تحويل من جيلي بين4.2 إلى كيتكات4.4

للرجوع الي صفحة سامسونج Galaxy S Advance I9070 الرئيسية اضغط هنا

YahyaFathy

2014-08-17 (01:24:25PM)

كيفكم شباب!
عندي مشكلة: وهي إن شوفت فيديو بيشرح كيفية التحويل من نظام جيلي بين 4.2 إلى الكيت كات 4.4، وكان في 3 ملفات مضغوطة المفروض إني أحملهم عشان عملية التحويل: وهي ملف للأبديت، وملف لـ CM11 وملف لجوجل أبس gapps. ولكني حملت أول اتنين من نفس المكان، إنما ملف الجوجل آبس حملته من مكان آخر، ويبدو إن إصداره كان مختلف عن ملف الروم. ولذلك لما تمت عميلة التحويل إلى كيت كات، لقيت إن جوجل بلاي مش بيشتغل، وكل شوية تظهر رسالة إن الجوجل بلاي تم إيقافه. بعدها حاولت تنزيل ملف الجوجل آبس من نفس المكان، وفعلا نزل، بس لما جيت أعمل العملية تاني مكنتش بتكتمل ... المهم إني حاليا استغنيت عن الجوجل بلاي، ببرنامج إسمه Blackmart بنزل من عليه بعض التطبيقات، ولكن برضو في تطبيقات لازم تنزل من الجوجل بلاي، ومش عارف أسجل الجيميل بتاعي.
فهل يا ترى في حل عندكم؟
شكرًا سلفًا! :)

semsemSiR

2014-08-17 (03:55:40PM)

امسح ال gapps القديمة

ونزل البرنامج دة من الماركت من اى تليفون تانى وابعتة ليك

دة هيقولك اية النسخة المناسبة من ال gapps وتنزلها عندك على الجهاز

وقولى النتيجة اية

YahyaFathy

2014-08-18 (10:07:20AM)

نزلته فعلا برنامج Gapps Manager بس لما بتظهر لي قائمة الإصدارات وأختار منها، تظهر رسالة منبثقة على الشاشة بإن التحميل بدأ فعلا، بس بعدها بيتوقف التحميل. ولما بفتح الإشعارات المنسدلة من فوق، بيقول إن عملية التحميل لم تنجح (Download unsuccessful) :/

semsemSiR

2014-08-18 (02:41:11PM)

نزل النسخة من اول وجديد ونزل معاها التطبيقات من تانى

دة الحل الوحيد

YahyaFathy

2014-08-18 (03:29:30PM)

للعلم يا كبير! أنا بعدها فعلا كنت نزلت ملف الجوجل آبس gapps من نفس المكان، ولما جيت أعمل خطوات الريبوت كانت بتحصل مشكلة في نقطة معينة والعملية لا تكتمل. بس أنا دلوقتي هنزل الملفات التلاتة كلهم من جديد وهحاول أعمل الريبوت من تاني، والله المستعان. وهبقى أبلغك بالنتيجة بإذن الله.
وده رابط الفيديو اللي فيه شرح العملية.

kader6000

2014-08-18 (03:56:14PM)

الحل بسيط جدا وهو انك تدخل فى التطبيقات وتدخل على جوجل بلاى وتعمل مسح البيانات وبعد كده ادخل عادى هيطلب منك حساب جوجل وهيشتغل زى الفل بدون مشاكل عن تجربة

YahyaFathy

2014-08-18 (05:33:45PM)

شكرا يا باشا على اقتراح الحل. بس الحل البسيط ده بيكون فعلا هو الحل مع مشاكل عارضة وكتير بنستخدمه، وأنا جربته قبل كده منفعش. بس المشكلة عندي في إن سورس الملفات نفسها مش متطابقة مع بعض من حيث الإصدارات. المهم أنا هجرب أنزل الملفات كلها تاني وأعمل الريبورت من جديد، ولو منفعش يبقى إن شاء الله هنتوكل على الله ونستنى Sony Xperia M2 لما تنزل وخلاص!

kader6000

2014-08-19 (09:20:50AM)

ده لينك فيه كل ال Gapps اختار الميكرو هى اللى شغالة عن تجربة بس شوف انت منزل كيت كات كام 4.4.4 ولا 4.4.3 علشان يشتغل معاك وان شاء الله المشكلة تتحل

YahyaFathy

2014-08-21 (11:55:03AM)

ما هو ده الرابط اللي كنت نزلت من عليه الـ Gapps واخترت الميكرو فعلا، ولما جيت أشغلها كانت تظهر رسالة خطأ وإخفاق العملية "failed" بعدها. وبعدين صفحة التحميل دي فيها رغي كتير ومش مفهوم. بالمناسبة الكيت كات عندي 4.4.4. أنا خايف بس تكون المشكلة إن الملفات دي تنفع للي لسه على الجيلي بين وهيتحول إلى الكيت كات، إنما اللي على الكيت كات حاليا، فهل يا ترى تنفع نفس الملفات ولا ليها وضع آخر؟ أنا بصراحة زهقت من كتر ريبوت الجهاز. هجرب المرة دي نسخة Mini وأقولكم بالنتيجة. شكرًا شباب! (y)

تلك الخدمة مخصصة للأعضاء فقط