بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

GODA1

2013-06-01 (04:12:59AM)

السلام عليكم / يا جماعة انا اشتريت الاس ادفانس ده وكان على الجينجر بريد وكان سريع وزي الفل وبعدين سمعت ان له تحديث للجيلي بين في روسيا والامارات فحملت الفلاشة الخاصة بالأمارات كاملة وسليمة بصيغة XSG / المهم حدثت الجهاز وطبعاً عملت فورمات قبل وبعد التحديث والسوفت نزل علربي كامل واتأكدت انها نسخة الامارات / ولاكن مشكلتي ان فيه تعليق وتهنيج غريب جدا بيحصل كل شوية وخصوصاص لما بدخل في الفيديوهات او احيانا الكاميرا وساعات تقل رهيب جدا وعمل ضبط مصنع ولاكن المشكلة لسه موجودة / مش عارف ارجع للجينجر بريد ولا انزل نسخة روسيا تكون افضل ولا اعمل ايه /

alqiser1983as

2013-06-01 (11:53:03AM)

السلام عليكم ..
نفس المشكلة تقريبا صادفتني بعد الروم الامارتي ...لكن بعد ما عملت رووت ثم حملت
كيرنل CoCore 6.0 CWM على الجهاز اصبح افضل ..التهنيج اختفى والكاميرة افضل
لكن كانت عندي مشكلة مع الالعاب القوية 3d ..تعليق وتهنيج احياننا متقطع .. غير استهلاك البطارية.
نزل كيرنل CoCore 6.2 CWM وحملته على الجهاز اصبح الجهاز اكثر من روعة اختفى شيء اسمه تهنيج والبطارية افضل لكن ليست كما كانت على الجنجر بريد سرعة روعه عالنت وسرعة في الاداء والتطبيقات تضاهي S3 قارنته مع S2 محدث وكان افضل منه كسرعة وبطاريه وسخونه والاهم عندي العاب 3D.... ولك الخيار ياصديقي ..... .

Galaxyy

2013-06-01 (04:28:53PM)

سامع يا سمسم ولا عامل من بنها

GODA1

2013-06-01 (07:08:47PM)

السلام عليكم اخي alqiser1983as / انا نزلت روم الجيلي بين من الاودين بدون كرينل ولا روت لاني مكنتش عايز اخسر الضمان لاكن لو هو ده الحل الامثل والاكيد هعمل بنصيحتك طبعاص بس ياريت تعرفني اعمل روت وكرينل ازاي / وهل بعد الروت والكرينل اسطب الجيلي بين تاني ولا خلاص

semsemSiR

2013-06-01 (08:20:55PM)

ياعم جلاكسى مش من بنها ولا حاجة , من القاهرة والله ههههههههه

بس انت شوفت وسمعت , من capoza يعنى مش محتاج كلام تانى فى الموضوع خلاص

وعموما ياجماعة وبقولها تانى اهوة

انا منزل الجيلى بين ل capoza وهو معايا على التليفون , وبعد التنزيل الجهاز روعة مافيش اى تهنيج , ولا اى حاجة , تم تجربة الالعاب , وتجربة النت وكلة تمام , وبعد كدة تم عمل رووت وكيرنل عشان كان عايز ينزل برامج مابتشغلش غير بالرووت

Galaxyy

2013-06-01 (11:35:31PM)

قشطه عليك انته وكبوزا و عبال ما حد ينضملكو و يشكر فى الجلى و الجلاتى هههههه

alqiser1983as

2013-06-02 (09:34:32AM)

ما فيش داعي تسطب الجلي بين تاني فقط سطب الرووت والكيرنل مباشرة لكن يفضل عمل ضبط المصنع (فورمات) للجهاز ...
دي طريقة تحميل الرووت والكيرنل شرح الاستاذ سمسم حرفيا .......

شوف ياباشا هتنزل رروت + الكيرنل عشان يبقى سريع

دة الرووت

دة الكيرنل

1- لازم يكون عندك كارت ميمورى

2- هتنزل الملف المخصص للرووت ( اللى انا مديهولك فوق ) على جهاز الكمبيوتر , والملف هينزلك فى صورة winrar ( ملف مضغوط ) خلية كدة وماتفكوش من الضغط

3- هتنقل الملف زى ماهو winrar عندك على كارت الميمورى وتخلية مع الفولدرات الرئيسية يعنى مايكونش جوة فولدر , يعنى اول ماتفتح ال partition بتاع الكارت تلاقى الملف قدامك

4- هتقفل التليفون

5- هتدوس على ( power+home+volume up )

6- هتختار install update from external storage

7- سيب الملف يحمل لحد مايطلب منك restart

8- بعد مايخلص على خير ان شاء الله , افتح التليفون واتأكد ان فية برنامج اسمة super user نزل عندك على الجهاز

دية طريقة عمل ال root

طريقة تغير ال kernel

ملحوظة : فى اللينك بتاع ملف ال kernel هتنزل فى الصفحة لحد ماتلاقى كيرنلات كتير تحت بعض اختار الكيرنل اللى اسمة CoCore-E-6.2-CWM ونزلة على الجهاز

1- هتحط الملف بتاع ال cwm , والملف اللى انا اديتهولك فوق بتاع ال kernel على كارت الميمورى, وبردة من غير ماتفك الضغط بتاعهم

2- هتقفل التليفون

3- هتدوس ( power+home+volume up )

4- هتختار install update from external storage

5- وتختار ملف ال update .zip وهو دة الملف بتاع ال cwm او ال recovery

6- هتسيبة يحمل

7- بعد كدة لما يخلص , هيفتح معاك على شاشة ال recovery

8- تعمل install update from external storage

9 - تختار ملف ال kernal اللى انت نزلتة هتلاقى اسمة cocore

10- اول لما يخلص هتلاقية بيقولك reboot system , وكدة تمام تم تغير الكيرنل

11- تروح داخل على goole play وتنزل برنامج no-frill , وساعتها نبقى نشمى مع بعض بردة فى الخطوات

تلك الخدمة مخصصة للأعضاء فقط