بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

SamiaAhlawya

2013-08-23 (03:47:33AM)

لو سمحتم إزآي آحدث الآندرويد للجيلي بين من فضلكوآ آنـآ مش فـآهمه آي حـآجه وشفت فيديو ع اليوتيوب مش فـآهمه برده يـآريت ونبي حد يقولى إزآي عشـآن مش عـآرفه آنزل حـآجه إلآ آمـآ آحدثه عشـآن عـآرفه إنهـآ كدآ كدآ هتتمسح :(

semsemSiR

2013-08-23 (12:12:37PM)

صفحة 14 او 15 , هتلاقى فيها الطريقة انا منزلها , اقريها وافهميها كويس ,ولو فى حاجة وقفت معاك قولي

GSMAPK

2013-08-23 (11:55:23PM)

تنبية : الملف مخصص فقط لاغير للنسخة الادفانس gt-9070i 8 giga byte

اولا : فك الضغط عن الملف اللى انت نزلتة بتاع ال jellybean firmware

1- هتاخد backup الاول من ال contacts , message

2- هتعمل فورمات مرتين , مرة من ال recovery mode ومرة من ال factory reset اللى موجودة داخل التليفون

3- بعد عمل الفورمات تشحن التليفون لحد مايوصل 80% على الاقل

4- هيتم الدخول على setting ثم application ثم development ثم تعمل علامة صح على usb debugging

5- هتفتح برنامج ال kies

6- هتوصل التليفون بالكمبيوتر عن طريق كابل ال usb ( الاصلى ) وتسيبة يتعرف على الكمبيوتر

7- هتقفل برنامج ال kies تماما من كل مكان موجود عندك على الكمبيوتر

8- هتفصل التليفون عن الكابل , وتقفلية

9- هتفتح الموبايل عن طريق الضغط على ( volume down + home + power ) كل دة مع بعض

لحد مايدخلك على صفحة فيها تحذير , دوس على volume up عشان يدخلك

10 - هتفتح برنامج ال odin v 3.07 عن طريق right click ثم run as administrator , واول لما يفتح الاودين , توصل الموبايل بالكمبيوتر

11- المفروض هتسيبة خالص لحد ماتلاقى فوق على الشمال مربع مكتوب فوقية id:com
المفروض المربع دة تلاقية بقى لونة اصفر

12- هتلاقى اختيار على اليمين من ضمن اربع اختياارت وتحديدا التانى مكتوب علية pda , دوس علية هيدخلك عندك على الكمبيوتر اختار الملف اللى انت نزلتة بتاع الجيلى بين

13- سيبى التليفون خالص لحد ماتلاقى على الشمال فى مربع على اولة message عمال بيعد فى كلام كتير كدة

14- اتأكد ان عندك الاختياارت دول بس اللى اللى متعلم صح هتلاقيهم فوق على الشمال

auto reboot , f. reset time بس هما دول مش اى حاجة تانى

15- قول بقى بسم الله , ودوس start

16 - سيب التليفون تماما لحد مايفتح على الجيلى بين كانك هتستخدمة

17- اعمل اعادة ظبط مصنع تانى مرتين واحدة بال recovery mode والتانية بال factory reset من التليفون

لمزيد من التفاصيل أو لو قابلتك أى مشاكل أدخلى على آخر صفحة 15 أو أول صفحة 16 وهتلاقى هناك عدد كبير جدا من الاستفسارات

***حقوق الطبع محفوظة للمعلم الكبير semsemSiR***

تلك الخدمة مخصصة للأعضاء فقط