بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

semsemSiR

2013-03-27 (10:41:32AM)

انا عملت مشاركة بمشاكل الادفانس , ولقيت ان ثلاث اعضاء هما للى رضوا

وكانت النتيجة كالتالى :

1- عضوين قالوا ان الشبكة ضعيفة احيانا

2- و 2 قالوا ان التليفون بيهنج مع الالعاب التقيلة فى النظام القديم ld3

3- والاخ ousama جاب عيوب التليفون كأوبشن ( ان مافيش فية زووم - توصيل فلاشة )

4- 2 قالوا ان الرامات بتتملى ومحتاجة تفريغ

- طيب تمام كدة

عموما ياجماعة عشان نبقى عارفين حاجة :

لو انت منزل برامج كتييييييييييير , طبيعى لازم تكون الرامات مليانة ومعنى كلمة كتير دية مش 10 ولا 15 برنامج , لا انا بشوف ناس منزلة 40-50 برنامج , وواحد عندة 160 برنامج مش عارف يعنى ياجماعة دة تليفون واى تليفون زية بالظبط واعلى منة كمان فى الرامات لازم يتملى بردة

وعموما حل مشكلة الرامات مش عمل clear لانها بترجع تتملى تانى , لأ حل الرامات انك تقفل البرامج دية من الخلفية عشام ماتفضلش شغالة وتسحب من الرامات وكمان تقصر عمر البطارية

- موضوع الشبكة , دة عند ناس وناس , واغلبيتة بيكون بسبب حاجتين , ضعف فى تغطية المنطقة نفسها , الشريحة قديمة

لكن والله الجهاز قوى جدااااااااااااا كأشارة شبكة فى اضعف الاماكن , انا بنزل بية المترو , والحمد لله بيجيب شبكة وكان معايا تليفون n73 كان مجرد مانزل يقطع شبكة

- موضوع البطارية , بطارية الجهاز دة ممتازة , جدااااا وتكفى للشغل علية بقوة يوم واحد مستريح , ومكالمات لمدة 5 ساعات ونصف

يعنى انا امبارح كانت بطاريتى فيها 51% وكنت قاعد فى العربية ومستنى واحد صاحبى كنت بوصلة مشوار , وقولت اما اقعد اشوف الدنيا فيها اية , لعبت نصف ساعة , وجالى مكالمتين ب42 دقيقة , ببص على البطارية لقيتها 35% يعنى 16% طاروا من ساعة الا ثلث مكالمات و نص ساعة لعب والعاب hd مش عادية مع وضع الشاشة على اعلى اضاءة واعلى صوت , الحمد لله , دية البطارية اللى مش عاجبة ناس كتير

- التهنيج , على فكرة بس للناس اللى ماتعرفش النظام ال ld3 اخف فى استهلاك الرامات من الlk2

واصلا التليفون دة مش بيهنج , انا مش عارف ازاى حد بيقول بيهنج الصراحة , ولا مع العاب ولا مع استخدام , بس عموما ياريت كل اللى معاة التليفون وبيعمل مشكلة التهنيج دية معاة , ياريت يعمل hard format للجهاز كل فترة طالما بتشغل علية برامج كتيييييييير

- مشكلة زووم الكاميرا , والله ياجماعة لو صورتوا الصورة هتلاقيها فى منتهى الجمال وعملتوا تكبير هتلاقوها بجودة عالية جدا وافضل من الزووم , وعموما اهية المشكلة اتحلت فى الجيلى بين

واحانا مستنين بقيت المشاكل اللى موجودة فى التليفون , من اعضاء اخرين

بس انتوا عارفين انا بدأت فعلا الاحظ ان اغلب مشاكلكوا كلها بسبب كثرة التحميل على الجهاز فوق ال 50-60 برنامج

انا عن نفسى عندى حتى الان 10 برامج والعاب فقط لاغير , والرامات استهلاكها واحد ولم يتغير او يزيد عن الطبيعى اخرها معايا 280 ميجا

midoo178

2013-03-27 (03:04:26PM)

والله ده كلام تمام وزى الفل ونفسى اشوف الحماس ده عند ناس كتير مش عارف ليه انت لوحدك اللى متحيز اوى له كده
قولى انت لك حد فى كوريا
اه صحيح مقلتش لى الجهاز ده تقفيله فين

mahmoudabdelatty

2013-03-27 (06:19:02PM)

280MB ezaaaaaaaaaaaaaaaaaay dana 3nde minimum kol ma b3ml clear bynzl 330 t2rebn we b3deha bytl3 tany l7d 490 mn 3'er ma akon fate7 2y app .. ana 3nde el ramat asln 625 jelly bean 4.1.2 ... da keda bl nsba le kalamk ana 3nde karsa 3l mob. !!

semsemSiR

2013-03-27 (06:35:30PM)

ياباشا انا على نظام الجينجر بريد , مش جيلى بين

ثانيا ياريت لو المشاكل اللى عند حضرتك دية من النسخة الجيلى بين ياريت حضرتك تعرف ان دية نسخة تجريبية , ليس الا

لما تبقى تنزل رسمى ساعتها نبقى نشوف مشاكل الجهاز الفعلية , لكن انا كلامى كلة على الجينجر بريد

طبيعى ان الجينجر بريد بيسحب رامات اكتر عشان الاوبشن اكتر وال animation اكتر , امال هما زودا الرامات ل625 ميجا لية ؟؟؟؟

وعلى فكرة حضرتك لو مسكت s2 , s3 اللى راماتهم 1 جيجا , اتفرج على راماتهم عاملة ازاى بالجيلى بين , بتوصل الرامات ل660 ميجا بدون برامج من اصل 826 ميجا لل S2 و 780 لل S3

يعنى ياجماعة دة الطبيعى بتاع كل التليفونات , مش عارف لية محسسنى ان التليفون دة هو الوحيد اللى راماتة بتعلى والباقى كلة شغال ب100 ميجا برامات

على فكرة يعنى دة سبب نزول الجيلى بين 4.2.2 عشان موضوع الرامات دة