بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

mohahm211

2013-05-25 (12:55:01PM)

رد خاص بمشكلة الأنسه هبه
السلام عليكم ورحمة الله وبركاته الأول
بالنسبه للراوتر لما نقلتيه لبيت تانى معنى كده انك ركبتيه على خط تليفون تانى وعليه خدمه dsl
يبقى لازم تغيرى اعدادات الراوتر باليوسرنيم والباسورد اللى الخاصه بخط التليفون اللى ركبتي عليه الراوتر علشان يقدر يشغل النت ومن غير كده استحاله هيشغل نت انما الموبيلات هاتشوف شبكةه الواى فاى الخاصه بالرواتر فقط ولا يجد نت لأن أساسا الراوتر غير مهيئ للأتصال بالنت من على هذا الخط
بالنسبه للعده ace أكيد ديه مفعل عليها النت الخاص بخط الموبيل data
وهو بكده شايف شبكه الواى فاى بس شغال بالنت الخاصه بخط الموبيل وليس بالنت الخاصه بالراوتر
أما الموبيل ادفانس فغير مفعله فيه خدمه النت الخاصه بالخط data
وبالتلى هو شايف الواى فاى ولكن لا توجد نت على الموبيل سواء من الراوتر أو من خط الموبيل
يارب أكون قدرت أوضحلك المشكله

heba123

2013-05-25 (01:36:10PM)

أولا شكرا جدا على وقت و رد حضرتك
هو انا ماعنديش مشكله انه ماكان فيه نت على الكمبيوتر لأنى عارفه السبب " انا كنت بجرب حاجه معينه فقط " وانا أصلا ماكنت موصلاه بالكمبيوتر .
مشكلتى محصوره فى إن الأدفانس مالقط الواى فاى أو بالأصح كان لاقطه و منور و كل حاجه بس مافيش نت فى حالة إن الجهاز التانى كان شغال كويس جدا

الجهاز التانى انا قافله من عليه خدمة النت الخاصه بالخط و بالتالى لما كنت بقفل الوايرلس كان مش بيفتح حاجه ولا بيدخل على النت

Galaxyy

2013-05-25 (01:56:38PM)

على فكره يا جماعه انا ملاحوة وعن تجربه ان الاايس اقوى من الادفانس فى الويرلس

semsemSiR

2013-05-25 (02:17:33PM)

لأ طبعا

انا والدتى معاها ال Ace plus , وصاحبى معاة ال Ace ولما بنكون فى مكان واحد الادفانس بيلقط شبكات اكتر وبأشارة اكبر

heba123

2013-05-25 (03:30:11PM)

طيب أستاذ سامح هل عند حضرتك تفسير للى حصل ؟؟؟

heba123

2013-05-25 (03:31:25PM)

مع العلم ان الأدفانس كان لاقط الشبكة فعلا و منوره و كاتب حالة الإشاره ممتازه لكن آجى مقلا أفتح الماركت يقولى لا يوجد إتصال

semsemSiR

2013-05-25 (03:45:29PM)

اكيد كنتى قافلة ال background data

heba123

2013-05-25 (04:32:25PM)

أيوه .. بدليل لما كنت بقفل الوايرلس ماكنش بيحمل اى شيئ ولا بيفتح نت

heba123

2013-05-25 (04:41:03PM)

سورى استاذ سامح رديت بالخطأ
ايه المقصود بـ background data

semsemSiR

2013-05-25 (06:12:04PM)

دة اللى بيسمح بالدخول على الانترنت

عموما هتدخلى على setting ثم account&sync هتلاقى background data لو مش متعلم عليها صح يبقى عمر النت ماهيدخل معاكى

Galaxyy

2013-05-25 (06:58:16PM)

مال البك جراوند داتا بالمشكله دى . الباك جراوند داتا دى خاصه بالبرامج زى الفيس كدا بتخلى البرنامج يتصل بالنت من غير ما تفتحو . ايه يا جدعان ...

semsemSiR

2013-05-25 (07:08:47PM)

لو انت قافل ال background data مش هتدخل على الماركت بتاع التليفون

عرفت اية المشكلة

heba123

2013-05-25 (07:22:52PM)

دلوقتى بصيت عليها لاقيت متعلم عليها صح عادى
هو التليفون اصلا انا ماعملتش فيه حاجه خالص و بمجرد ما رجعت البيت فتح عادى جداااااااااااااااا من غير حتى ما أعمل ري فرش للواى فاى
ولا كإن كان فيه حاجه !!!!

Galaxyy

2013-05-25 (07:29:24PM)

يا استاذ سامح الماركت برنامج زى الفيس . هيه بتتكلم على النت بشكل عام مش برنامج معين يعنى عاوزه تفتح نت عادى من المتصفح . يعنى الباك جراوند داتا ملهاش دعوه دلوقتى بالمشكله

تلك الخدمة مخصصة للأعضاء فقط