بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

hamdyelemary

2013-12-09 (03:16:25PM)

هذا تقرير بالصور من داخل جهازي بعد تنزيل ( الجيلي بين ) الإماراتي على طريقة الأستاذ " سامح "
وبعد مرور شهر على تركيب النظام على جهازي .

1- التطبيقات المصغرة المفعلة على الشاشة الرئيسية للموبايل :

2- التطبيقات المثبتة على الموبايل :

3- إستخدام الرام والذاكرة في وضع السكون :

الحمدلله الجهاز مثل الرصاصة في سرعته ولن أبالغ إذا قلت أنني أشعر أنه أسرع من نظام " الجنجر بيرد " بكثير .. مع إلتزامي بتنظيف الرام ومسح آخر التطبيقات التي تم تشغيلها وذلك قبل البدء في تصفح النت أو الفيس بوك مثلا أو تشغيل الألعاب .

ولكن كل ما ينغص عليا البطارية .. فهي في الغالب لا تدوم أكثر من يوم واحد أو تزيد قليل ولكن الوضع مرضي بشكل عام والتطوير أكيد كان للأفضل ولن أرجع " للجنجر بريد " تاني حتى لو قطعوا رقبتي ..

semsemSiR

2013-12-09 (03:35:59PM)

ياباشا ربنا يحفظهولك

بس انت فاضلك تحديث واحد بتاع ال hangouts وكدة تبقى المجموعة اكتملت

ramygamal

2013-12-09 (05:55:31PM)

تقرير كويس جدا....مبروك عليك

hamdyelemary

2013-12-09 (08:38:14PM)

متشكرين جدا على ردودكم الجميلة
الجهاز فعلا أصبح أجمل من الأول .. وكمان أزكي من الأول .. كل ما كنت أحلم بيه أصبح بين يدي ولا أنسى أن أذكر أن الفضل كله لهذا الموقع الرائع والأخوة الأعضاء المحترمين الذين ساعدوني في ترقية هذا الجهاز .

amse010

2013-12-09 (11:17:47PM)

ربنا يبارك لك يا برنس بس ولو فيها غلاسه ممكن رابط الخلفيه اللى انت حاطها

A7medGamal

2013-12-10 (02:04:00AM)

ربنا يباركلك فيه يا صاحبي
ملاحظ انك دكتور او مدرس :)
المهم كان عندي كام ملحوظه كده
بالنسبه للهوم انت حاطط صفحتين فيهم تقريبا نفس الاختصارات
زياده بس الساعه الانالوج والديجيتال .. ممكن تستغني عن واحده وتخلي التانيه
ودي هتفرق ف الرامات حاجات بسيطه
تاني حاجه برنامج القاموس .. فيه برنامج اجمل منه مع النطق .. اللي هوه Google Translate
وده نفس اللي ف صفحه جوجل الرئيسيه بالضبط وممكن تنزل ترجمه اي لغه مع نطقها .. وفيه كمان ترجمه الرسايل sms .. بجد برنامج جميل جداا وده الرابط :

ودي الخلفيه اللي سال عليها amse010 .. وهيا نفس الخلفيه اللي كان حاططها سمسم :)

hamdyelemary

2013-12-10 (01:35:04PM)

شكرا أستاذ semsemSiR و ramygamal و amse010 و A7medGamal على إهتمامكم بموضوعي

أنا فعلا يا أستاذ أحمد مدرس رياضيات ولكن عندي ميول كبيرة لنواحي التقنية .
بالنسبة للخلفية فالشكر للمنتدي العظيم ده لأني سبق أن حملتها من مشاركة أحد الأعضاء على المنتدى على ما أتذكر الأستاذ : سامح أو أستاذ أحمد جمال ويشكر الأستاذ أحمد على إعادة رفعها مرة ثانية .

ولي إستفسار للأستاذ أحمد : بالنسبة للقاموس الذي رفعه ( Google Translate )هل يحتاج إلى إتصال دائم بالنت أثناء عمله وعموما جاري التجربة لأنه شكله قاموس شامل ومفيد .

A7medGamal

2013-12-10 (02:28:11PM)

بعد التحميل ادخل على الخيارات فوق يمين
واختار الاعدادات/اداره اللغه في وضع عدم الاتصال
هيبدأ يحمل اللغات الموجوده .. واختار اي لغه هيبدأ يحمل حزمه التثبيت الخاصه بيها
وبعدها تقدر تشتغل ترجمه اوف لاين عادي جداا
وفيه لغات كتير جداا تقدر تنزل اللي تحتاجه من 50 لغه

mustafazezo

2013-12-10 (03:14:37PM)

فعلا زى مقلك احمد باشا برنامج google translate ممتاز وفيه خصائص جميله زى مثلا انك تاخد صوره بالكاميرا ويترجم الكتابه الى فى الصوره وكتابه الكلمه بصابع اليد وترجمتها ونطق الترحمه باللغتين العربيه والانجليزيه

hamdyelemary

2013-12-10 (04:34:44PM)

القاموس طلع فوق الوصف من خلال إمكانياته .. ولكن بعد لما دخلت صفحة تحميل القاموس على "الجوجل بلاي" لقيت الناس كلها متزمرة من التحديث الأخير وبتقول إنه كان ممتاز ولكن بعد هذا التحديث أصبح فاشل ولغى كثيرا من المميزات ..
أنا سوف أنتظر حتى يتم تدارك الأخطاء من مطوري القاموس وربنا يصبرنا ..

تلك الخدمة مخصصة للأعضاء فقط