موبايلى الاس ادفانس

للرجوع الي صفحة سامسونج Galaxy S Advance I9070 الرئيسية اضغط هنا

hendali

2015-01-22 (11:07:57AM)

لو سمحت يا أستاذ سامح تليفونى كنت مشغله عليه برنامج الموسيقى عالقرءان وسبته شغال ونمت صحيت لقيته بيقولى الذاكرة مليانة( ذاكرة الجهاز ) وممكن بعض الوظائف والتطبيقات لا تعمل وكل ما اشغل برنامج ميشتغلش وصلته بالكمبيوتر لقيت ذاكرة الجهاز مش مليانه زى ما الموبايل بيقول ولما بضغط عالاشعار بيدخلنى على استخدام الذاكرة ممكن حضرتك تفيدنى؟

semsemSiR

2015-01-22 (02:46:13PM)

في الادفانس عندك متقسمة ذاكرتين واحدة للبرامج بمساحة 2 جيجا , وواحدة للملفات الخاصة ودية 3.91 جيجا , ودية اللى بتظهر عندك على الكمبيوتر عشان كدة فاضية

لكن المليانة عندك هية ال ROM

ودة بتتفضى بطريقتين :

1- اول طريقة انك تعملى فورمات للهاتف من ال RECOVERY بس طبعا اى حاجة على ذاكرة الهاتف هتتمسح خلى بالك ( اسماء - رسائل - برامج )

2- تدخلى على MY FILES ثم PHONE MEMORY ثم ANDROID ثم DATA وتشوفى مساحتها كام لو لقيتيها مليانة يبقى كدة هتفضيها انك تعملى مسح لكل الملفات اللى قدامك ماعدا بس ملفات الالعاب - الواتس اب - الفايبر لو عندك

واى مشكلة او حاجة مش فاهمها , قوليلى اوضحهالك

hendali

2015-01-22 (04:40:58PM)

حضرتك أنا دخلت على الملفات ومنها على android ومنها على data ووحددت الفولدر واخترت التفاصيل تمام كده ؟؟ .. والمشكلة دى سببها ايه يا أستاذ سامح التليفون كان كويس جدا وكان بقالة فترة كبيرة شغال كويس ؟ ...متشكرة جدا لحضرتك

semsemSiR

2015-01-22 (08:12:08PM)

تمام , لقيتى المساحة كام ؟؟؟

ومامسحتيش لية الملفات كلها ماعدا اللى انا قولتلك عليهم عشان البيانات ماتروحش

- المشكلة دية المفروض مابتحصلش الا فى حالتين

1- حملتى ملفات كتير مرة واحدة لحد مالمساحة المخصصة للتطبيقات اتملت

2- ان فية حاجة اسمها cash file اتملت عندك

عموما عايزك تنزلى البرنامج دة

وتمسحى ال junk files- cash files

وان شاء الله الدنيا هتبقى تمام

وعايزك بردة تدخلى على القائمة اللى بتمسحى منها الرامات وتختارى منها storage وتشوفى المساحات قد اية

تلك الخدمة مخصصة للأعضاء فقط