بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

heba123

2013-05-25 (01:06:52AM)

لاحظت حاجه إنه من فتره حد هنا كان كاتب انه جايب جهازه من قطر على ما أفتكر و لما حدثت له مشكله و قفل الجهاز هنا سامسونج قالوا له انه عيب بورده و لما رجعه الضمان بتاعه إكتشف انه نزل له سوفت وير فقط

وانا حدث معى نفس الموقف لكن الفون بتاعى من السعوديه و هنا سامسونج قالوا ليا انه مش قابل أى سوفت وير و انه عيب بورده و فى الضمان فعلا ركبوا له سوفت وير فقط

فهل هيا قلة خبره هنا ؟؟؟؟؟ " لا أظن بصراحه "
هل البورده مش قابله الا سوفت معين " بتاع البلد الموجهه اليه " و بتشوف اى سوفت تانى على إنه غير رسمى ؟؟؟؟
وهل هو فعلا فيه فرق بين السوفت المصرى و الإماراتى و السعودى ؟؟؟؟ ولا كله سوفت بتاع سامسونج ؟؟

semsemSiR

2013-05-25 (01:54:42PM)

هية فعلا قلة خبرة

لان كل النسخ زى بعض اللى بيختلف فقط , اسم النسخة

- وعشان تتأكدى من كلامى , حصل نفس الموقف مع الاستاذ حسن عضو معانا هنا

واهو جايب التليفون من مصر والضمان , لما التليفون جاتلة شاشة الموت وداة التوكيل وغيرولة البوردة

يبقى لو كان توقعك صح , يبقى كان نفع علية الرووم الرسمى , لانهم نزلوا للاستاذ حسن النسخة المصرية الاصلية

heba123

2013-05-25 (02:15:38PM)

شكرا أستاذ سامح تفسير حضرتك منطقى برضه
هو لما و ديته لمحل صيانه عادى " غير سامسونج " قالى أصل فيه حمايه على البورده علشان كده مش هينفع ننزل سوفت الا لما نفتحه و نعمل كبارى نعدى بيها الآيسيهات اللى عليها حمايه و بعد كده ننزل سوف عادى

و فى السعوديه الموضوع ماخدش الا 10 دقايق :)

طيب هو إزاى أعرف السوفت اللى عندى بتاع أى بلد ؟؟؟؟؟؟؟

alielderpy

2013-05-25 (08:50:12PM)

المهم انه اتصلح وخلاص
وعلى فكره الشخص اللى بتحكى عليه أنا بس أنا شايف انه قلة خبره وقلة امكانيات

heba123

2013-05-25 (09:11:53PM)

اه اهلا بحضرتك أستاذ على آسفه لم أتذكر الإسم
اصلا انا مش قادره اتخيل ان الموضوع للأسف قلة خبره :(
يعنى صعب قوى لو ماكنش الواحد يقدر يسفر جهازه تانى انه يتحمل ثمنه مره تانيه فى غير محلها !!!

تلك الخدمة مخصصة للأعضاء فقط