بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

semsemSiR

2013-12-14 (11:59:29AM)

دردشة كدة على الماشى , ومقارنة غير عادلة نظريا ولكن فى الواقع فرقت كتيييييييييير جدا

فكرت فى يوم من الايام انى احدث الموبايل اللى معايا الادفانس واشوف الدنيا فيها اية , فوجهت اختيارى الى S4 , note 2 لقيت نفسى قدام تليفون ادفانس بحجم كبير

يعنى مثلا مسكت ال s4 9500 اشوف الفرق , خصوصا انة قعد معايا 8 ساعات متواصلة عملت فية كل حاجة , صورت بالموبايل معلش يعنى لم اجد ابدا فرق مابين كاميرا الادفانس وكاميرا ال s4 غير على الكمبيوتر ان الصورة اكبر , لكن على الموبايل الفرق مابين الاتنين يكاد يكون منحصر فقط فى الاضاءة الضعيفة وبفرق لا يتعدى 5% فى اظهار التفاصيل بشكل اوضح عند تكبير الصورة , لكن فى النهار ماشوفتش اى اختلاف \ وبالنسبة للنوت 2 كان نفس الوضع فى النهار , لكن تفوق واضح للادفانس فى الليل ازاى معرفش وجربنا اكتر من مرة

ارتفاع الصوت كانت النتيجة كالاتى : نوت 2 ثم الادفانس واخيرا ال S4 , والنقاء كلهم واحد بس كان ال note 2 تحس ان صوتة افضل شوية من الاتنين

التاتش : مافيش اختلاف كلة زى الفل تاتش سريع بنفس درجة التحكم

السرعة : شغلت العاب على الثلاث موبايلات ونفس نوع اللعبة ومتوافقة مع كل جهاز فيهم ولقيت نفس كل حاجة , فقط الاختلاف كان فى حجم الشاشة

الالوان : انا ذهلت لما قارنت الوان الادفانس ال 233 ppi بألوان ال note 2 ال 267ppi والوان ال s4 ال 441 ppi , وارسلت نفس الصور للثلاث موبايلات وحطيتهم جنب بعض والصراحة وكلام اتحاسب علية لم اجد اى اختلاف فى درجة الالوان فقط كان اضاءة اعلى فى النوت 2 وال S4 طبعا بحكم حجم الشاشة ودية حاجة مذهلة لصالح الادفانس

النت : طبعا النت تم تجربتة ولكن لم اجد فرق يخلينى اقول ان الادفانس بطىء فعلا , لان كلهم سرعاتهم فى فتح الصفحة وتشغيل الفيديوهات والتحميل نفسة كان لا يتعدى الاجزاء من الثانية وكانت السرعة بالترتيب كدة

s4 فى المقدمة والادفانس والنوت 2 زى بعض تقريبا

البطارية : تعادل للادفانس والنوت 2 , وال S4 فى التراوة بجد بطارية غريبة بتنزل بسرعة اوى نزلت الضعف واكتر اللى نزلة الادفانس والنوت 2 بنفس الاستخدام

الاوبشن : طبعا كلهم بيمتاز بأوبشن اعلى من الادفانس , لكن انا مش محتاج الاوبشن العبيط دة فى اى حاجة , واللى اصلا بيشتغل مرة و10 لأ

الرامات : الادفانس عندى اخرة فى الرامات 400 ميجا واللى بيكون فاضى 225 ميجا

النوت 2 الرامات بتاعتة وصلت الى 1.2 جيجا واللى فاضى 570 ميجا

ال S4 : الرامات بتاعتة وصلت ل 1.5 ميجا واللى فاضى كان فقط 270 ميجا

يعنى من الاخر حتى الرامات اللى 2 جيجا مش هاخد منها غير صافى رام مايزيدش عن 500 ميجا

وافضل رامات كانت ال note 2

السخونية : الادفانس يتفوق بجدارة على الاتنين ودة شىء مهم بالنسبالى

من الاخر بعد مقارنة الثلاث اجهزة بالادفانس لقيت نفسى هدفع فرق 3000 جنية عشان اخد اية

شاشة كبيرة !!!!!!!!!!!! ليس اكتر لان الادفانس بيحقق كل حاجة انا محتاجها بمنتهى السهولة وبدون ادنى مشكلة

اية رأيكوا فى الكلام دة

MohammedNosir

2013-12-14 (12:16:44PM)

كلام جميل جدا بس هو بالنسبة للكامبرا الفرق بينهم هيبان لما تعمل زوم

semsemSiR

2013-12-14 (12:44:45PM)

تمام , هتلاقينى قايل كدة فوق ياباشا ( عند تكبير الصورة ) هيبان الفرق اكتر لكن فى الوضع العادى مافيش اى فرق

حضرتك عارف ان المقارنة دية مش غرضها ان اساوى الادفانس بال S4 مثلا , اكتر من انى اعرف انا هدفع فرق ال 3000 جنية فى اية ؟؟؟

لانى مش شايف اى فرق غير فى حجم الشاشة فقط لاغير وكام اوبشن انا مش بستخدمهم وغيرى كتير تقريبا مش بيجى جنبيهم اصلا

لكن اهم حاجة فى التليفون من وجهة نظرى ( اوبشن يساعدك على قضاء كل احتياجاتك ومعاملاتك بسهولة وعدم تهنيج - بطارية كويسة تسعفك ومتخلكش قلقان تستعمل حاجة لاحسن الجهاز يخلص شحن - شاشة الوانها كويس وحجمها مناسب - نت سريع - كاميرا كويسة ) وكل دة فى الادفانس وغير كل دة واخد اخر تحديثات للشركة وكمان هينزلة ال 4.4 أن شاء الله يعنى الدعم شغال

الصراحة مش لاقى سبب لتغير الهاتف غير انى هصرف فلوس على الفاضى

MohammedNosir

2013-12-14 (01:09:19PM)

اه كلام سليم حتي الزوم شخصيا كل فين و فين لما يستخدمه هههههههه و مقارنة جميله جدا تخلي الواحد يفتخر :D

A7medGamal

2013-12-14 (01:42:56PM)

تسلم يا سمسم .. واكتر حاجه فعلا ف الاس4 البطاريه التعبانه :

وتصدق اني اول مره اعرف ان رامات الادفانس DDR3
واكتر حاجه عجباني ف الادفانس .. معرفش حد خد باله منها ولا لأ
لما يكون معاك مكالمه لو حد جنبك صعب يسمع الطرف التاني بيقول ايه
وف نفس الوقت انت سامع كويس جدا .. مش عارف في عازل ف الصوت مثلا ولا ايه
لان صاحبي معاه الايس3 لما يتكلم اكنه مشغل الاسبيكر وفضايح بقى :)
ده غير طبعا البطاريه اللي لحد دلوقتي مش هنلاقي زيها
والسخونيه طبعا دي لوحدها كفايه .. حتى مع كتر التشغيل واستخدام النت او الالعاب مفيش سخونيه نهائي
مع اني نفسي يسخن .. اهه الواحد يتدفى شويه :)

semsemSiR

2013-12-14 (01:55:27PM)

فعلا دية حقيقة , بفضل العب والاقى فى الاخر 5% اللى نقصوا ومافيش سخونية اصلا
ودرجة حرارة البطارية عندى مش بتعلى عن ال 25 درجة

ونت سريع جدااا والله نزلت 60 ميجا فى خلال 4 دقائق بالظبط وكان كمان ال wirless لاقط شرطتين بس لان كانت المسافة 50 متر او اكتر شوية

والسماعة نقية جدااا وعالية جدااا , وفعلا ولا بتخلى اللى انت بتكلمة , يسمع الدوشة اللى عندك

وكمان مش بتسمع اللى انت بتكلمة خارج نظاق الهاتف الا فى مكان مغلق

تلك الخدمة مخصصة للأعضاء فقط