بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

A7medGamal

2013-06-26 (06:11:48PM)

شباب الموبيل معروض عليا ب1500 جنيه
بدون خرابيش او مسحات
ضمان فاضله 7 شهور تقريبا
ومعاه 3 جرابات حمايه
ايه رأيكم؟
وصاحبه بيحلف انه مفهوش الهوا
وانا مصدقه بصراحه .. بس بسأل السعر كده كويس ولا
وبيقول البطاريه بتقعد يوم كامل نت
ويومين واكتر مكالمات
واكتر من5 ايام ستاند باي
محتاج رأيكم :)

semsemSiR

2013-06-26 (07:39:27PM)

سعرة ممتاز ماتترددش لحظة , بس خلى بالك ان السعر يقلق جدااااااااا

لان هو تقريبا جايبة من 4 شهور بس , والتليفون كان سعرة فى الوقت دة 2350 جنية

فان هو يبيعة ب1500 جنية وبالحالة دية , صعب جدااااااااااااا الصراحة

خصوصا بعد 4 شهور استخدام وكمان معاة 3 جرابات كل واحد فيهم مش اقل من 35 جنية يعنى كدة الموبايل واقف عليك ب1400 جنية

اتأكد الاول

heba123

2013-06-27 (01:36:27AM)

ممكن تتأكد انه مش معمول له روت و ماخرجش من الضمان
و اعرف سبب البيع و خاصه بالسعر ده .. علشان انا كمان مستغرباه شويه

و ترجع لثقتك فى الشخص برضه

A7medGamal

2013-06-27 (02:29:55PM)

دي صور الموبيل والحاله العامه ليه
وصوره تانيه لاستخدام البطاريه ومعلومات الموبيل
سواء النسخه او الكرينكل وباقي الحاجات
ياريت تشوفوها وتقولوا رأيكم
والضمان بيقولي انه سكاي
ولما سالته ع الحاله العامه ده كان رده :
------------------
الحمد لله والشكر لله اقسملك بالله العلى العظيم الموبيل جديد ومفهوش ولا خدش و خربوش صغير ولا كبير ولا مسحات
لانى محافظ عليه جداً وهو من أول يوم فى جراب للحمايه الضهر و سكرين للوقايه من الخدوش على الشاشه وممكن حضرتك تتاكد من الصور
و ممكن اصور الموبيل بأى وضيعه تحبها فى أى وقت

البطاريه يوم كامل لو استخدام انترنت بضغط
و يومين او اكتر مكاالمات فقط
5 ايام فى وضع الثبات او اكتر والله على ما أقول شهيد
بخصوص الضمان هو محلى من شركه SKY وتاريخ ابتداء الضمان 21-1-2013
ومدته 14 شهر
الصناعه فيتنامى
-------------------------------
وسألته اذا كان عامل روت ولا لأ
بس لسه مردش عليا

A7medGamal

2013-06-27 (02:31:42PM)

هوه كان عارضه ب1800 بعدها بدأ ينزل السعر 1750 و 1700 لحد ما وصل 1500

semsemSiR

2013-06-27 (03:22:46PM)

يعنى اية ضمان 14 شهر , دة ضمان جديد دة ولا اية ؟؟؟ الضمان بيكون 12 شهر ياباشا وساعات كمان بيكون 11 شهر , بس هوة فى الغالب 12 شهر

عموما ياباشا تقدر كدة تقولة انت لية منزل فى سعرة اوى كدة , طالما التليفون بالحالة دية , دية على كلامك يعتبر جديد , والتليفون دلوقتى عامل 2200-2250 جديد , وهو كان جايبة مش اقل من2400 جنية ازاى بقى ينزلة من تمنة 950 جنية فى 5 شهور بس هل يعقل

عموما ياباشا عايز تاخد تكشف علية فى التوكيل او تفحصة انت كويس عن طريق الاكواد بتاع سامسونج مافيش مشكلة

ولو طلع فعلا نظيف , يبقى حلال عليك وربنا يباركلك فية

A7medGamal

2013-06-27 (03:38:46PM)

مانا برضه مستغرب من الفرق الكبير ده ف السعر
والمشكله الاكبر انه من قنا وانا من القاهره
والبيع هيكون عن طريق الشحن
وطبعا لما استلمه لازم ادفع التمن قبل ما اي شيء
ولو حصل لا قدر الله اي مشكله
هيكون صعب اوصله تاني
انا متردد جداا ومش عارف اعمل ايه

طيب ممكن الاكواد اللي اقدر اكشف عليه فيها
لو كده اقابله ف مكان قريب ليا وليه واجرب الاكواد
ولو فيه اي حاجه تانيه اقدر اجربها ياريت تقولي
اه صح بالنسبه للصور انت شوفتها ولا لسه؟
وياريت تشوف الفيرجن والكرنكل ايه نظامه
وشكرا لحضرتك ع المتابعه

eslamtov

2013-06-27 (04:45:09PM)

بص يا معلم الموبايل حلو جدا جدا
ومبدئيا هوا عامله روت لانه منزل نسخه الامارات وكيرنل الكوكور
بس مش دي المشكله لان الروت والنسخه بيتشالوا وبيرجعو زي الاول
المشكله انه يكون خرج من الضمان بسبب الروت
الجهاز حلو جدا ونضيف وضمان رايه فعلا 14 شهر لان سكاي تبع رايه ورايه بتدي ضمان 14 شهر يعني انا موبايلي مثلا جايبه من رايه نفسها في شهر 10 الضمان بتاعي لحد شهر 12 والكلام ده من الضمان نفسه لاني وديته قبل كده

النصايح بقي :
تلغي الروت وتنزل النسخه بتاعت الجينجر بريد القديمه
وتوديه الضمان بحجه اي حاجه قوله بيهنج وعايز اعمله سوفت
والضمان سكاي اي فرع رايه بالمناسبه ,, المهم وانت واقف هيااخد منك الموبايل والسيريال لو قبلوه يبقي الموبايل تمام يا معلم واديله الفلوس متقبلش يبقي الموبايل خرج من الضمان وساعتها افضل ياما متاخدوش او تنقصله 200 جنيه علي الاقل

eslamtov

2013-06-27 (04:52:15PM)

ممكن تخليه يلغي الروت وينزل الجينجر بريد المصري وتخلي بتاع الشحن يقابلك عن اقرب فرع رايه وتدخله الضمان لو اتقبل اديله الفلوس متقبلش رجعه بيه تاني .. ده بما انه مش من القاهره

A7medGamal

2013-06-27 (08:37:54PM)

eslamtov
تمام يا صاحبي فكره جميله جداا حكايه الضمان دي
طيب بالنسبه لشركات الشحن هيا مش المفروض بتجيب الموبيل لحد البيت ع العنوان اللي باعته المرسل
ممكن الراجل تقفل معاه ويرفض يجي معايا الضمان
ولا عادي ممكن المقابله تكون ف مكان عام؟
والموبيل المفروض يكون متقفل بمعرفه شركه الشحن
وتقريبا مينفعش افتح الطرد الا بعد دفع الرسوم وتمن الموبيل
ولا الدنيا اتغيرت ولا ايه الكلام؟

تلك الخدمة مخصصة للأعضاء فقط