بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

midomada

2013-12-16 (08:41:09AM)

لو سمحت يا استاذ سمسم ممكن ترفعلنا استهلاك البطارية وتفاصيل الاستخدام من جهازك :-)

semsemSiR

2013-12-16 (09:24:48AM)

والله رفعتة كتير , بس عادى لما اروح البيت ان شاء الله , عشان انا فى الشغل دلوقتى

هرفعلكوا استهلاك البطارية

mr00090

2013-12-16 (02:04:10PM)

اكيد ضرورى علشان نشوف البطاريه الحديديه الى بتقعد 6 سنين شحن ههههههههه
ربنا يباركلك فيها

semsemSiR

2013-12-16 (02:11:27PM)

mr00090

مافيش داعى للتريقة , ولا بطارية حديدية ولا بطارية فى الكنافة

انا مش مطالب اصلا انى ارفع اى صور

ولما اتكلمت مع اى احد ماجيبتش سيرة تليفونى فى الموضوع , ممكن كدة تنزل كام مشاركة او ترجع كام صفحة , هتلاقى الاعضاء هنا عارضين screen shot من البطارية وشوف استهلاكها وردى عليها وقارن مابين بطاريتك وبين بطاريتهم وشوف انت عندك عيب فى البطارية ولا لأ

وان شاء الله حد يساعدك فى حل مشكلتك

A7medGamal

2013-12-16 (08:07:37PM)

بالله عليكم اللي عنده سؤال او استفسار مش لازم يحط التاتش بتاعه وفكاهه وبتاع
الكل هنا مش مجبر انه يقنعك بالصور عشان حضرتك تصدق
ولا هنستفاد حاجه اننا نمجد ف موبيلاتنا .. وبنرد على قد السؤال
ولو حد طلب مقارنه بين موبيله وموبيل اي حد عادي بنقول راينا بكل صراحه
محدش هيزيد ايد او رجل عشان موبيله احسن م التاني
اذا كان فيه مشكله ف موبيل حد ... ده معناه حاجه واحده (سوء استخدام وعدم درايه)

mr00090

2013-12-16 (08:46:49PM)

ياسيدى مش تريقه وﻻ حاجه انت من الناس الى قريتلك تعليقات كتير والكﻻم ده من اكتر من سنه حتى قبل ماشترى الموبايل
ومكنتش اعرف انك مش قادر تفرق بين الهزار والتريقه ولو ده جرحك او ضايقك فانا باعتذرلك
ومن ناحيه انك بترد على استفسارات اﻻعضاء فهذا طواعيه منك واكيد مش فرض عليك بس بﻻش تمن بده على حد وخصوصا انى مطلبتش منك حاجه وانا باعرض مشكلتى
واﻻخ احمد جمال احنا مش اطفال علشان نقعد نقارن واقولك موبايلى احسن وموبايلك احسن انا عندى مشكله وعرضتها وبرضه مش فرض عليك ترد عليا وممكن يكون سوء استخدام

بس عدم درايه ده مافتكرش حضرتك وﻻ حد من اﻻعضاء المحترمين خبير من شركه سامسونج علشان تقول عدم درايه وتحكم على الناس بده

A7medGamal

2013-12-16 (09:26:28PM)

رد حضرتك هوه رد على سؤالك بالظبط
وفعلا احنا مش اطفال عشان نقول ده احسن من ده
وعدم درايه دي مش عيب .. ومش شرط يكون الواحد شغال ف شركه سامسونج عشان يعرف كل حاجه عنها
طالما البني آدم بيعرف ازاي يستخدم الموبيل ويستفيد بكل خاصيه فيه .. ده اسمه درايه بيه
بس اسلوب حضرتك ف الرد معجبنيش ف عشان كده رديت مش اكتر
وحكايه مش فرض عليا اني ارد .. دي حاجه ترجعلي انا
بس لو الموضوع مدايقك كده .. اعتبرني ولا رديت خالص

mr00090

2013-12-16 (09:37:50PM)

ممكن حضرتك تقولى ايه سوالى اللى انا رديت على نفسى فيه

معلش انا مش فاهم اى حاجه من اللى انت بتقوله
واﻻ هو انت بتتكلم وخﻻص

A7medGamal

2013-12-16 (09:46:14PM)

والله حضرتك مش فاهم دي مشكلتك انت .. لان كلامي واضح جدا ومفهوم

mr00090

2013-12-16 (09:57:41PM)

انت لو شايف كده يبقى شانك
بس انا مستنى رد استاذ سمسم
واالموضوع مايخصكش من قريب او من بعيد
ومماكانش فيه اى كﻻم ليك
ومافتكرش انك وصى على اﻻستاذ سمسم
ولو ده فضول منك يبقى ربنا يشفيك

A7medGamal

2013-12-16 (10:23:09PM)

ولا وصي ولا حاجه .. بس مهما قولتلك مش هتستوعب
مات الكلام لحد هنا .. رد براحتك بقى

semsemSiR

2013-12-16 (11:28:56PM)

mr00090

انت مش شايف ان طريقتك فى الكلام دية تعتبر ضمن التريقة مش الهزار ؟؟؟

وانا ياباشا مش بمن على حد بالاجابة , الحمد لله الواحد بيعمل الخير ومش مستنى من اى حد اى حاجة , انا لما بقول معلومة او بحاول احل لشخص مشكلة فى التليفون من غير مايعرفنى ولا اعرفة ومن غير مااكون مستنى منة اى مقابل , يبقى دة مش اسمة ( بمن علية ) زى ماحضرتك قولت , لأ دة بيبقى اسمة مساعدة من اخ لاخواتة

- ahmed gamal ياباشا مش واصى عليا ولا زى مانت قولت

بس الحمد لله احنا هنا اخوات , وهو عارف معزتة عندى , وربنا يديم المحبة والمعروف مابينا وبين اعضاء الموقع

واكيد لو هو شاف تعليق فية تهكم على اى شخص مش لازم انا , لازم يتكلم بحكم الاخوة والصداقة التى تجمعنا فى هذا القسم , يعنى حضرتك لو فهمت كلامى هتلاقية مش بيدافع عن سامح لأ هو بيدافع عن اسلوب الكلام ماينفعش يكون مابينا بالطريقة دية , وزى ماقولتلك قبل كدة احنا هنا مش بيجمعنا موقع بس , لأ الحمد لله احنا من زمان مع بعض لدرجة ان تكونت مابينا صداقة واخوة من غير ماندرى

ومعلش ياباشا انا شايف ان ahmed gamal كلمك بكل ادب واحترام , وانت واجهت الرد دة بأسلوب غير لائق فى اخر مشاركة ليك , وبردة هو رد عليك بمنتهى الاحترام

وعلى فكرة انا لما قولتلك فى اول مشاركة ليا " ان شاء الله تلاقى حد يساعدك فى حل مشكلتك"

دة مش انى مثلا بمن عليك زى مانت قولت , لأ بس ازاى انت طالب منى حل مشكلة , وانت مش واثق فى كلامى , فمش هيبقى لية لزمة الحل اللى هقدمهولك , لانك شايف ان الجهاز بطاريتة كدة كويسة واى حد بيقول استهلاك افضل يبقى كداب او بيبالغ

وعموما ياباشا حصل خير , بس احنا هنا بنتعامل مع بعض على اننا اخوات فعلا , ومش بنأخر على بعض اى ملعومة , وبنتعامل مع بعض بكل احترام , واللى بيغلط فى حد فينا كلنا بنقف معاة ( او معنى اصح مع الحق )

mr00090

2013-12-16 (11:48:31PM)

ياستاذ سمسم انا قلتلك ان كﻻمى ليك كان هزار وقلتلك انك لو شايفه تهكم او تريقه انا اعتذرتلك عنه
وانا ماخطاتش فى حد وانت شايف انه لما يقولى انه مهما شرحتلك مش هاتستوعب انه كده رد بمنتهى اﻻحترام!!!
انا شايف ان ده تبقى قله زوق منكم
على العموم اشكرك على رقيك ومجهودك
وربنا يسامحنا ويسامحكم

mr00090

2013-12-16 (11:51:15PM)

اسف خطا فى الكتابه
منه مش. منكم

ramygamal

2013-12-17 (12:03:14AM)

على فكرة انا هقول كلمتين وانا مليش مصلحه مع حد
بالنسبه ل سمسم واحمد هما بصراحه مش بيبخلو على حد ب معلومه وكمان انا اعرف سمسم من موقع نايل موتورز وكنت تعبه اسئله ومكانش بيبخل على ب معلومه وهو باين من اسلوبه وطريقته انه انسان محترم جدا وطبعا احمد اسلوبه مهذب جدا
بالنسبه ل mr00090 هو فى اول ردة اعتقد اعتقد والله اعلم انه كان قصدة هزار وحصل سوء تفاهم والموضوع كبر منه وباقى الردود كان يمكن الاسلوب عنيف شويه
يا ريت محدش يزعل منى ويا رب سوء التفاهم دة يتشال واحنا كلنا اخوات وكل واحد عندة معلومه يفيد الباقى بيها بدون اى تلميحات

A7medGamal

2013-12-17 (08:23:27AM)

انا هرد احتراما لسامح ورامي .. اللي بعتبرهم اكتر من اخواتي
يعني حضرتك ماسكلي ف كلمه (لو قولتلك مش هتستوعب)
وسايب كلامك .. اللي انا علقت عليه من غير اي اهانه او تجريح ف شخصك الكريم
شوف حضرتك قولت عليا ايه ف مشاركاتك فوق :
1- هو انت بتتكلم وخﻻص
2-واالموضوع مايخصكش من قريب او من بعيد
3-ومافتكرش انك وصى على اﻻستاذ سمسم
4-ولو ده فضول منك يبقى ربنا يشفيك
5-انا شايف ان ده تبقى قله زوق منكم (بعدها عدلت عشان كتبت بالغلط وقولت مني)

اولا : لاحظ اني ف كل مشاركه بقول (حضرتك)
ثانيا : انا مش بتكلم وخلاص .. الصفحه هنا للمشاركه واستفاد الخبرات والواحد كل يوم بيتعلم حاجه جديده
فعشان كده لما اشوف اي حد طالب حاجه او بيسأل او يستفسر عن حاجه .. لو انا اعرفها بقول علطول من غير ما يطلب صاحب البوست مشاركتي او لأ .. الكلام ده لو ببعتلك مثلا ع الخاص وبفرض رأيي عليك .. انا برد عادي جداا على اي مشاركه لو اقدر افيد صاحبها
ثالثا : انا مش واصي على حد .. كل واحد هنا ليه لسانه اللي يقدر يرد بيه على اي حد .. وطبيعي اني لو شوفت اي بوست فيه اهانه سواء هزار او جد ... لازم ارد لان الكل هنا صغير او كبير بعتبره اخويا وصاحبي .. حتى لو كانت معرفتي بيه من خلال شاشه وماوس .. ومش فضول مني ولا حاجه .. انا بسميها غيره ع الصحاب لاني مقدرش اشوف حد بيغلط ف حد اعرفه وافضل ساكت .. سواء زي ما قولت هزار او جد
الا طبعا لو ال2 بينهم صداقه فهما احرار مع بعض .. و(ربنا يشفيني) ولا رديت عليك فيها .. لاني اعتبرتها دعاء منك (مع انها عكس كده) بس مش مشكله
رابعا : قله زوق مني !! برضه مش هقول لحضرتك اي حاجه او تعليق ع الكلمه دي ..
حاجه اخيره : اي كلمه حضرتك قولتها ف حقي .. انا مسامح فيها .. لاني مبعرفش اشيل من حد

semsemSiR

2013-12-17 (08:47:00AM)

mr00090

حصل خير ياباشا , وننسى اللى فات

احنا فى الاول وفى الاخر اخوات ومش هنقف لبعض على الكلمة

واهلا بيك معانا اخ وصديق فى القسم

وبعتذرلك اذا كنت فهمت كلامك بصورة خاطئة

ونتمنى نشوفك معانا دايما

ولحد مارفع صور البطارية الحديدية اللى بتقعد شحن 6 سنين , مع انك بالغت فى 6 سنين هية بتقعد خمس سنين بس عشان الحق يقال , هههههههههههههه

وكل سنة اونتوا طيبين يارجالة

ramygamal

2013-12-17 (03:09:25PM)

ربنا يديم المحبه بين الجميع وتكون اخر مشكله

mr00090

2013-12-17 (04:36:26PM)

ياجماغه الخير انا ماردتش عليكم غير لما لقيت رد عنيف عليا فى سوء فهم انا ماقصدتهوش وماليش ذنب فيه
على العموم مش هاسجل اى مشاركه ليا تانى علشان مازعلش حد منى خصوصا وانكم نا محترمين
واعتذارى للجميع وياريت تقبلوه