بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

ahmedemara014

2013-04-03 (03:40:16AM)

انا كنت منزل الطريقه دي قبل كده بس لاهميتها قولت احطها تاني الطرق دي هتخلي البطاية تطول معاك علي الاقل ضعف المده اللي كانت بتعدها قبل كده وكمان تخلي الرامات عندك علي طول في مستوي ثابت تقريبا والجهاز عمره ما هيبقي بطئ معاك تاني بس ركزوا معايا شويه عشان هما كذا خطوة
1- اولا لازم تكون عامل روت واظن هنا كان في شرح علي الصفحة دي ازاي تعمل روت
2- اول برنامج هنزله هو battery du saver مع العلم لازم يكون عندك صلاحية الروت وده الرابط

3- تاني برنامج هو dx toolbx ولازم برده تكون عامل روت دي اهم حاجه وده الرابط

4- بعد ما تسطب البرنامجين علي التليفون مع اول تشغيل ليهم هيطلب منك لو عامل روت انك تسمح للبرنامج باستخام صلاحية الروت يعني هيطلعلك كده مربع صغير هدوس علي grant يعني موافق
5- هنيجي بقي لضبط كل برنامج عشان يحققلك احسن نتيجة اول نتيجة اولا battery du saver
اول ما تشغله هتروح لل هتلاقي اعلي صفحة البرنامج علي اليمين يعني تحت الساعه كده ايقونه اسمها smart هتدوس عليها هيفتحلك صفحة تانيه ركزا بقي معايا هتلاقي اول سطر
lower cpu frequency هتشغل الخاصية دي - ودي معناها ان لما الشاشه تتقفل هيستخدم اداء اقل لل cpu وده هيفرق جامد في البطارية
اهم خاصية تاني في الصفحة دي هي auto cleanup apps هتشغلها برده بس اظبط الوقت علي 5 دقايق - ودي معناها ان كل 5 دقايق يقفل اي برنامج شغال في الخلفيه ودي بتوفر بطاريه وكمان بتفضيلك رامات
بعد كده هنرجع لاول صفحة للبرنامج تاني وهندوس علي onekey testing وحاول اي حاجه تحت البند smart power saving items يكون جمبها علامه صح يعني لو لقيت جمبها كلمة try دوس عليها كده البرنامج ده تمام
6- نيجي لبرنامج dx toolbox وده اهم من اللي فات اول ما تفتحه هو عبارة عن 3 صفحات جنب بعض هتلاقيه مفتوح علي الصفحة اللي في النص وعنوانها system optimization هتدوس علي detect now وبعد كده لما يخلص هتدوس optimize ثم finish
بعد كده في نقس الصفحة هتدوس علي phone accelerate تدوس accelerate ثم finish
بعد كده روح للصفحة الاخيرة وعنوانها moudels هتدوس علي ايقونة process manger ومنها هتجيب ال setting من الايقونه اللي في اعلي اليمين وهتشغل الخاصيتين اللي ادماك اللي هما show process cpu usage - auto stop processe وفي رابع سطر بالظبط اتأكد ان
auto stop roles مظبوطة علي when screen lock والاخيار الاخير ده هنزلك widget لو احتاجت انك تفضي الرامات وقت ما انت عايز
البرنامج ده مليان خصائص تانيه لو عايزين تجربوها
7-اخر حاجه بقي لو انت منزل الجيلي بين هتشغل الpower saving اللي في ال statue bar هتدي نتيجه كويسه مع البرنامجين دول

اخيرا معلش الشرح طويل شويه بس عشان كاتب كل حاجه عشان محدش يتلغبط متكسلوش واعموا الحاجات دي مش هتاخد اكتر من ربع ساعه بالكيتر بس هتعمل معاكوا نتيجه كويسه انا عن نفسي منزل الجيلي بين ولاحظت ان بعد ما نزلته استخدام البطاريه زاد شويه يعني لما كنت بشحن التليفون مثلا وسبته وهو 100% اجي اسيبه وانام اصحي الاقيه 85 % دلوقتي بسيبه بال 9 ساعات اجي الاقيه قل 2% بس ... عموما يارب الشرح يكون كويس وتستفادوا منه

GEOLOGIST

2013-04-03 (02:55:01PM)

طريقة عادية جدا ولا بتعمل حاجة لاعكس بتخلى الجهاز يهمج فى الالعاب وبتسحب كمان من البطارية

ahmedemara014

2013-04-03 (03:24:16PM)

علي فكره انا عاملها و بلعب كل الالعاب ال hd ومفيش اي تهنيج بالعكس دي كل حاجه بقت اسرع عشان الرامات والبرامج اللي بتتفتح في الخلفيه بتتقفل تلقائيا وكمان لما الشاشه بتتطفي البرنامج الاول بقلل استخدام البروسيسور ودي اكتر خاصية بتحافظ علي عمر البطاريه و انا بقول ده عن تجربه شخصية - انت ممكن تكون عملت حاجه غلط

تلك الخدمة مخصصة للأعضاء فقط