بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

abumohannad

2013-04-24 (08:33:51PM)

السلام عليكم ورحمة الله وبركاته هام جدا جدا تليفوني راح مني بالأمس في ميكروباص الساعة 2 ظهرا وانتبهت لذلك بعد 15 دقيقة المهم قعد يضرب شوية وبعدين اتقفل فقدت الأمل إني أرجعه تاني لما اداني غير متاح وبعدين ربنا وفقني لفكرة إني أدخل على موقع سامسونج وأحاول أبحث عنه أو أرسل له رسائل والمفاجأة إني لقيته ON LINE روحت بعت له رسالة وقفلت الشاشة بتاعته وكتبت عليها رسالة فيها رقمي البديل والحمد لله اتصل بي واحد وقال انه محل موبايلات وان في ناس باعت له التليفون من شوية ب 500 جنيه بس قلت له حاضر اجيب لك الفلوس واجيلك انت مكانك فين دلني والحمد لله رجع التليفون تاني والحمد لله فنصيحتي لكم أن تفعلوا حسابكم على سامسونج SAMSUNG ACCOUNT وتدخلوا على صفحة سامسونج الرئيسية على الإنترنت وتحاولوا تعملوا اتصال عن بعد بتليفوناتكم علشان لا قدر الله لو راح يبقى فيه أمل يرجع فيه تاني بس طبعا الطريقة دي لا تفيد إلا في حالة إذا كان التليفون متصلا بالإنترنت حتى لو تم تغيير الشريحة ويجب أن تكون مفعل SAMSUNG ACCOUNT من على تليفونك وكمان ميكونش التليفون اتفرمت أو اتعملوا سوفت وير جديد والأهم من كل ده أنكم تخلوا بالكم كويس من أجهزتكم والحمد لله أولا وآخرا

semsemSiR

2013-04-24 (10:41:02PM)

الحمد لله على رجوع التليفون , ومش مشكلة 500 جنية اهون من ان التليفون يروح , بس كنت قولت للراجل بتاع الموبايلات ازاى تشترى تليفون من غير ماتاخد بيانات صاحبها او صورة بطاقتة

والف مبروك ياباشا رجوع التليفون

فية حاجة اسمها Samsung dive مخصص للسرقات , اعمل علية اكونت ومن خلالة تقدر تقفل التليفون وتتحكم فية وتقفلة نهائى حتى لو اتفرمت

تلك الخدمة مخصصة للأعضاء فقط