بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

MohammedNosir

2013-07-18 (03:52:33AM)

طب معلش مقارنة تانية بين ايه الاحسن الادفانس ولا الاس ثري ميني علشان الاتنين زي بعض

semsemSiR

2013-07-18 (11:38:57AM)

ياباشا ان شاء الله تبقى عندك انهاردة مقارنة للمرة العاشرة مابين ال S3 mini والادفانس , لانى من كتر مالناس بتتطلبها عملتها فى ملف txt بس انهاردة بعد الفطار بإذن الله , عشان انا فى الشغل دلوقتى والملفات دية فية اللاب بتاع المنزل , فمعلش بليل ان شاء الله هتكون عند المقارنة

MohammedNosir

2013-07-18 (08:32:10PM)

ههههههه اه اصل التليفونين دول شبه بعض اوي و انتا والله ربنا يعينك و يبارك فيك اكيد تعب انك ترد علي كل سؤال والله ربنا يعينك

semsemSiR

2013-07-19 (12:22:21AM)

دية مقارنة الاتنين s3 mini vs s advance مع اكتر من تجربة الاتنين لمدة اسبوع

- ال cpu فى ال Advance اقوى nova thor u8500 مقابل nova thor u8420 لل S3 mini

- الذاكرة الاجمالية فى الاتنين 8 جيجا , لكن الصافية 6 جيجا لل S advance

و 4.5 جيجا لل S3 mini , يعنى ال Advance يتفوق علية بفرق جيجا نصف

- الرامات فى ال s3 mini ا جيجا مقابل 768 ميجا فى الادفانس لكن فعلى 804 ميجا مقابل 555 فى الادفانس فى النسخة الجينجر بريد و 625 فى النسخة الجيلى بين

الكاميرا الامامية لل s advance 1.3 mega مقابل كاميرا vga لل s3 mini 0.3 يعنى من اول لما قالوا ياكاميرات ( حركة غبية جدااا من سامسونج الصراحة )

صوت ال Advance اعلى

بطارية الادفانس افضل

ال S3 mini فية خاصية usb on th go ودية خاصية بتخليك تقدر توصل علية فلاشة خارجية ولكن دية للقراءة فقط يعنى ماينعفش تعمل copy او تنقل حاجة للفلاشة من الاخر مالهاش لزمة

لكن ال S advance لا يوجد بة هذة الخاصية الا عن طريق الرووت

البلوتوث فى ال S3 mini احدث v.4 مقابل v.3 لل Advance

- الكاميرا واحد مافيش فرق مع الادفانس فى النسخة الجينجر بريد , لكن مع الجيلى بين فى الادفانس تفوق عليها , لان الجيلى بين بيحسن كتيير اداء الكاميرا فى الادفانس كمان اضافة خصائص وسرعة للكاميرا , واصبح هناك زوووم + امكانية عمل pause للفيديو
من الاخر الجيلى بين فى الادفانس رووووووووووعة بكل المقاييس

- الادفانس شاشتة عليها حماية gorilla glass وال S3 mini علية حاجة اسمها sreen scratch resistance فطبعا دية نقطة لصالح الادفانس

- عيب قوى فى ال S3 mini وهو انك عشان تغير كارت الميمورى او تشيلة , لازم تطفى الهاتف وتشيل البطارية , بعكس الادفانس فهو فقط هتشيل الظهر

- الادفانس فية امكانية تشغيل الفلاش ككشاف بدون برامج يعنى موجود فى النسخة اساسى سواء بالجينجر بريد او فى الجيلى بين

- الادفانس فية برامج ال office كلها 2003-2007 read - write يعنى تعديل كمان وكأنك شغال على office الكمبيوتر

طبعا اللى بيميز دلوقتى ال s3 mini انة شغال ب jelly bean رسمى من الشركة , لكن ال s advance لازم تجيب الجهاز وتحدثة انت بنفسك

من الاخر نقطة تفوق ال S3 mini على الادفانس فى دول فقط ( رامات اكبر شوية - نازل بالجيلى بين جاهز ) غير كدة مش هتلاقى

وبالنسبة للشكل طبعا دة زوقك

MohammedNosir

2013-07-19 (12:33:53AM)

اولا والله شكرا بجد انا تعبتك معايا والله ثانيا انا ان شاء الله هجيب الادفانس خلاص بس طلب صغير اخير معلش اللي هو حكاية التحديث دي لو ممكن اول ما اجيب التليفون تساعدني فيها علشان انا قريت ان النور لو قطع او حصلت حاجة غلط ممكن التليفون كله بيوظ فيا ريت لو فيه لينك مبسط للتحديث دا او تقولي اعمل ايه لما اجيب التليفون و مرة تانية بجد والله الف شكر تعبتك معايا

تلك الخدمة مخصصة للأعضاء فقط