بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

semsemSiR

2013-08-07 (04:37:41PM)

طريقة الجيلى بين لاخوانى فى mob4me :

تنبية : الملف مخصص فقط لاغير للنسخة الادفانس gt-9070i 8 giga byte

اولا : فك الضغط عن الملف اللى انت نزلتة بتاع ال jellybean firmware

1- هتاخد backup الاول من ال contacts , message

2- هتعمل فورمات مرتين , مرة من ال recovery mode ومرة من ال factory reset اللى موجودة داخل التليفون

3- بعد عمل الفورمات تشحن التليفون لحد مايوصل 80% على الاقل

4- هيتم الدخول على setting ثم application ثم development ثم تعمل علامة صح على usb debugging

5- هتفتح برنامج ال kies

6- هتوصل التليفون بالكمبيوتر عن طريق كابل ال usb ( الاصلى ) وتسيبة يتعرف على الكمبيوتر

7- هتقفل برنامج ال kies تماما من كل مكان موجود عندك على الكمبيوتر

8- هتفصل التليفون عن الكابل , وتقفلية

9- هتفتح الموبايل عن طريق الضغط على ( volume down + home + power ) كل دة مع بعض

لحد مايدخلك على صفحة فيها تحذير , دوس على volume up عشان يدخلك

10 - هتفتح برنامج ال odin v 3.07 عن طريق right click ثم run as administrator , واول لما يفتح الاودين , توصل الموبايل بالكمبيوتر

11- المفروض هتسيبة خالص لحد ماتلاقى فوق على الشمال مربع مكتوب فوقية id:com
المفروض المربع دة تلاقية بقى لونة اصفر

12- هتلاقى اختيار على اليمين من ضمن اربع اختياارت وتحديدا التانى مكتوب علية pda , دوس علية هيدخلك عندك على الكمبيوتر اختار الملف اللى انت نزلتة بتاع الجيلى بين

13- سيبى التليفون خالص لحد ماتلاقى على الشمال فى مربع على اولة message عمال بيعد فى كلام كتير كدة

14- اتأكد ان عندك الاختياارت دول بس اللى اللى متعلم صح هتلاقيهم فوق على الشمال

auto reboot , f. reset time بس هما دول مش اى حاجة تانى

15- قول بقى بسم الله , ودوس start

16 - سيب التليفون تماما لحد مايفتح على الجيلى بين كانك هتستخدمة

17- اعمل اعادة ظبط مصنع تانى مرتين واحدة بال recovery mode والتانية بال factory reset من التليفون

GSMAPK

2013-08-07 (05:42:44PM)

شكرا جدا يا استاذ سمسم على الطريقة اللى كلنا كنا طالبينها
بس معلش فى 3 حاجات كده:
1- أنا مش باعرف ولا عمرى جربت أعمل فورمات من الـ recovery mode فياريت الطريقة.
2- هل نسخة الأودين دى هيا اللى حضرتك استخدمتها؟! أصل مكتوب جنب كلمة أودين اللى فوق
GT-S5830C-i-M ودا الرمز الخاص بموبايل Samsung Galaxy Ace

فهل عادى يعنى؟
3- هل لازم أثناء الحكاية دى أكون متوصل على النت ولا عادى من غير نت.
أسف ان انا طولت بس انتا عارف ان الحكاية دى خطر على الموبايل لغير المحترفين
وشكرا مره تانية

semsemSiR

2013-08-07 (06:07:56PM)

لا شكر على واجب , وان شاء الله تنزلوا الجيلى بين على خير

1- طريقة ال recovery mode format

- هتقفل التليفون

- هتفتح التليفون عن طريق الضغط على ( power + home + volume up ) ومش هتسيب ايدك من على الزراير غير لما تلاقى صورة الانسان الالى للاندرويد

- هتلاقى اختيارات فى قائمة , هيتم اختيار wipe data / fatory reset

- بعد كدة هيدخلك على قائمة كلها no وفيها اختيار مكتوب فية yes delete user data اختارها

وسيب التليفون يخلص format

- هيطلع قائمة مكتوب فيها reboot system now

ملحوظة : يتم التحرك مابين القوائم عن طريق زرار ال volume up/down

- يتم تأكيد الاختيار فى الجينجر بريد بزرار ال home والجيلى بين بزرار ال power ضغطة واحدة فقط

عشان لما تنزلوا ان شاء الله الجيلى بين

- هو دة الاودين ماتقلقش

- لأ عادى مش شرط

GSMAPK

2013-08-07 (06:13:12PM)

صورة للتوضيح

نسخة الأودين اللى فى اللينك مكتوب جنب كلمة Odin 3 الكلام اللى جوا الدواريه الحمرا

معلش كام استفسار تانى:
4- لو أنا مأخدتش Back up الأسماء اللى على الشريحة هتتمسح؟
5- أين توجد factory reset اللى داخل التليفون؟
6- بعد لما أقفل برنامج الكيز من كل مكان على الجهاز أفصل الموبايل بعدين أفتح الأودين وأفتح الموبايل عن طريق الضغط على ( volume down + home + power ) بعدين أوصله تانى؟!
7- بعد كده استنى لحد لما المربع اللى مكتوب فوقيه id:com ينور أصفر ... بالنسبة لإختيار pda بعد لما أختار الملف بتاع الجيلى بين هل أعلم على المربع الصغير اللى جنب مربع pda (الدواريه الخضرا فى الصورة)؟؟!
8- المفروض يعد كده أسيب التليفون لحد أمتى (حتة الـ message) لحد لما يخلص عد فى الكلام يعنى ولا ايه؟! أدوس أمتا start يعنى؟!
9- هل فى اختيارات تانى غير auto reboot , f. reset time المفروض يكون متعلم عليهم؟
10- أفصل التليفون امتا?! لما يجيبلى كلمة Samsung Galaxy والكلام ده كأنى جايبه جديد يعنى؟! ولا فى وقت تانى؟!

شكرا جدا يا استاذ سمسم واسف مرة تانية
وشكرااااااااا جداااااااااااا

semsemSiR

2013-08-07 (06:34:43PM)

ياباشا والله دية نسخة الاودين اللى انا منزل من عليها البرنامج ومالهاش دعوة بأى تليفون هو فية تليفون اسمة gt-s8530 cim , انا مش هديك برنامج غلط

- اية علاقة الشريحة بالموضوع ( لأ طبعا ) مش هتتمسح

- ادخل على setting ثم privacy ثم factory reset واعمل كمان usb storage format لما يطلب منك

- هتقفل التليفون , وتفتح الاودين وتسيبة , ولما التليفون يفتح على وضع ال download mode ويكتبلك download , توصل الموبايل بالكمبيوتر

- بالظبط كدة هتستناة لما ينور ( اصفر او ازرق - او اخضر ) على حسب

- مش هتعلم على حاجة هو هيتعلم اتوماتيك

- لحد ماتلاقى فى ال message كلام كتير بيتكتب وهتلاقى فى السطر اللى قبل الاخير كلمة successfully

- ياباشا والله لو فية حاجة هتعلم عليها تانى كنت قولتها لأ مافيش حاجة غير المربعين دول بس

- ماتشيلش التليفون من الكابل تماما الا لما تدخل ال Setting اللى كنت بتلاقيها وانت لسة جايب التليفون جديد

Ahmed111

2013-08-07 (07:41:33PM)

شكرا يا سمسم وتسلم ايدك
بس كنت عايز أتأكد انها تصلح للموبيل ال 16 جيجا عشان انت كاتب هنا انها مخصصة لل 8 جيجا لكن باقى الوصف مطابق معايا gt- i9070

semsemSiR

2013-08-07 (09:08:57PM)

اة شغالة للاتنين

GSMAPK

2013-08-08 (01:03:43AM)

أنا اسف يا أستاذ سمسم أنا عارف ان انا تقلت عليك بس ارجوك متزعلش منى (أنا مش قد زعلك) وبعدين خلاص احنا فى العيد يعنى ... اصل انا قريت الرد الأولانى بتاع حضرتك بعد لما كتبت المرة التانية وبعدين انتا عارف ان اى غلطة حتى لو كانت صغيرة ممكن تودى الموبايل فى ستين داهيه
باكرر أسفى تانى
وكل سنة وحضرتك طيب وربنا يخليك لينا
عيد سعيد

semsemSiR

2013-08-08 (01:31:02AM)

لأ والله ياباشا , بس لقيتك بتسأل نفس السؤال بتاع برنامج الاودين , وكأنى مثلا هضركوا , وابعتلكوا حاجة انا ماستخدمتهاش

وياباشا مافيش زعل ولا حاجة , انا والله نفسى كدة ربنا يكرمكوا ان شاء الله وتلاقوا اجهزتكوا كلها معيدة بالجيلى بين

وانت طيب ياباشا وعيد فطر سعيد بإذن الله

تلك الخدمة مخصصة للأعضاء فقط