بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

ahmedfarouk

2013-06-13 (03:42:02AM)

السلام عليكم يا شباب
انا من ساعة ما موبايلى الادفنس اتسرق فى 16/مايو وانا عمال ادور على مكان اشترى منه الادفنس بس تقسيط لانى مش قادر حاليا اشتريه كاش ياريت لو تعرفوا مكان فى القاهره اكون شاكر جدا لانى بجد مش قادر اقتنع باى موبايل تانى

newworld

2013-06-13 (03:47:21AM)

عليكم السلام ورحمة الله وبركاته
انا اعرف محل بس معرفش هوا فيه ليه فرع فى القاهرة ولا لا وهو بيبيع بالتقسيط اسمه بى تيك شوف لو ليه فرع عندكم وان شاء الله اى حد من الاخوة فى القاهرة يفيدك وان شاء الله ربنا يعودك

ahmedfarouk

2013-06-13 (04:02:08AM)

شكرا جزيلا يا صديقى
بى تك ليه فعلا فروع فى القاهره بس مش متوافر عندهم الادفنس للاسف
اشكرك على اهتمامك ويارب ما يتعرض حد للموقف ده ابدا

newworld

2013-06-13 (05:48:42AM)

امين يا رب واتمنى ان ربنا يعوض عليك وان شاء الله هاتجيب واحد تانى وبسعر مناسب
وهو فعلا موقف وحش اوى >_<
بس انا متهايقلى ان هوا مش متوافر عندهم الفترة ديه يعنى ممكن حضرتك تستفسر وتعرف اذا كان هايجى ولو هايجى هايكون امتى

semsemSiR

2013-06-13 (12:20:49PM)

ربنا يعوضك خير ان شاء الله

عموما فية b-tech هو الوحيد اللى بيقسط الموبايلات.

موضوع انك مش لاقى فية الادفانس , ممكن تقولهم يوفرهولك لانك كدة كدة مش بتستلم فى نفس اليوم , لا الاجراءات بتاخد وقت , فخليهم يدورولك على فرع عندة التليفون

newworld

2013-06-13 (01:21:57PM)

المشكلة يا سامح ان هم ممكن ميكونوش بيدعموا الادفانس اصلا فعلشان كده ان بقله انه يسال عليه قبل الاجرائات وان شاء الله تلاقيه هناك

capoza

2013-06-13 (04:56:29PM)

موجود فى بى تيك فرع شارع السودان بجانب رامكو كمبيوتر مول امام مستشفى المروه وهم بيوفرو انا لسه جايبه لبنت خلتى من هناك وكمان القسط بدون فايده

capoza

2013-06-13 (04:57:05PM)

شارع السودان المهندسين

newworld

2013-06-13 (06:06:34PM)

معلمومات مفيدة اخى اتمنى ان يستفيد منها الاخ احمد

ahmedfarouk

2013-06-13 (09:07:24PM)

ربنا يخليك يا newworld
فعلا مفيش دعم للادفنس لدرجه ان فى موبايل شوب وبى تك اكتر من فرع يحاولوا يقنعونى با s iii mini
واقولهم الادفنس بالنسبه لى افضل لدرجه ان فى فرع باب اللوق الشاب خادنى على الجهاز وفتحلى موقع gsm وقالى انا هوريك ازاى الاس ثرى مينى افضل اتفاجا بامكانيات الادفنس وقالى انا اسف ان مكانش عندى معلومات كفايه عن الجهاز ده فعلا يستاهل تمسكك بيه

ahmedfarouk

2013-06-13 (09:13:17PM)

واحشنى كتير يا semsemSiR
انا فعلا لقولى واحد فى فرع طنطا بس بعد القسط هيقف عليا ب 3000 جنيه وكل الناس بيقولوا طالما هتجيب قسط هات نوع تانى عشان تحس انك دفعت فلوسك فى حاجه جديده مش عارف انا حابب الجهاز ده جداااااااااااااااااااااااااااااااااااا وفعلا اكتر من مجرد موبايل بالنسبه لى بس خايف انى لو جبته يفكرنى دايما باللى اتسرق و خصوصا انه كان عليه حياتى بحالها مش عارف يا صديقى ايه رايك

ahmedfarouk

2013-06-13 (09:15:50PM)

الف الف الف شكر يا capoza
ان شاء الله هروح اشوفه يوم السبت يمكن يكون سعره هناك اقل شويه
وجزالك الله كل خير وربنا يباركلك فيه

semsemSiR

2013-06-13 (11:46:52PM)

ahmedfarouk

ياباشا انت اكتر

انا معاك ان الادفانس من الصعب انك تلاقى موبايل زية فية كل حاجة وبسعر جامد يعنى دة الموبايل اللى سعرة اقل من امكانياتة

عموما لو عايز نصيحتى بجد استعوض ربنا فى اللى ضاع , وماتفكرش فية تماما

- واللى يخليك تقسط ادفانس ب3000 جنية مع ان المبلغ دة مبالغ فية جدااااااااااااا , يعنى اخر الادفانس قسط هيكون 2700 جنية , يبقى الافضل تقسط S3 وهتدفع مثلا قسط زيادة شهرين ثلاثة , بس معاك s3 وتحديثة مستمر وموبايل quad core وشاشة كبيرة قوية

يبقى خليك فى ال S3 طالما تقسيط ولو عايزة فروع المحمل عاملة عروض ال S3 هتدفع 320 جنية فى الشهر لمدة سنة هو التليفون كاش عندهم عامل 3550 وتقسيط هيعمل 3850 جنية يعنى فائدة 300 جنية بس

فكرة كدة فى الموضوع دة

ahmedfarouk

2013-06-14 (02:13:13AM)

والله يا سمسم انا محتار
هو قيمه الادفنس قسط بالضبط 2820 جنيه وطبعا بالمصاريف الاداريه هيكملوا ال 3000
490 مقدم و200 جنيه قسط لمدة 12 شهر
وانا امكانيات التقسيط معايا دلوقت متذيدش عن 200 فى الشهر
لكن مبدايا انا بدات اقتنع انى مجيبش الادفنس تانى عشان انسى الموضوع ده خالص
وفى نفس الوقت بقيت هههههههههه خايف اشيل تليفون كبير ليتسرق تانى مش عارف اعمل ايه
بصراحه ولا قادر اقل عن الادفنس وخايف اجيب اكبر او اغلى منه

تلك الخدمة مخصصة للأعضاء فقط