هذا الموضوع مرتبط بـ Galaxy S Advance I9070

بدون عنوان

darkiller

2014-02-10 (03:34:59AM)

سلام عليكم
والله ياجماعة انا ناوي ان شاء الله اغير الموبيل ادفانس ب S4mini فقالت اخد رائي اعضاء الصفحي الكرام و متشكر جدا لكل الناس اللي بتساعدنا و جزاكم الله كل خير
:) ☺

mustafazezo

2014-02-12 (08:23:53PM)

الله يفتح عليك ياسمسم فعلا انا معاك فى كل كلمة قلتها :)

semsemSiR

2014-02-12 (09:15:36AM)

انا مش محتار اجيب اية , انا محتار اغير ولا لأ

عارف انت لما يكون معاك موبايل محققلك كل حاجة بلا استثناء يعنى لو جينا اتكلمنا بصورة اوضح شوية هتلاقى استخدامى كالاتى :

1- موبايل بطاريتة تستحمل التحدث لمدة 5 ساعات + شوية العاب + شوية نت

ج : مش لاقى حتى الان موبايل بقوة بطارية الادفانس

2- موبايل شاشتة قوية والوان رووعة ( ودة طبعا موجود فى الادفانس )

3- حجم مناسب لسهولة التحكم فى الهاتف , وبردة موجود فى الادفانس

4- شبكة قوية جدا - صوت عالى مسموع , والله بسمعة وانا ماشى فى الزحمة - اوبشن كتير جدااااا , بستخدم منة 50% فقط - صوت عالى ومسموع فى المكالمات ونقى جداااااااااااااااااااااااااا

5- بيشغل جميع الالعاب بمنتهى السلاسة ( nfs mw- real racing 3 - fifa 2014- gta - return to castle - modern compact 4- supway - temple run ) وكل دول اشتغلوا بسلاسة جدا بدون مشكلة واحدة , وبلعب بالساعة والله والجهاز علية جراب وعمرة محسيت انة سخن او على عن 28 درجة , وعندى فاضى رامات مش اقل من 250 ميجا

6- نت سريع جداااااااااااااا , والتحميل ممتاز جدااااااا

7- التحديثات نازلة لية وزى الفل وهيتحدث كمان للكيت كات

8- كاميرا ممتاز وصورها تحفة بالليل او بالنهار

دة الادفانس فى سطور

لكن لو انا بقى قررت اغير هيكون عشان حاجة واحدة فقط لاغير ( حجم الشاشة ) لانى مش شايف اى اوبشن ممكن استخدمة تانى سيبك انت من الحساسات وال air gesture والكلام الفاضى دة والله ماليهم لزمة

دية الحيرة اللى انا فيها

عشان عارف ان اى تليفون هجيبة هيكون عيوبة كالاتى /:

1- بطارية ضايعة

2- سخونية عالية

3- الوقعة بتجيب اجل الشاشة وطبعا خسارة من الناحيتين ( تمن الشاشة الخرافى - لما تبيع الهاتف هيكون مفتوح

4- الحجم الكبير

5- اجهزة بتبلع الرامات مش بتملاها

MsssE

2014-02-12 (08:16:33AM)

هههههههههههههههههههههههه

كويس انى لاقيت حد محتار زيى

بس يا سامح بكل امانه انت لو جيت تغير ممكن تجيب ايه ؟؟؟؟

انا بثق فى كلامك جدا

وعلى فكره امبارح عد على النوت وبدأت اميل له كتييير

semsemSiR

2014-02-11 (11:48:56PM)

هو طبيعى ياباشا , ان الادفانس يضيع وسط الموبايلات ذات الامكانيات العالية فقط

بس خلى بالك ( هاتلى لعبة حتى الان الادفانس مش بيشغلها , يعنى انا لحد دلوقتى مافيش لعبة وقفت قدامى - شاشة الادفانس روعة الوان وتاتش ورؤية وكل حاجة - صوت الادفانس يعتبر ضمن اعلى فئة هواتف حتى الان - بطارية الادفانس ودية بقى بجد اللى مخليانى متردد حتى الان , لان الادفانس عندى بيقعد باليومين والثلاثة استخدام مكالمات فقط , ويوم ونص استخدام نت والعاب ومكالمات بس قليلة شوية

طبعا لو جيبت اى تليفون من اللى نازلين كلهم اخرهم يوم واحد وشكرا

يعنى انا زيك بالظبط , محتار اجيب اية ( S4 -s 3 ) مع العلم انى هحتفظ بالادفانس لانى هستخسر ابيع التليفون دة

يعنى ال s3 عيبة البطارية اخرها يوم وبيسخن شوية - ولازم تحافظ علية من الصدمات عشان وقعة بشاشة على طول - وبيملى رامات بطريقة فظيعة

ال s4 نفس العيوب بالظبط مع فارق التكنولوجيا وزود علية ( مافيش فية راديو - بطارية بتخلص بسرعة )

يعنى سبحان الله , بطاريات بقوة 2600 امبير وبردة اخرها يوم

بس دة حال الدنيا ,اكيد مش هنفضل على الادفانس على طول

MsssE

2014-02-11 (09:31:13PM)

معاك حق والله يا سامح باشا الادفانس تليفون رائع والدليل على على كده ان الشركه لسه

بتدعمه وده مسببلى حيره جامده وصداع فى دماغى انى عاوز اغير ومش عارف اجيب ايه

فى وسط الكميه الرهيبه من الموبايلات اللى موجوده دلوقت دى انا لما جيت اشترى الادفانس

محترتش كده لان الموضوع كان اسهل كتير الوقت كل يوم جهاز جديد

بس الحق يقال الادفانس قرب يضيع وسط الامكانيات الرهيبه اللى عماله تنزل كل شويه دى

semsemSiR

2014-02-11 (07:52:28PM)

يابو حميد , ال s4 اشد من النوت2 فى حاجات كتير اوى

كل التفوق اللى بيتفوق فية النوت 2 على ال S4 فى ( القلم وممكن على فكرة تجيب قلم لل s4 عادى جدااا - الشاشة اكبر - بطارية اقوى بس مع النسخة ال 4.2.2 لكن مع ال 4.3 اصبحت البطارية اسوء من اى تليفون اندرويد )

وبالنسبة للسعر ف 3400 جنية مش كتير , احنا كنا جايبين ياباشا الادفانس ب 2400 جنية من سنة ونص , وكانت ليهم قيمة اكتر من دلوقتى

هو عموما الادفانس مايتعوضش ابدا , وجهاز صعب التفريط فية وبجد بدون تحيز

A7medGamal

2014-02-11 (02:53:32PM)

اخويا اشترى الاس4 مستعمل ضمان فاضله تقريبا 8 شهور
جبناه ب3400 بالظبط زي ما سامح قال
الموبيل تحفه بصراحه .. تصوير وسرعه مالهاش حل
بس معلش انا بالنسبالي حرام ادفع مبلغ زي كده ف موبيل
الا لو جايبه عشان حاجه مميزه فيه
مثلا التصوير الالعاب .. انما اجيبه عشان السينسورات بس وشاشه كبيره وده اللي اخويا جابه عشانه
قال ايه عشان يمشي ايده ع الشاشه يصور ههههههههههههه
وبرضه ف الآخر كل واحد حر ف فلوسه
انا بصراحه لو معايا مبلع زي كده ممكن اجيب النوت2
معرفش الفرق الفعلي بينه وبين الاس4 .. بس النوت 2 عاجبني اكتر من الاس4 مع انه اقدم منه بمراحل :)

semsemSiR

2014-02-11 (01:29:02PM)

كاميرا ال S4 خرافية , قوية جداااااااااا بليل وبالنهار

طبعا التليفون سريع مافيش كلام , من ضمن اسرع الهواتف الحاية وحتى بعد نزول ال S5 مش هتحس بفرق السرعة مابينهم

شاشة ال s4 5 بوصة وال s3 4.8 الفرق بينهم قريب جدااااااااااااا

النوت 2 ممتاز , بس ككاميرا ضعيفة خصوصا فى الليل

شوف اقوى هواتف فى الفئة دية

s4

lg g2

htc one

كل دول سعرهم لا يتعدى ال 4200 جنية ماعدا ال htc سعرة 4600 جنية

MsssE

2014-02-11 (11:04:37AM)

شكرا استاذ سامح على الكلام الجميل ده

انا كل اللى عايزه فى الموبايل الكامره لانى بحتاج التصوير وادلء التليفون يكون سريع

والشاشه متكونش صغيره ولا كبيره اوى وانا على فكره كنت خلاص هاجيب s3 خلاص بس

قولت اشوف الs4 كده وانا عارف ان النوت 2 ممتاز بس انا مش بحتاج القلم خالص

فنا متردد من نخيته عشان كده دى بقى دماغى وقولى بقى اعمل ايه ؟؟؟؟
هههههههه

وفى الاخر شكراا جدا لاهتمامك يا استاذ سامح

semsemSiR

2014-02-11 (10:46:14AM)

شوف هقولك حاجة , مافيش حاجة فى مصر اى كانت تستاهل تمنها , لان احنا كل حاجة عندنا سعرها مبالغ فية

بس انا عن رائى عشان ماتخسرش فى التليفون جامد لو حبيت تبيعة بعد فترة

اشترية بضمان دولى , بس يكون من واحد محترم وموثوق منة , والتليفون هيعمل 3600 جنية جديد زيرو

وهو سعرة جديد بالضمان المحلى 4200 جنية , يعنى فرق 600 جنية وهو هو التليفون

لكن لو عايز التليفون بالضمان هاتة كسر زيرو بالضمان هيعمل فى حدود 3400 جنية -3500 جنية بالكتير ( شوفت بقى الفرق قد اية ) وتخيل بقى صاحب المحل واخدة من صاحب التليفون الاول بكام ؟؟؟

ونصيحة منى استنى لشهر 3 لحد بس مال s5 ينزل لان ساعتها موبايلات كتير سعرها هيقل فيما لا يقل عن 200-300 جنية , فى حالة ثبات سعر الدولار

وبالنسبة لل S4 كل عيوبة من وجهة نظرى وبعد عمل اختبار لية فى كل حاجة الاتى :

1- السخونية الزائدة ( بس دية كانت بالنسخة ال 4.2 , لسة ماجربتوش بالنسخة ال 4.3 بس فية ناس كتير بتقول ان التليفون مابقاش بيسخن اصلا

2- البطارية : افضل استهلاك للبطارية لن يتعدى اليوم ونص ليومين لو انت استخدامك قليل , لكن مع الاستعمال المكثف هتلاقى التليفون بيعمل من 8-10 ساعات بالكتير اوى , واستخدام المتوسط التليفون هيعمل معاك يوم ( يعنى تعمل حسابك انك هتشحن التليفون كل يوم )

3- حاول بقدر الامكان ماتعرضش التليفون لاى صدمات , لان اى تليفون شاشتة كبيرة اى وقعة بتأثر فيها بسهولة وممكن تتكسر ودية شاشة تمنها يصل الى ال 1500 جنية

4- حاول تجيب نسخة s4 اصدار جديد عشان كان فية فى الاصدارت الاولى عيوب بطارية ( البطارية بتنفخ لوحدها وبتبوظ ) وتمنها 300-400 جنية وقليلة جدااا , وبتغيرها على حسابك

لكن فى الاصداارت الجديدة تم نزول الهاتف بنوع بطاريات جديد تلافى هذا العيب

5- التليفون راماتة بتتملى بسرعة يعنى ماتفرحش برامات 2 جيجا والصافى منها 1.82 مع الاصدار الجديد والقديم 1.78 جيجا , لكن فى الحالتين المستخدم من الرامات بيوصل الى 1.6 جيجا يعنى الفاضى من الرامات حوالى 200 ميجا فقط لاغير

انا من رأى قولى انت محتاج اية من التليفون وانا اقولك تجيب اية الافضل

مع وضع فى الاعتبار ان ال S4 جامد جداا وهيحققلك كل حاجة انت عايزها بمنتهى السلاسة

MsssE

2014-02-10 (04:00:17PM)

طب يا استاذ سامح الاس 4 يستاهل الفلوس دى فعلا
اصل انا بفكر جدا اشتريه وتنصحنى بايه لو جيت اغير الادفانس

happier

2014-02-10 (03:56:48PM)

دي مقارنة بين الجهازين

semsemSiR

2014-02-10 (09:33:15AM)

تشترى ال s3 مش ال s4 mini

وبالتوفيق ان شاء الله

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S Advance I9070

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S Advance I9070

Android

4.0″

3G

5 MP, 25...

1500mAh