only over Wi-Fi
•No file transfer over Bluetooth or USB Mass Storage mode (independent from iTunes)
•No FM radio
•No stereo speakers
•No microSD card slot
•Non-user-replaceable battery
•Siri still a beta, location services not enabled outside US
•Stuck with iTunes for loading content

تخيل انا لما ادفع فى تليفون 4200 جنية وفية كل العيوب دية انا اعمل اية فى نفسى ؟؟؟

ahmedaliyossef2010

2013-01-22 (01:19:43PM)

بالنسبة لموضوع الخامات أنا مع رأى حضرتك احنا كدا كدا بنجيب جراب و خلاص

بالنسبة لتصوير الفيديو من نفس المكان من GSMARENA حضرتك شوف الفرق كدة و قولى هل هما زى بعض ؟

بالنسبة لقوة المعالج دى اختبارات GLBENCHMARKS أحسن تطبيق لتحديد قوة معالج الرسوميات

semsemSiR

2013-01-22 (12:20:48PM)

طيب تمام ياباشا بالنسبة للسعر

بالنسبة للفيديو والله انا صورت فيديو مالوش حل فى فرح واحد صاحبى وكان معايا اصحابى واحد ب N8 , S2 , I PHONE 4S , IPHONE 4 انا عايز اقولك ان تصوير الs2, SADVANCE كانوا فى نظرى افضل تصوير حتى لما عرضناهم على الكمبيوتر بجد تحفة , يعنى عندى اللاب شاشة 19 , بجد والله بدون مبالغة , الصورة FULL SCREEN على كامل الشاشة , الوان قمة فى الجمال والروعة , مافيش اى PIXILES تماما , انت بتتفرج على فيديو فعلا HD وصوت رائع وعالى جداااااااااا ونقى جداااااا مع انة فرح وصوت بس كان جايب كل التفاصيل

بالنسبة للخامات ياباشا مانا قولتلك مافيش غير الظهر اللى بلاستيك فى ال ADVANCE وسواء فى الاتنين كدة ولا كدة اى تليفون بتجيبة جراب بيغطى كل حاجة , فااستبعد موضوع الخامات دية

معالج الرسوميات فى الادفانس من نوع MALI400 وكفاية انة بيشغل كل الالعاب بتاعة ال2013 ال HD بدون تهنيجة واحدة , يعنى انا منزل عندى دلوقتى ASPHALT 7 بجد حاجة كدة تحفة فى الجرافيك بتاعتها وماشاء الله التليفون عمرة ماهنج او حتى لقيت اللعبة وققت جزء من الثانية

يبقى فين بقى المعالج اللى اقوى من بمراحل , معالج ال I PHONE جميل وكل حاجة بس مافيش فرق بينة وبين ال ADVANCE طالما اللى بيشتغل هنا بيشتغل هنا بنفس الكفاءة يبقى مافيش تمام
وخلى بالك بردة انا مجربتش العب غير كام لعبة كدة على ال I PHONE 4S ولقيتة كويس فى الالعاب بس معلش اللعبة على ال ADVANCE حاجة تانية خالص بحجم الشاشة وقوة ال sUPER AMOLED بجد شىء فظيع

- دلوقتى انا جايبلك اختبار فيديو عملى , وحضرتك جايب موقع GSM ARENA بالفرق بين الكاميرات
طيب شوف كدة بردة اختبار الفيديو من نفس الموقع

اية رأيك فى الفرق مابينهم

صدقنى انت ليك بالواقع العملى , امسك الاتنين جمب بعض وقارن بعينك انت وشوف الفرق لمين

ahmedaliyossef2010

2013-01-22 (11:08:08AM)

أستاذ semsemSiR

بالنسبة لموضوع السعر ده اللى أنا قولته ممكن أكون غلطان فيه لأنى برضه شوفت فى كذا مكان لقيته زى ما حضرتك قولت ممكن اللى شوفته مستعمل

حضرتك بالنسبة للتصوير
بقول تانى لازم حضرتك تكبرالصورة علشان يبان الفرق

بالنسبة للفيديو فهو أحسن فى الأيفون مش محتاجة كلام

و بالنسبة لسعر الأيفون فهو طبعا غالى و مبالغ فيه

و الخامات أنا مقولتش فيها حاجة أنا قولت انها أحسن من الاس أدفانس

معالج الرسوميات بتاع الايفون أقوى بكتير من الاس أدفانس

MoDy92

2013-01-22 (01:35:08AM)

ردك في الجون والله .. تسلم ايدك يا معلم

semsemSiR

2013-01-22 (01:25:27AM)

ماهو يااستاذ احمد حضرتك مسكت ال S ADVANCE واتعاملت معاة ؟؟؟؟؟؟؟

اصل ياباشا الحكم على الحاجة مش بالارقام , فية حاجة اسمها تجربة فعلية

ولو زى ماحضرتك بتقول الصور بتبان على الكمبيوتر , يعنى صاحب التليفون لما صورتة ووريتة الصور على اللاب بتاعى , بيقولى هية دية صور ال ADVANCE قولتلة اة , قالى انت متأكد ان الكاميرا دية 5 ميجا

لانة فعلا مش لاقى فرق , وانا والله واحد صاحبى لقيتة معاة ال IPHONE دة وصورنا بية بس كان بليل كنا قاعدين فى كافية لانى فعلا كنت عايز اشوف التليفون على الحقيقة وقارنتة بكل كبيرة وصغيرة , فى تليفونى , والنتيجة كانت مبهرة لية الصراحة

عموما ياباشا انا ملاحظتش ان فية فرق نقاء تماما , على اكتر من تليفون مش واحد بس

ثانيا الفيديو اللى فوق بيوضح قوة التصوير مابينهم , واكيد على الكمبيوتر هيبقى بردة نفس الفرق

الوزن مش مشكلة سيبك منة

الكارت انا بالنسبالى مهم جدااااااااا , مقدرش استغنى عنة كأوبشن

ال I PHONE 4S فى كل مواقع الدنيا ب 4150 -4200 كمان , وعندك كمان فى الموقع هنا مكتوب ب4050 ولو دوست على شراء جديد من فوق هتلاقى جايبلك المحلات كلها بتبيعة بالسعر دة

وانا قايلك ان الADVANCE ب2400 جنية عادى ماغيرتش كلامى يعنى

وعموما انا فى كلامى دة مش بقلل من قوة ال I PHONE بالعكس موبايل جميل جدااااااا

بس معلش اوبشن التليفون ميدفعش فية ابدا 4200 جنية , كدة انا برمى فلوسى فى الارض

فى حين ان عندى موبايل بأمكانيات S ADVANCE , S2 او بلاش دول S3 يفوقة 3000 مرة وب 4200 جنية بردة يبقى مين افضل

وماتقوليش خامات انا مش ماشى بموبايل اتباهى بية , انا ماشى بتليفون يلبيلى احتياجاتى مش هيهمنى حاجة اذا كانت خامتة بلاستيك نظيف ضد الكسر , ولا زجاج شكلة شيك بس قابل للكسر فى اى لحظة

ahmedaliyossef2010

2013-01-21 (09:56:35PM)

الأستاذ hamodi لو حضرتك نقصدنى بكلامك
أنا مش معايا الموبايل بس بقول اللى شوفته فى موقع Gsmarena

hamodi

2013-01-21 (09:26:26PM)

طيب انت معاك التليفون ده الاصلى تقولى على مواصفاته وتبعتها لى ع الفيس بوك

عاوز اعرف صوته حلو زى ال n73 ولا ااقل منه صوت الرنة وصوت الاغانى وصوت الفيديو عامل ايه بس بصراحه وياريت تكلمنى ع التليفون وتوضحلى اكتر
01008167485 محمد عز

ahmedaliyossef2010

2013-01-21 (08:19:57PM)

الأستاذ semsemSiR

شاشة الأيفون أعلى فى الريزوليوشن و فى كثافة البكسلات و أحسن من الاس أدفانس

صوت الأيفون أنقى من صوت الاس أدفانس بس مش أعلى منه

أنا مش هتكلم فى موضوع 20 جرام ده أنا مسكته خفيف جدا و مفيش فرق هتلاحظه خالص

بالنسبة للتصوير أنا جاوبت قبل كدة و هو أحسن من الاس أدفانس سوء فى الالتقاط الصور أو فى تصوير الفيديو و الفرق فى الصور هيبقى ملاحظ عند تكبير الصورة

الأيفون فيه امكانية اختيار 16/32/64 و بالنسبة لفقد البيانات حضرتك عندك icloud مجانا لو أصلا غيرت الموبايل هيرجعلك كل حاجة

الأيفون 4s لسة شايف سعره أول امبارح ب3300 جنيه و أنا من طنطا تمام
و على فكرة سعر الاس أدفانس أنا جايب سعره من كومنت تانى ليك فى صفحة الاس 2

mohamed1933

2013-01-21 (07:28:53PM)

لا فدي ال ipone يتفوق كفاية انو نظام IOS

semsemSiR

2013-01-21 (06:07:36PM)

شاشتة اقل فى الجودة , ياباشا شاشة ال S advance روعة super amoled نقسة جدا وممتازة جدااااا ودرجة الوان عالية جدا , وعلى فكرة سيبك من الفيديو , دية مقارنة ال S advance مع ال i phone بتاع صاحبى

ماعتقدش انة يتفوق ابدا على ال S advance لان صوتة تحفة ونقى جدااااااا, يمكن يكون ال i phone زية لكن مش انقى منة

غلط انا فى موضوع انحف منة

20 جرام فرق كبير وخصوصا ان ال i phone غير متحمل للصدمات تماما بسبب الزجاج اللى موجود على التليفون من الظهر بتاعة , وانا عن نفسى هو كدة خرج من الاعتمادية تماما لان اى واحد فينا معرض انة تليفونة يقع منة

معاك ان ال i phone تصويرة جامد بس صدقنى ماشوفتش الفرق اللى انت بتقول علية دة

طيب مال advance فية امكانية اختيار 8/16 جيجا وفية ذاكرة خارجية , بس فية عيب حضرتك مش واخد بالك منة , ان لو حصل اى فقد للبيانات هتروح كل حاجة , لكن فى حالة وجود الكارت هتلاقى الصور والاغانى والفيديوهات ولو فية اى ملفات ودة ميزة الكارت الخارجى

وهو مين دة ياباشا اللى سعرة 3300 , ال iphone 4s سعرة 4150 جنية

وال Advance سعرة يتراوح مابين 2350-2400

ahmedaliyossef2010

2013-01-21 (05:11:53PM)

ده طبعا غير ان معالج الرسوميات فى الأيفون أقوى بكتير من الموجود فى الاس أدفانس

ahmedaliyossef2010

2013-01-21 (05:09:15PM)

على فكرة أنا مش قصدى كدة أصل الفيديو مش بيقارن و مش مبين الغرض اللى عاوز تقوله فبستفسر مش أكتر

و لو حضرتك عاوز تتكلم عن المقارنة أنا معنديش أى مانع

شاشته أكبر بس أقل فى الجودة و الدقة و الوضوح و الألوان

الصوت أعلى بس جودة الصوت فى الأيفون أحسن

أرفع ؟ مع انى شايف انها حاجة مش مهمة و بتعتمد على الأذواق بس الأيفون أرفع 9.3 <9.7

أخف ؟ الكلام ده لو حضرتك بتتكلم فى فرق كبير لكن دول 20 جرام هو الموبايل هيبقى تقيل يعنى و التقل ده لأن الأيفون الجهة الخلفية فيه عبارة عن زجاج و مواد البناء بتاعته أحسن طبعا

الصور طبعا الأيفون أحسن و حضرتك متشوفش الصور فى فيديو حتى مش hd و يبقى مظبوط تمام الصور هتلاحظ الفرق لو مرفوعة على النت مش فيديو و طبعا تصوير الفيديو فى الأيفون أحسن لأنه full hd

نظام الجيلى بين ؟ أفضل انى متكلمش فى النقطة دى علشان دى برضه مسألة أذواق لأن فى ناس بتفضل البساطة و ناس تحب انها تبقى مسئولة عن الجهاز ككل

امكانية اضافة كارت ميمورى لأن الأيفون بييجى ب مساحات مختلفة أكبر من الأس أدفانس

تمن أقل من النص ؟ سعر الأس أدفانس 2400 < و الأيفون 4s 3300

semsemSiR

2013-01-21 (03:49:11PM)

ومايبقاش احسن لية ؟؟؟؟؟؟؟؟؟؟؟

شاشة اكبر

صوت اعلى

رامات اعلى

ارفع

اخف

واديك اشيف فرق الكاميرا معن ان دية 8 ودية 5 ميجا , ونفس الفرق انا لاحظتة مع صاحبى لدرجة ان استعجب عشان ماتقولش الفيديو منحاز لل S ADVANCE

نظام بالنسبالى افضل وان شاء الله نازل لية ال JELLY BEAN يعنى اى مشاكل سابقة هتكون محلولة

اماكنية اضافة كارت ميمورى بعكس التانى

وكل دة بتمن اقل النصف نقريبا من تمن ال 4S يبقى تجيب مين ؟؟؟؟؟؟؟؟؟؟

وكل واحد حر فى اختيارة

semsemSiR

2013-01-21 (03:45:03PM)

حضرتك شايف اية ؟؟؟؟؟؟؟؟؟

ahmedaliyossef2010

2013-01-21 (03:20:57PM)

مش فاهم يعنى حضرتك قصدك انs advance أحسن مثلا ولا ايه

بدون عنوان

بواسطة: smsm2000

الموبايل سعره زاد ولا ايه؟

2013-01-21 (01:46:29AM) / ردود 1

اضف رد

thelegend889

2013-01-21 (09:26:52AM)

الموبايلات كلها سعرها زاد علشان سعر الدولار

الموبايلات

سعر و مواصفات Samsung Galaxy S Advance I9070

Android

4.0″

3G

5 MP, 25...

GB RAM

1500mAh

موصفات Samsung Galaxy S Advance I9070

التسجيل بالموقع

دخول الاعضاء

مواضيع و اراء عن Samsung Galaxy S Advance I9070