هذا الموضوع مرتبط بـ Galaxy S Advance I9070

بدون عنوان

A7medGamal

2014-01-17 (06:33:09PM)

السلام عليكم جميعا ..
احتمال كبير انقل للويندوز فون .. لوميا 820 او 920 لسه مقررتش
عارف اني هفتقد البرامج والالعاب اللي ف متجر جوجل .. بس العشره بيني وبين نوكيا تحكم :)
بس متابع المتجر هناك وشايفه يوم بعد يوم بيزبط اكتر من الاول

A7medGamal

2014-01-18 (07:32:58AM)

بجد ربنا يكرمكم يا رجاله ع المعلومات الجامده دي
انا صراحه ممسكتش موبيل لوميا ف ايدي قبل كده وجربته .. بس من الفيديوهات اللي بشوفها وكلام الناس اللي جربته .. موبيل محترم جداا .. بس عيبه الوحيد ف متجره مش اكتر
وكنت شفت احصائيه قبل كده ان نوكيا مبيعاتها عليت بنسبه كبيره جداا بعد اتجاهها للويندوز فون
رامي باشا .. المشكله ف التغيير مش موضوع تهنيج ولا حاجه .. بالعكس نسخه الجيلي بين روعه روعه ع الادفانس .. هوه اكيد ساعات بيستعبط شويه .. ودي حاجه طبيعيه ف اي جهاز اندرويد .. بس المجمل العام .. الجهاز ما شاء الله عليه .. فله شمعه منوره :)
وعندك حق يا سمسم ف الواجهه بتاعته هيا لخبطه شويه .. بس تقريبا انا اتعودت عليه عشان منزل ويندوز8 ع الجهاز عندي .. اكيد فيه فرق بين الكمبيوتر والموبيل .. بس تقريبا نفس الفكره ف ال2
استخدامي ف نوكيا من ايام 5110 لحد c6-01 وده كان آخر نوكيا بعدها جربت السوني واستقريت ع السامسونج
ومش حكايه اني اغير نظام الاندرويد .. لانه مش هيتعوض ف الوقت الحالي .. واي حاجه بلقيها ع المتجر .. والادفانس مش مخليني محتاج اي حاجه .. بس زي ما قولت علاقه العشره بيني وبين نوكيا :)
درش باشا .. بالظبط ده قصدي .. ان نوكيا معروفه بقوه الهاردوير .. وعمري يا صاحبي ما ازهق منكم .. ربنا يعلم غلاوتكم عندي كلكم والله ..
eslamtov .. لا يا معلم .. لازم تتابع الصفحه من قريب شويه عشان نستفيد من خبراتك .. وشكرا جداا ع المعلومات الجميله .. وفعلا سمعت ان نوكيا كان ليها تسريب عن موبيل هيكون نظام اندرويد او شبيه ليه .. واكيد طبعا النيكسس لا يعلي عليه .. وشكرا مره تانيه يا باشا ,. وياريت نشوفك دايما معانا :)

eslamtov

2014-01-17 (09:16:59PM)

انا متابع الصفحه من بعيد
بس بصراحه استغربت جدا انك عايز تغير لويندوز فون او نوكيا عموما
من ناحيه ماتريال نوكيا في زيها كتير مش لازم سامسونج يعني
ومن ناحيه الاداء بص هقولك علي حاجه
انا كان معايا اس ادفانس وكنت مخنوق من التقل بتاع الجيلي بين واختلفت الاقاويل في الموضوع ده بس بغض النظر حبيت اجرب النيكسوس مع جوجل الخام
بصراحه حاجه تحفه تحفه تحفه في شعار في جوجل في قسم الاندرويد مشهور جدا بيقول
Android isn't laggy, but your non nexus phone is
بمعني ان الاندرويد مبيهنجش موبايللك اللي مش نيكسوس هوا اللي بيهنج
وفعلا اقتنعت جدا بالكلمات ديه موبايل خارق فعلا انت بس هتتنازل عن الواجهه لانها نسخه خام بس في المقابل هتلاقي اداء خرافي والمميز في الموضوع ان اجهزه نيكسوس رخيصه جدا جدا بالنسبه لامكانياتها
وفيه ناس هتقولك مثلا ان نيكسوس فور او فايف من ال جي انسي القصه ديه دي برقابه ومواصفات جوجل يعني مثلا زي ايفون بيتصنع في الصين بس بمواصفات ورقابه ايفون الامريكيه هوا كده بالظبط الماتريال نضيفه جداا الامكانيات رهيبه

انا اسف اني طولت عليك بس نصيحه اوعي تغلط الغلطه ديه الويندوز مش هينجح بدليل ان نوكيا هتنزل نظام قريب بنظام الاندرويد كيتكات بس مغيره في الواجهه تمام مخلياه شبه الويندوز فون بالظبط عشان تجذب الناس صدقني هيفشل فشل ذريع قدام تطور اندرويد

وحاصه بعد تفعيل نظام art بشكل كامل في نسحه كيتكات اللي عن طريقها هيبقي اسرع نظام في العالم حاليا ,, دي نصيحه لوجه الله واسف علي الاطاله مره تانيه

mustafazezo

2014-01-17 (09:03:03PM)

انا رايى يابوحميد ان النوكيا عيبه الوحيد انه فقير فى البرامج مقارنة بالاندرويد لكن غير كده نوكيا تتفوق فى الهاردوير فلو انت مستغنى عن البرامج ومش هيفرق معاك موضوع البرامج ده يبقى هات نوكيا .
-وبعدين فى ايه ياباشا انت بسرعه زهقت مننا كده احنا منقدرش نستغنى عن معلوماتك القيمة :(

semsemSiR

2014-01-17 (08:29:51PM)

يابو حميد نوكيا اية بس وويندز فون

انت هتندم اشد الندم لو جيب ويندوز فون

انا مسكت لوميا 620 و لوميا 920

الصراحة حسيت انى رجعت 10 سنين للخلف

من حيث واجهة الاستخدام , وهتكلم اكتر عن النوكيا لوميا 920

سرعة الموبايل سريع وكاميرا ممتازة وفية اوبشن مش موجود فى الاندوريد ولا حتى ببرامج

لكن فى نفس الوقت فية اوبشن مش موجود فى النوكيا ولا حتى ببرامج وللاسف اهم للمستخدم

لكن كراحة استخدام وسهولة تعامل , معجبنيش خالص , حتى التاتش بتاعة مش زى السامسونج

صعب جداا , استخدمتة اول مرة , لقيت مربعات وحاجات كتير وقائمة رخمة جداااااااااااا

وصوتة مش عالى

معلش لو كنت فى يوم من الايام اقتنى نوكيا فانت كنت اقتنى افضل ماتنتجة شركة هواتف فى العالم , لكن الان اصبحت نوكيا دون المستوى

حتى البطارية ودية من زمان معروفة من اول لما نوكيا بدأت فى تنزل السيمبيان ثم ال me-go ثم الوينوز فون اصبحت البطارية ضعيفة

لو عايز تنقل لنظام غير الاندرويد ومستقر اكتر من الاندرويد خليك فى الiphone لكن نوكيا صعب

يمكن كان ال n9 بنظام ال me go , كان افضل بكتير من نظام الويندوز 8 , اللى نازل حاليا وفشل فشل زريع

نصيحة منى امسك تليفون الاول وقلب فية , خصوصا ان التليفونات دية هتلاقى منها مستعمل كتير جداااااااا , وبنزل فى السعر جامد

ramygamal

2014-01-17 (07:37:43PM)

طيب لو بتتكلم عن اى تهنيج طيب استنى الكيت كات بيقولو خفيف وهيعالج اى مشاكل قبل كدة
اعتقد ان الماركت بتاع الاندرويد اقوى بكتير من النوكيا...
ربنا يوفقك ل الاختيار الصح

A7medGamal

2014-01-17 (06:54:49PM)

A7medGamal

2014-01-17 (06:53:43PM)

ممكن تشوف الفيديو ده :

او تعمل search ف اليوتيوب عن لوميا عامتا

A7medGamal

2014-01-17 (06:48:55PM)

اكتر حاجه عجباني ف اللوميا .. التصميم .. فعلا نوكيا نقلت نقله كبيره جداا .. وفرق السما م العما بين السيمبيان والويندوز فون
فيه مميزات يمكن تكون بسيطه بالنسبه لاي حد .. بس عن نفسي ماقدرش استغنى عنها
اول حاجه الScreen Saver اللي هيا لو الموبيل مقفول بتكون فيه شاشه عليها الساعه والتاريخ منوره نور خفيف كده
الاندرويد لفيت المتجر كله وللاسف ملقتش حاجه زي كده
النوكيا طبعا معروفه بالهاردوير الجامد ..مع السوفت الجديد الموبيل بيكون روعه
وطبعا مفيش اي تهنيج نهائي او لاج او اي شيء .. حتى لو موبيل راماته 512 .. لان الويندوز فون خفيف ف الاساس
الكاميرا لوحدها فيها اوبشن كتير جدا .. مثلا لو صورت حد وحد تاني طلع ف الصوره ممكن تشيله عادي
وده غير دقه الكاميرا نفسها
وطبعا فيه شاحن لاسلكي بدل الاسلاك والكلام ده .. بتشتريه
كيبورد محترم احسن ف الكتابه الف مره من كيبورد الاندرويد
لسه بشوف وربنا يسهل الحال :)

ramygamal

2014-01-17 (06:39:47PM)

هل النقله فعلا تستاهل يعنى ايه المميزات الزيادة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy S Advance I9070

مقارنة

Android
4.0″

4.0 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy S Advance I9070

Android

4.0″

3G

5 MP, 25...

1500mAh