بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

MohamadKaNe

2013-09-08 (12:24:38AM)

سلام عليكم ورحمه الله وبركاته .. بالنسبة لموضوع غياب استاذ سامح

انا بس هقول رأيي بصفة عامه وولا خايف من طرد من الموقع او من ان حد فيكو يرد عليا بهجوم لان ده مش جديد عليكو عموما .. انا هنا بقالي 10 شهور ومش بشارك خالص لان اي حاجة بحتاجها بسأل فيها استاذ سامح .. الراجل دة اللي انتو ماتعرفوهوش عنه .. انه واحد كبير ومحترم جدا .. ومش معني انه بيتعامل معاكو بطريقة محترمة وبيتقبل هجومكو عليه ومش بيرد علي هجوم حد بهجوم وبيرد بكل احترام يبقي تتريقو عليه ..

واللي يقول طفش اللي يقول هج والكلام دة .. لما تبقي عارف الشخصيه دي كويس جدا ابقي احكم عليها كويس .. مش من مجرد كلام علي النت .. وبالنسبة لموضوع الجيلي بين .. انا يعتبر تاني واحد سمسم ينزله التحديث .. والتليفون بقاله داخل في شهرين ونص وانا شغال جيلي بين ومفيش فيه اي حاجة وحشة !

بالعكس التليفون بقي مكفيني جدا ومبقتش محتاج احدث واجيب غيره ولا بيهنج ولا فيه اي عيب من اللي انتو قولتوه ! ومن فترة واحد داخل يتريق ويقول حمل 85 برنامج عشان يقيم اداء الجهاز .. ياراجل بزمتك انت منزل 80 برنامج علي جهاز الكمبيوتر بتاعك ؟؟ اللي هو اقوي بقي من الادفانس ؟؟

في موبايل تنزل عليه 85 برنامج ؟ بتعمل اايه بيهم ؟ دانا بتوه في برامج الجهاز نفسه ! وبعدين كتر خير الراجل انه فضل معاكو الفترة دي كلها وبيساعد بدون اي مقابل ! واحد تاني كان استغل موقفه وكان استغل موقفكو واستفاد منكو باي فلوس او باي حاجة منفعه شخصيه ليه هوا !

انا اتعاملت مع الراجل دة كتير ويمكن اكتر منكم .. وبجد والله بدون اي مبالغه انا اولا اصغر منه بفرق سن كبير .. ولما قابلته ملقيتش منه غير كل احترام كانه بيتعامل مع واحد صاحبه اساسا مش واحد معرفه نت وخلاص .. فمينفعش تحكمو عليه وتقعدو تهاجموه في غيابة .. دي مش رجوله

وحاجة اخيرة .. لو انت مضايق من تحديث الجيلي بين الراجل نزل الطريقة ومضربكش علي ايدك وقالك تنزلها بالعافية .. كل واحد وتليفونه وهو حر فيه ! انت بقي مش عاجبك الجيلي بين شيله ياعم ورجع للقديم تاني باحترام وبدل ماتقعد تهاجم وتجادل وخلاص

وعلي فكرة .. سامح عايز يرجع بس محتار .. عايز يرجع عشان الناس اللي ملهاش ذنب واللي بيخشو يستفسرو ف مشاكل ليهم .. ومش عايز يرجع بسبب اللي هاجموه وجادلو معاه مع ان كلامه كل مرة بيثبتلي انه الصح ..

سلامي ليك يا استاذ سامح

hoossam

2013-09-08 (12:34:05AM)

والله كلامك يستحق ملايييييييييييييييييييييييييييييييييين الاعجاب ويارب يكون متواجد ويرد على الاستفسارات اللى الناس البسيطة واللى بتحب تتعلم من شخص محترم بجد وانا من هنا بسلم على الاستاذ سامح وياريت لو بيشوف تعليقاتنا يكون فى خير ويرد بس يطمنا عليه اولا واسف لوكنت طولت على المشاركين
والف تحية من القلب للاستاذ سامح اللى انا اعرفه من المنتدى عن طريق التعليقات فقط
تحيايى يا سماسيمو

MohamadKaNe

2013-09-08 (12:38:10AM)

والله ياحسام انا شفت كلام عجيب ! واللي يقولك الادفانس مش مؤهل انه يشيل الجيلي بين ؟ لاياراجل ؟ بجد ؟

امال سامسونج نزلته للادفانس ليه من غير مايكونو عارفين انه هيشيله عادي جدا ؟

كلام كتير هنا ميخشش نفوخ الواحد وبرغم ذلك انا كنت بشوف المشاركات وبسكت !

ربنا يهدي الجميع

happier

2013-09-08 (01:05:03AM)

MohamadKaNe ماحدش غلط على الاستاذ سامح ... الاعضاء هنا كلهم أكابر ومحترمين ...

وموضوع الجلي بين ... كل واحد حر في رأيه >أختلاف وجهات النظر لايفسد للود قضية<

وموضوع 80 برنامج ...كل واحد حر في موبايله ينزل فيه زي مهو عايز .

تحياتي لكل الاعضاء ومنهم الاستاذ سامح

semsemSiR

2013-09-08 (01:06:11AM)

احب اشكر اخويا محمد اللى انا بجد اتشرفت بمعرفتة وعلى كلامة الجميل واللى بجد هو اللى خلانى اكتب المشاركة دية دلوقتى بعد ماكنت باخد رأية انى ارجع تانى للموقع هنا ولا لأ , و زى ماتشرفت بمعرفة ناس كتير هنا

وشكرا جدا للاستاذ mustafazezo على سؤالة الدائم , والاستاذ hossam على كلامة الجميل

وطبعا الاستاذ beeelal , بجد الناس دية كلها اكن لها كل تقدير واحترام , وشاكر جدا على شعورهم النبيل بجد اللى فعلا انى لو فكرت انى مارجعش تانى , مايبقاش عندى دم لو مارجعتش بعد الكلام دة الجميل دة

وعموما انا الحمد لله , بخير ومتابع الردود والاستفسارات , وان شاء الله ارجع اشارك من تانى

بس ياريت اسلوب النقاش يكون اكتر عملية , ومفيد للاعضاء , بدل مانقعد نقول ننزل 100 و150 برنامج عشان نجرب نجهاز , نحاول نحل المشاكل اللى بتواجهة الاعضاء

وعلى فكرة ياجماعة ياريت بس اللى يوجهلى سؤال يقولى سامح او سمسم , هما كلهم 28 سنة مش اكتر , بلاش بقى استاذ وحضرتك والكلام دة

وشكرا ليكوا وبعتذر ليكوا عن عدم ردى

MohamadKaNe

2013-09-08 (01:12:29AM)

happier انت شفتني غلطت فحد فيهم ؟ انا مجبتش حاجة من عندي ياكبير .. وشوف الردود وهتعرف ان كلامي صح لان انا متابع الكلام هنا من اول مالجيلي بين نزل وسامح نزل الطريقة بتاعته .. برغم ان حتي الطريقة دي من افضل الطرق للتحديث ! وعن تجربه !

وعلي فكرة محدش يعرف يغلط فيه .. ده مبدأيا يعني

وطلما كل واحد حر في وجهة نظره يبقي ماينفعش يحكم عالموضوع ككل ! ويعمم علي كل الاجهزة انها مش مستحمله الجيلي بين صح الكلام ؟؟

وال 80 برنامج نزلهم زي مانت عايز بس ماتجيش تحمل سامح غلط هو معملوش ! اقرا كلامي كويس هتفهم انا اقصد ايه ياباشا

happier

2013-09-08 (05:15:55AM)

MohamadKaNe
إقتباس
\\\\\
ومن فترة واحد داخل يتريق ويقول حمل 85 برنامج عشان يقيم اداء الجهاز .. ياراجل بزمتك انت منزل 80 برنامج علي جهاز الكمبيوتر بتاعك ؟؟ اللي هو اقوي بقي من الادفانس ؟؟
\\\\\

ده كلامك وإنت بتتهم الراجل بأنو بيتريق على سامح بدون دليل... والله وحده هو العالم بالنوايا.

\\\\\\
اقرا كلامي كويس هتفهم انا اقصد ايه ياباشا...
\\\\\

ربنا يهدي النفوس ويصلح الأحوال
والف مبروك على رجعتك ياسامح

تلك الخدمة مخصصة للأعضاء فقط