بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

amertag

2013-03-05 (11:23:00PM)

ياجماعه السلام عليكم اولا انا معجب جدا بالتعليقات فى هذه الصفحه وبجد استفدت اوى وعاوز اقول انا كان معايا S2بالضمان واللون الابيض بس عن تجربه الموبايل زباله والله ما يستاهلش السعر والضجه دى كلها ومن ضمن عيوبه السخونيه الفظيعه والبطاريه الحقيره وقطع النت وانا بحمل اى برنامج مثلا وخربشه الفريم بسرعه جدا ومن ضمن اسوا الغيوب خامه الموبايل اللى عن نفسى اى جهاز صينى اقوى منه فى الخامه اولا الضهر يتاعه لو نفخت فيه يطير وصعب انك تفتح الموبايل وتغير شريحه مثلا وكمان صوت السماعه والله وحش جدا وحاجااااات تانيه كتيييير واخيرا بعته وخلصت منه وبعته باقل سعر وخسرت فيه كتير وانا هاشترى الموبايل ده ادفانس وشكرا

happier

2013-03-05 (11:52:13PM)

وعليكم السلام ورحمة الله وبركاته...
أنا سعيد جدا بمشاركة تجربتك معانا عشان الكل يستفيد ...

والف مبروك مقدما على الادفانس...

بس ممكن لو سمحت أعرف نظام التشغيل اللي كان معاك في S2 يعني كان جينجربريد ولا ايس كريم؟؟؟؟؟؟؟؟

وشكرا لك

semsemSiR

2013-03-06 (12:05:35PM)

انا معاك فى كل كلمة قولتها

بس مختلف معاك فى موضوع الصوت , لانة صوتة كويس مش وحش هو مش عالى بس واضح ونقى

والظهر بتاعة بلاستيك خفيف بس مابيكسرش

غير كدة كل حاجة انت قولتها صحيحة 100%

happier

2013-03-06 (05:29:18PM)

اخ سمسم الايس كريم في S2 ما حل مشكلة الحرارة والبطارية؟؟؟؟؟؟؟

semsemSiR

2013-03-06 (06:56:08PM)

لأ طبعا محلش المشكلة والموبايل بيسخن جدااااااا , وبطاريتة فى الضياع

بيقولوا مع الجيلى بين السخونية مابقيتش موجودة , بس انا مش مقتنع بالكلام دة الصراحة

وخصوصا ان الناس اللى نزلت النسخة دية على ال s2 بيقولوا بيعمل restart كل فترة مابين يوم او يومين

amertag

2013-03-06 (11:22:12PM)

استاذ semsemsir انا اقصد صوت المايك ضعيف وكان اللى بيكلمك عنده زكام وبعدين كاميرا الاs2بتخلى الصوره لو انت شغلت الفيديو شاشه كامله كان الشخص معموله فوتو شوب رقبته تبقى طويله وجسمه يتخن وحاجه زباله والغريب ان الموبايل ده s2معموله دعايه جامده على الفاضى وانا كان موبايلى على نظام اجنزبيل واخيرا بعتههههههههههههههههههه جاته القرف يس عاوز اعرف هل الادفانس خامته وكامرته زيs2ولا احسن والصوت وكده يعنى اصلى محتار اجيب اى فون4sولا الادفانس

happier

2013-03-07 (12:30:01AM)

أنا عن نفسي بافضل الادفانس على iphone 4s لان الرام في الادفانس 768 ميجا
بينما في 512 في iphone 4s

الكاميرا الأمامية في الادفانس 1.3 بكسل اما iphone 4s فهي 0.3 بكسل

وشخصيا بيعجبني الأندرويد أكثر من IOS بتاع الايفون

semsemSiR

2013-03-07 (12:41:56AM)

فعلا عندك حق , التليفون فى الفيديو بتاعة تصويرة غريب شوية وبيخلى الناس طويلة زيادة عن الطبيعى , ودة ناتج من ان الشاشة عريضة

معاك فى دية فعلا ان صوت المايك واطى وبيوطى اكتر مع تفعيل خاصية ال voice cancelation

- بالنسبة لل s advance فهو كاميرتة ممتازة جميلة جدااااا , مع انها 5 ميجا بس نظيفة جداااااا

- بالنسبة للخامات فالتليفون مافيش فية غير ظهر بلاسيتك بس اقوى من الs 2 يعنى بيتفك بسهولة وماسك نفسة كدة , بس طبعا بلاستيك

- بالنسبة للصوت ماشاء الله علية صوتة تحفة تحدث وسمع , يعنى اللى بتكلمة يسمعك بوضوح ,
واللى بيكلمك بتسمعة بمنتهى النقاء وصوت عالى جداااااااااااااا

ونصيحة منى ابعد عن ال iphone 4 مالوش لزمة السعر فى التليفون دة خالص غالى جدا على امكانياتة تماما

تلك الخدمة مخصصة للأعضاء فقط