بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

waledali

2013-07-30 (01:09:54PM)

السلام عليكم

انا البطارية بتاعتى هيست خلاص بتفضى بسرعه جدا يعنى ممكن تفضى 10 فى المية فى خلال ساعه او اقل وعند الشحن توصل مثلا ل 85 فى المية وفى خلال دقيقة الاقيها بقت مية فى المية .

جربت الفورمات واعادة ضبط المصنع ورجعت الموبايل كانى لسة شارية وبردوا نفس المشكلة .

فانا عاوز اشترى واحدة جديدة بس تكون اصلية (( وياسلام بئا لو بطارية تكون نفس الحجم بس قدرتها اعلى )) ... يا ترى سعرها كام ؟ واتاكد منين انها اصلية ؟ وحد يعرف فية توكيل لسامسونج فى دمياط ؟

semsemSiR

2013-07-30 (02:48:09PM)

هو عموما دة مش عيب بطارية

دة عيب virus موجود فى ال System نفسة

هيتحل معاك مع نزل الجيلى بين

waledali

2013-07-30 (03:24:48PM)

مهو البطارية معدتش بتقعد كتير زى الاول يعنى بتخلص منى بسرعه جدا

GSMAPK

2013-07-31 (03:45:07AM)

بص يا أستاذ وليد زى ما قال الأستاذ سمسم ممكن دا يكون virus موجود فى ال System نفسه وهيتحل مع نزول الجيلى بين

أما بقا لو عاوز تشترى واحدة جديدة أصلية بنفس السعه (1500 مللى أمبير) فممكن تشتريها من هنا

بـ 83 جنيه

أما بقا لو عاوز واحدة تقعد معاك وقت أطول وسعتها أكبر من ضعف التانية (3600 مللى أمبير) فممكن تشترىها من هنا

بـ 90 دولار يعنى حوالى 360 جنيه مصرى (متستغربش من السعر لأن البطارية دى سعتها كبيره جداً بالنسبة للتانية) بس خلى بالك من 3 حاجات:
1- البطارية دى مش أصلية ومش مضمونه يعنى ممكن تضر الموبايل.
2- البطارية دى حجمها الفعلى قد العادية مرتين يعنى مش هينفع تتقفل بالغطاء العادى بس لو أنتا اشتريتها هيجيلك معاها غطاء خاص (انظر الفيديو

) مما هيزود حجم الموبايل بكتير زى ما هاتلاحظ فى الفيديو وممكن يأثر على الكاميرا والفلاش.
3- البطارية مش وحشه للدرجه دى بل أنها من شركه لها تاريخ طويل فى صنع البطاريات كبيرة الحجم والسعة بجودة عالية على عكس العديد من الشركات الأخرى والدليل على كده السعر بس أنا بقول غير مضمونه لأنها غير معتمدة من سامسونج.

بالنسبة لتوكيل سامسونج فى دمياط خش هنا

وحدد موقعك ونوع المنتج واتبع باقى الخطوت (هذا الرابط تابع لموقع سامسونج)

ولو فى أى استفسار تانى أنا فى الخدمة ...

تلك الخدمة مخصصة للأعضاء فقط