بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

midoo178

2013-03-26 (12:27:59PM)

والله انا متضايق جدا ومحبط لانى سالت ناس كتير مهندسين صيانه وشغالين فى سامسنوج وقالوا لى اوعى تجيب ادفانس لان مشاكله كتير ومحددوش ايه هى هما قالوا ال s 3 mini افضل بكتير وانا اصلا كنت معجب جدا بالادفانس ده ولغايه الان مفيش جهاز مناسب وسعرة مناسب زى ده
ومش عارف اعمل ايه محتار جدا وخايف اجيبه يكون وحش او مشاكله كتير بس الواضح من التعليقات هنا انه له مشاكل مفيش اجماع عليه
مش زى s3 mini بس مشكله المينى ان شكله مش عاجبنى خالص
رساله الى الاستاذ سمسم /
انا خايف لتكون انت لوحدك اللى عندك الادفانس مفيهوش مشاكل حاله فرديه والباقى يكون كله عنده عيوب يعنى ممكن تكون انت الحاله الفرديه والمشاكل هى الاساس
والله اعلم

semsemSiR

2013-03-26 (01:29:04PM)

طيب انا هقولك لحضرتك حاجة , طالما محدش قالك مشاكل بعينها يبقى مع احترامى لارائهم بيقولوا اى كلام

اولا التليفون مع ناس كتيييييييير , جدا واخر شكواهم الشبكة ضعيفة فى بع

midoo178

2013-03-26 (01:44:20PM)

يا سيدى انا مش ضد اى حد انا بس حابب اعرف الحقيقه فين وانا فعلا معجب بالتليفون ده جدا جدا جدا بس الناس دى شغالين فى صيانه سامسنوج يعنى كل الاجهزة مفتوحه قدامهم وعارفين كل حاجه

capoza

2013-03-26 (01:50:42PM)

انا معايا الفون من ٣ شهور ومش قابلنى مشاكل غير الى قولتها بس مش عارف لى فعلا مشاكل بدات تزيد الايام ده من الناس

midoo178

2013-03-26 (01:55:31PM)

بس شكلها كده هترسى على المينى مع اللاسف او استنى شويه واديها s2 علطول

midoo178

2013-03-26 (01:57:10PM)

المفروض اى شركه محترمه بتنزل تليفون محترم وسعرة مش رخيص خالص متكونش نسبه العيوب والمشاكل اللى فيه عن 1% لكن كده كتير اوى

semsemSiR

2013-03-26 (03:19:46PM)

طيب اولا مه احترامى لرأى الناس اللى حضرتك سألتهم بس طالما ماقالوش على عيب معين يبقى هما معندهمش دليل على اى حاجة

وبالنسبة لمشاكل التليفون الشائعة ان فية بعض الناس بتشتكى من ضعف الشبكة فى الاماكن ضعيفة التغطية , وان الرامات بتعلى معاهم بس تيجى تسألهم يقولك انا منزل برااااامج كتير جداااا

يعنى مثلا محدش اشتكى من كاميرا - صوت - عيوب فى النت - شاشة , كل دة الحمد لله سليم فى كل الاجهزة

وكل الحاجات دية مشاكلها تم حلها بحلول بسيطة جداااااا , وبردة بكرر مش كل الناس عندها المشاكل دية , فية ناس كتير فى تعليقاتها معندهاش مشاكل الحمد لله

وفية ناس تانية اول تعامل ليهم مع اندرويد عشان كدة صعب عليهم التعامل معاة كنظام

اللى بيقولك بقى ال S3 mini افضل من الادفانس , عندك الاخ capoza معاة التليفونين فى البيت , وهو يقولك مين افضل , هو قال عموما ان الادفانس افضل بس ممكن تسألة تانى

- انا الحمد ماعنديش مشاكل فى الادفانس عشان بعرف اتعامل كويس مع الاندرويد مش اكتر من كدة , واللى عندى عند الناس انا مش مصنعنلى تليفون مخصوص يعنى , وعلى فكرة لسة واحد صاحبى مشترى ادفانس من اسبوع تقريبا , والتليفون ماشاء الله علية مافيش فية الهواء

تلك الخدمة مخصصة للأعضاء فقط