بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

The.Ninja

2013-09-02 (12:24:19AM)

لو سمحتم يا جماعة انا الموبايل دة احدثة ازاى انا عاندى باجى احدثة من الواى فاى بيقولى اخر تحديث اللى هو جنجر بريد اللى انا فية مش عارف اعمل اية ؟

mohab23

2013-09-02 (06:36:07AM)

ماهو اخر تحديث رسمى هو الجينجر بريد لو عايز تنزل الجيلى بين هتنزلة يدوى

The.Ninja

2013-09-03 (12:38:52AM)

ما هو حضرتك مكتوب على موقع gsmarena انة بيقبل تحديث لجيلى بين طب النسخة الرسمية هتنزل امتى وشكرا لحضرتك

mohab23

2013-09-03 (02:55:16AM)

النسخة المصرية لسة منزلتش ومش معروف هتنزل امتى

The.Ninja

2013-09-03 (10:36:56AM)

طب ياريت لو تعرف نسخة كويسة انزلها والطريقة بتاعتها

mohab23

2013-09-03 (06:09:01PM)

دى طريقة التحديث للجيلى بين من العضو semsemSiR بس لازم تبقى عارف ان الموبايل ممكن يهنج على الجيلى بين وناس كتير اشتكت يعنى ممكن يبقى ابطئ من الجينجر بريد بس طبعا مميزاتة كتير جدا فالتحديث هيبقى على مسؤليتك وانا حبيت اقولك على العيوب قبل التحديث وانت ليك حرية الاختيار :

حمل الاول ملف التحديث وبرنامج الاودين وبرنامج الكيز:

samsung-updates.com/Odin307.zip

اولا : فك الضغط عن الملف اللى انت نزلتة بتاع ال jellybean firmware

1- هتاخد backup الاول من ال contacts , message عن طريق برنامج الكيز

2- هتعمل فورمات مرتين , مرة من ال recovery mode ومرة من ال factory reset اللى موجودة داخل التليفون
طريقة ال recovery mode اقفل التليفون وافتحة عن طريق ( volume up+ power + home ) وادخل على wipedata / factory reset وبعد كدة هيدخلك على قائمة كلها no وفيها yes دوس عليها وسيبة يحمل وبعد كدة reboot system
لما التليفون يفتح ادخل على privacy ثم factory reset

3- بعد عمل الفورمات تشحن التليفون لحد مايوصل 80% على الاقل

4- هيتم الدخول على setting ثم application ثم development ثم تعمل علامة صح على usb debugging

5- هتفتح برنامج ال kies

6- هتوصل التليفون بالكمبيوتر عن طريق كابل ال usb ( الاصلى ) وتسيبة يتعرف على الكمبيوتر

7- هتقفل برنامج ال kies تماما من كل مكان موجود عندك على الكمبيوتر

8- هتفصل التليفون عن الكابل , وتقفلة

9- هتفتح الموبايل عن طريق الضغط على ( volume down + home + power ) كل دة مع بعض

لحد مايدخلك على صفحة فيها تحذير , دوس على volume up عشان يدخلك

10 - هتفتح برنامج ال odin v 3.07 عن طريق right click ثم run as administrator , واول لما يفتح الاودين , توصل الموبايل بالكمبيوتر

11- المفروض هتسيبة خالص لحد ماتلاقى فوق على الشمال مربع مكتوب فوقية id:com
المفروض المربع دة تلاقية بقى لونة اصفر

12- هتلاقى اختيار على اليمين من ضمن اربع اختياارت وتحديدا التانى مكتوب علية pda , دوس علية هيدخلك عندك على الكمبيوتر اختار الملف اللى انت نزلتة بتاع الجيلى بين

13- سيب التليفون خالص لحد ماتلاقى على الشمال فى مربع على اولة message عمال بيعد فى كلام كتير كدة

14- اتأكد ان عندك الاختياارت دول بس اللى اللى متعلم صح هتلاقيهم فوق على الشمال

auto reboot , f. reset time بس هما دول مش اى حاجة تانى

15- قول بقى بسم الله , ودوس start

16 - سيب التليفون تماما لحد مايفتح على الجيلى بين كانك هتستخدمة

17- اعمل اعادة ظبط مصنع تانى مرتين واحدة بال recovery mode والتانية بال factory reset من التليفون

-لازم تعمل الفورمات مرتين قبل التحديث وبعدة ضرورى عشان ميهنجش معاك
-اثناء التحديث متشيلش الكابل ويستحسن تحدثة عن طريق لابتوب يكون متوصل ببطارية عشان النور لو قطع ...لو فصلت الموبايل اثناء التحديث كدة الموبايل بالسلامة فخلى بالك

تلك الخدمة مخصصة للأعضاء فقط