بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

dodysis

2013-12-22 (02:15:03PM)

السلام عليكم

استاذ سامح معلش ممكن لينك طريقة تحديث الموبايل للنسخة الاماراتى الرسمية لانى لسة على الجينجر بريد وعايزة احدث بس للنسخة الرسمية
ملحوظة الموبايل لسة فى الضمان فهل الموضوع سهل ولا اروح للوكيل ينزلهولى وخلاص بدل معمل حاجة غلط

semsemSiR

2013-12-22 (02:51:06PM)

اولا : فك الضغط عن الملف اللى انت نزلتة بتاع ال jellybean firmware

1- هتاخد backup الاول من ال contacts , message

2- هتعمل فورمات مرتين , مرة من ال recovery mode ومرة من ال factory reset اللى موجودة داخل التليفون

3- بعد عمل الفورمات تشحن التليفون لحد مايوصل 80% على الاقل

4- هيتم الدخول على setting ثم application ثم development ثم تعمل علامة صح على usb debugging

5- هتفتح برنامج ال kies

6- هتوصل التليفون بالكمبيوتر عن طريق كابل ال usb ( الاصلى ) وتسيبة يتعرف على الكمبيوتر

7- هتقفل برنامج ال kies تماما من كل مكان موجود عندك على الكمبيوتر

8- هتفصل التليفون عن الكابل , وتقفلية

9- هتفتح الموبايل عن طريق الضغط على ( volume down + home + power ) كل دة مع بعض

لحد مايدخلك على صفحة فيها تحذير , دوس على volume up عشان يدخلك

10 - هتفتح برنامج ال odin v 3.07 عن طريق right click ثم run as administrator , واول لما يفتح الاودين , توصل الموبايل بالكمبيوتر

11- المفروض هتسيبة خالص لحد ماتلاقى فوق على الشمال مربع مكتوب فوقية id:com
المفروض المربع دة تلاقية بقى لونة اصفر او اخضر او ازرق

12- هتلاقى اختيار على اليمين من ضمن اربع اختياارت وتحديدا التانى مكتوب علية pda , دوس علية هيدخلك عندك على الكمبيوتر اختار الملف اللى انت نزلتة بتاع الجيلى بين

13- سيبى التليفون خالص لحد ماتلاقى على الشمال فى مربع على اولة message عمال بيعد فى كلام كتير كدة

14- اتأكد ان عندك الاختياارت دول بس اللى اللى متعلم صح هتلاقيهم فوق على الشمال

auto reboot , f. reset time بس هما دول مش اى حاجة تانى

15- قول بقى بسم الله , ودوس start

16 - سيب التليفون تماما لحد مايفتح على الجيلى بين كانك هتستخدمة

17- اعمل اعادة ظبط مصنع تانى مرتين واحدة بال recovery mode والتانية بال factory reset من التليفون

دية الطريقة اعمليها بنفس الترتيب , وان شاء الله خير

ودية الملفات اللى هتنزليها

1- نسخة الجيلى بين الاماراتى :

2- ودة نسخة برنامج ال odin 3.07

dodysis

2013-12-22 (03:45:16PM)

الملفات اللى هتنزل دى ( الجيلى بين والاودين ) هينزلو على اللاب صح ؟؟لانى بعد كدة هحملهم من اللاب باستخدام الكابل والخطوات المشروحة ...ارجو التصحيح لو فهمت خطأ

ولو ممكن الطريقتين بتوع اعمل ضبط مصنع

semsemSiR

2013-12-22 (03:49:48PM)

بالظبط كدة , وطبعا هتفكى الضغط عن الملف , بتاع الجيلى بين لما يتحمل على الكمبيوتر

طريقة عمل فورمات من ال recovery

1- هتقفل التليفون

2- هتدوس على ( wolume up + power + home ) مع بعض , وماتسيبش ايديك لحد مالجهاز يفتح

3- الجهاز هيحمل شوية ملفات كدة , وبعد كدة هيطلعلك قائمة فوق اختار منها

wipe data/factory reset

4- هيدخلك على قائمة تانية , اختار منها yes delete all user data \

5- هيعمل فورمات وهتلاقى طلعلك رسالة فيها reboot system now

notes :

1- هيتم التنقل مابين الاختيارات بال volume key

2- هيتم عمل select للاختيار عن طريق ال home key

* وطريقة الفورمات من الهاتف هتدخلى على setting وتدورى على factory reset وتعملى فورمات لل usb storage

dodysis

2013-12-23 (01:10:13PM)

انا بدات وعملت فورمات ووصلت لحد مابدا احمل الاودين بس خلال الفترة دى النور قطع مرتين ورا بعض وعشان كدة خفت ومكملتشباقى التحديث لانى خفت التحديث مايكملش مثلا اللاب يفصل او اى سبب اخر خصوصا فى الخطوات الى بتاخد وقت طويل والجهاز ميفتحش ويبوظ لانى مش هعرف اتصرف

هو مش ينفع اوديه توكيل سامسونج وهما ينزلوله التحديث ؟

semsemSiR

2013-12-23 (01:25:13PM)

طيب انتى عندك لاب توب , اشحنية

والتحديث بياخد من اول لما بتدوسى start من 7 دقائق ليس اكتر

يعنى الموضوع سهل جداا

توكلى على الله واعملية بنفسك , كل الخطوات عندك

تلك الخدمة مخصصة للأعضاء فقط