بدون عنوان

ليش 1000 جنيه إنت مامعاك ضمان؟؟؟؟؟

اكيد شاري موبايلك من غير ضمان انا عن نفسي حصلت مشكله في وحده الصوت وغيروها بدون اي مصاريف والموبايل معايا بقاله خمس شهور وماشاء الله عليه

ع فكره لو بضمان مكانوش قالوولك بفلوس

هيا المشكله ف ضمان ولا غير ضمان دلوقتي يا جماعه.المصيبه بيقولك انو صاحبه محافظ عليه والجهاز توقف فجاءه دي اكبر كارثه .الي مضايقني بجد ان الجهاز فيه مشاكل ملحوظه وناس كتير بتشتكي منها واولها انا طبعا واجهتني المشاكل دي .الشبكه ضعيفه وكمان الصوت والكاميرا بالليل زباله والرامات دايما عاليه جداااا واوقات الجهاز بيهنج وفيه زنه ف المكالمات احيانا ده غير انو شاشته الي عملو عليها فيلم انها ضدد الخدش طلعت مقلب كمان ههههههههههههههه ول ده وتيجي حضرتك تعرض مشكلتك هنا يقلولك. دي حالات فرديه ؟ مش يمكن حضراتكم الي معاكم اجهزه من حالات فرديه فعلا يلي بتعارضونا وخلاص لدجه بقت واضحه جدااااااا .احنا بنقول ع حقائق واجهناها بانفسنا وحضراتكم بتحسسونا اننا من المريخ وتقولولنا دي حالات فرديه .؟ع كده بقا احمدو ربنا انكم مش من الحالات الفرديه دي والا كانت تبقا كل الادفانس زباله . وانا بقولكم كده والله العظيم عن تجربه شخصيه حصلت معايا ومش بعقد حد من الموبايل ده . بس زي ما فيه عيوب فيه مميزات . ومن واقع تجربتي فيه انا ندمت اني اشتريته بجد و كنت عارضه للبيع هنا ومنزل فيه لحد 1500 جنيه عشان اخلص منه ومحدش للاسف رضي يشتريه ونويت اني اكسره وربنا يعوض عليا

فعلا الموبايل دا فيه مشاكل كتير
اولها الشبكه مش قويه زي اي موبايل تاني
الرامات محتاجه تفريغ كل شويه
و انا عندي جلاكسي تاب 1 راماته 512 لاكن احس انها احسن من الادفانس
الزوم في الكاميرا مش موجود
اشك ان الجيلي بين هينزل السنه دي
التهنيج كتير جدا و سعات التليفون بيقف لوحده
في الاخر مفيش غير عضو واحد هو اللي بيقول حالات فرديه ر بيدافع عن الجهاز كانه واحد من قريبه و مش عارف ليه و بينصفه في مقارنات كتير ظالمه
و الله حرام الواحد يقول كلمه غلط و واحد تاني يدفع كل اللى فى جيبه و يندم و يكره الموبايلات كلها

طبعا تقصد سمسم هههههههههههههههههههههههههههه بس هو اكيد بيتكلم عن تجربته هو للفون وكمان فى 2 من اصحابه معاهم نفس الفون بس عموما موضوع الكاميرا والصوت والله انت ملكش حق لان كاميرا وصوت كويسين والشبكه والله عندى كويسه مقبلنيش الا مشكله وحده وهى ان لم بتكلم بالهند فرى بيعمل ذن عند الطرف الاخر ولقتلها حل الحمد لله والله هو تليفون كويس وشاشه ضدد الخدش او لا مفروض كده كده تحط سكرين على تكون انتى كلير وفيلب كفر كمان وبجد هو فون كويس

انا معنديش غير مشكلة واحدة بس الحمد لله انه كان بيهنج كيتير و مرة واحدة مبقاش يهنج خااااااااالص ههههههههههههه بس كدة :)

اولا ربنا يعوض عليك

ثانيا : معنى مشكلتك دية ان الجهاز بدون ضمان , وللاسف كتير من الاجهزة اللى بدون ضمان فيها مشاكل

ثالثا : فية ناس معاها التليفون لمدة تسع شهور ومحصلش فية الهواء , وفية ناس العكس , ودة عشان كل واحد بياخد نصيبة , والدليل على كدة هل كل الاعضاء اللى هنا اللى موبايلهم عدى علية شهرين فأكثر حاجة حصلتلهم لا قدر الله , اكيد لأ طبعا , يبقى دية حالة فردية
زيها زى لما تجيب هارد كمبيوتر ويجيب ميديا بعديعا بشهر ونوعة wd هل كدة كل ال wd وحش والناس تجيبة ؟؟؟؟

- مثال اخر انا صاحبى كان جايب s3 من الخارج وبوردتة اتحرقت لسبب غير معلوم , هل دة معناة ان ال s3 وحش ؟؟؟؟ اكيد لأ طبعا بس دة عيب صناعة ماينفعش نعمم علية كل الموبايلات

رابعا : مشاكل الهاتف اللى الاستاذ alielderpy عرضها هو بيقول ان كاميرتة وحشة بالليل وصوتة وحش , وبيهنج كتير , وان شاشتة ضد الخدش , وبيقول ان الناس بتدافع عنة كأنة واحد من قرايبة

ماشى الاستاذ capoza مش انا هو اللى بيقولك بنفسة انة ماقابلش اى حاجة من دية غير مشكلة واحدة فى الهاند فرى , يعنى دية بردة حالة فردية عندك لانك الوحيد اللى بتشتكى من العيوب دية , هو انا هضحك عليك لية , حد هيدينى فلوس لما يشترى الادفانس ولا الشركة هتدينة فلوس ؟؟؟؟

موضوع الشبكة مش قوية اللى عندة المشكلة دية قولنا حلها اية , والحمد لله مش موجودة عند ناس كتييييييييير اوى وانا منهم

- الاستاذ ousama : يعنى رامات محتاجة تفريغ كل شوية ؟؟؟؟ ياريت توضوح انت منزل كام برنامج عشان هو دة الفيصل فى موضوع الرامات , انا متهيألى صورتلكوا الرامات عندى كام وبالنظام الجينجر بريد المعدل عشان انتوا بردة قولتوا فية مشاكل والحمد لله نزلتة ولا فية الهواء وجامد جدا وجميل جداااااا

- انا عمرى مااحتاجت زووم الكاميرا على فكرة , لانة فى اى تليفون بيبوظ الصورة

- التهنيج كتير بيعمل معاك اية ؟؟؟؟؟؟؟

- عموما ياباشا ربنا يعينك على مشكلتلك , وتخلص من التليفون دة على حير لان من الواضح انة كلة مشاكل

بس ياريت ماتعمش المشكلة عشان دية بردة حالة فردية

يا capoza انت معاك التليفون شايف حاجة انا بقولها مبالغ فيها او غير مطابقة للواقع : يعنى نمشى مع بعض واحدة واحدة :

1- الشاشة انا شايف انها روعة وجميلة جدا كألوان واضائة ورؤية تحت اشعة الشمس ( عندك رأى تانى )

2- البطارية : الحمد لله استخدامى كل يومين بعمل الاتى : 5 ساعات مكالمات - نت لمدة ساعة - شاشة على اقصى قوة - اغانى - العاب وبتيجى عند اخر اليومين وبيتبقى فيها 8% بخلصهم لحد 2 % وبشحن التليفون ( عندك رأى اخر )

3- سرعة الجهاز : بيشغل اى العاب منتهى السلاسة - مافيش تهنيج نهائى ( عندك راى اخر )

4- الكاميرا : والله كانت فى مقارنة مع ال S3 صاحب التليفون نفسة شك ان الكاميرا دية 5 ميجا بيكسل لان الفرق فقط كان فى الالوان اتقل لصالح ال S3 ( عندك رأى اخر )

5- صوت التليفون : اللى بقى ملاحظ هيلاقى ان صوت التليفون وهو جديد صوتة بيكون منخفض شوية , لكن بعد كدة الصوت بيعلى وبيعلى بضمير كمان , والصوت نقى جدااااا وممتاز جداااا ( عندك راى اخر )

6- انا الحمد لله الشبكة معايا زى الفل الحمد لله ماشاء الله فى اى حتة وفى اى مكان ( عندك رأى اخر )

اللى عايز يجاوب بقى على الاسئلة دية من وجهة نظرة دة اللى انا شايفة فى الجهاز

واصدقائى كمان يا capoza وعلى فكرة زادوا 1 امس يعنى بقوا ثلاثة

انا حاسس كده ان فيه ناس مكانتش معانا وداخله لاول مره وعامله اكونتين عشان تجيب داغ الفون ده بس ما علينا يمكن اكون ظنيت

اولا انا الموبايل معايا بقاله فتره مش كبيره اوي وعمري ما اشتكيت منه نهائي
انا اول مره اتعامل مع الاندرويد اصلا ومكنتش بجيب غير النوكيا
وعامة اي نظام اندرويد بيستهلك بطاريه ده اساسي
ولما تقول بورده اتحرقت يبقا ده عيب صناعه م الشركه ولما كمان يبقا م غير ضمان يبقا زي ما سمسم قال اغلب اللي م غير ضمان بيبقا اجهزه ممكن يكون عيوبها كتير ونادراً ماتلاقي جهاز ماتحتاجلوش ضمان

انا بالنسبالي ده افضل جهاز السعر مقابل الاداء

وموضوع الشبكه ده عمره ماحصل معايا ابداً ف الاماكن اللي كان فيها النوكيا ذات نفسه كان بيجيب شبكه ضعيفه وده لاني غالباً مبروحش غير الاماكن دي كافيهات او مولات و المترو

2013-03-13 (10:59:41PM)alielderpy
لو سمحت يا سمسم رد عليه بسرعه فى المشكله اللى أنا فيها دى
أنا عملت فورمات للجهاز من الرقم اللى انت قولت عليه وبعد كده جالى ان فى تحديث حوالى 9 ميجا سبته يتعمل وبعد كده الجهاز مش راضىى يشتغل نهائى ومش بيستجيب لأى حاجه حتى الفورمات ولما بوصله بالشاحن برده ولا بيتأثر يعنى تحس انه مش واصله كهرباء أصلا .
أرجوك رد عليه بسرعه عشان أنا مخنوق قوى قوى قوى..... / كلام مين ده مش كلامك انت يعنى انت اللى عملت فيه كده؟؟؟؟؟؟؟؟؟؟؟

2013-03-14 (07:15:41AM)alielderpy
المشكله انه من قطر يعنى ملهوش ضمان هنا فى مصر
وبعدين الموت المفاجئ دا يتعالج ازاى لو سمحت// يعنى حضرتك بوزت الجهاز
وجاى تسؤ سمعته هنا

الاستاذ MoDy92 االي بيتهم الناس بالظن السيء بقولك اولا .دي مش اول مشاركه ليا هنا وشوف المشاركات القديمه وبعدين انا واحد من الناس ههاجم الموبايل ده ليه مثلا ؟ يعلم الله بما في خاطري وانا بقول الحقيقه وواقع استخدام للجهاز ده واذا كنت قولت ع مشاكلي م الجهاز ده فمن تجربتي ليه لمده اكثر من 3 شهور وانا كنت بتابع ردودكم واستفسارات كل الناس الي هنا وجيبت الموبايل والله العظيم بسبب مدحكم الذائد فيه ودلوقتي بقول ع كل شيء انا مريت بيه عمليا وبالتجربه تبين لي ان شبكته ضعيفه فعلا معي وعملت كل شيء انتو قولتو عليه وغيرت الشريحه وغيرت وضعيه الشبكه وعملت تحديث جيلي بين وروت وكل ده وانا متابع لردودكم واستفساراتكم ولم يتغير شيء والرامات دايما عاليه جداااااااا وعملت كل الي بتقولو عليه من ضبط مصنع وتفريغ لملفات الداتا وبدون برامج ولا العاب ومازالت الرامات عااااليه والصوت اقسم بالله معليه ع الاخر وحاطط نغمه عاليه ومش بسمع الي بيتصل بيا وبكون م اصحابي ومحدش بيسمع صوته الا بالصدفه .والكاميرا واقسم بالله كنت بصور ف فرح بالليل وكنت مكسوف من تصويرها بجد زباله وبتطلع العيون حمراء ف الصور والفيديو وبتعمل اوقات رعشه من الاضاءه ف الفيديو حتي مع التحديث للجيلي بين والبطاريه لحد دلوقتي مبتكملشي معايا يوم مع الاستخدام وخصوصا النت ومش حاطط والله ولا لعبه لاني مش من هواه اللعب مفيش غير 5 برامج بس والشاشه كنت مركب عليها اسكرينه وبعد فتره لقيت شكلها مش كويس واول لما شيتها اتخدشت بس الحمد لله خدش بسيط وجيب له جراب . المهم ان كل ده من تجربتي الشخصيه لموبايلي انا مش موبايل حد منكم يعني حضرتك متتهمشي الناس بالظن وتقول عايزين نوقع الجهاز والكلام الفاضي ده ولو عايز كل الي يشاركو هنا يمدحو ف الجهاز اتكلم عن نفسك انت حر بس انا بقول تجربتي الي هيحاسبني عليها ربنا عشان الناس الي بتشتري الجهاز طبعا من واقع الردرو وبصراحه كده فيه ناس كتيررررررر اشتكت من الي قولت عليه وزياده وكل لما اشوف ردود عليهم الاقي (دي حالات فرديه) يبقي كل الناس حالات فرديه ماعدا الي بيدافعو عليه بشكل ملاحظ جداااا . وانا اقسمت بالله انها حقيقه تجربتي وعملت كل ما في استطاعتي من حلول دون تقصير و الي عايز يصدق يصدق والي مش عايز يقتنع هو حررر برائيه بس بلاش يتهم الناس بالظن السيء وانا قولت انو كل جهاز ليه مميزات وعيوب وانا كتبت عيوب الجهاز الي واجهتني وعموما مميزاته حضراتكم مش مخليين الجهاز فيه عيوب ولله الحمد والف شكرا لحضراتكم جميعا ولو بتزعلو من شكاوي الناس للموبايل بلاش نكتب مشاكلنا هنا لان الشكوي لغير الله مزله

يا استاذ ميدو
أولا انا مش بسوء سمعة الادفانس لأنى كنت مقتنع بيه جدا
ثانيا أنا معملتش حاجه الفورمات ده شئ عادى كل الناس بتعمله بس يمكن حضرتك ملكش فيه
ثالثا أنا مليش 50% من أسهم شركة نوكيا أو اتش تى سى عشان أشوه سمعة تليفون بالباطل
رابعا يا ريت حضرتك تفهم الكلام كويس مش تعمل قص ولصق وخلاص

أخ alielderpy جهازك خرب من التحديث الهوائي اللي ما ينصح بيه أصلا وبسبب مشاكل , يعني مش عيب من الجوال....اما بقيت المشاكل مش عارف إذا كانت بعض الاجهزة فيها خطأ مصنعي , وهنا بتجي فائدة الضمان .....

بعدين ياأخ alielderpy هو جهازك حتى لو كان من قطر , الضمان اللي مع الجهاز مش المفروض يكون دولي ؟؟؟؟؟؟؟

استاذ سمسم
انا مقدر حبك الشديد للموبايل دا
بس الحقيقة بالنسبه ليا و بالنسبه ل اتنين أصحابي
ان البطارية ضعيفه و واحد صحبي بيقولي ضعيفه جدا
بالنسبه للبرامج و الالعاب انا محمل 16 و اغلب اصحابي محملين +20 و اجهزتهم راماتها 512 و أصحاب الايفون بيحملوا +50 و اجهزتهم زي الفل 'انا عارف ان دا نظام
مختلف'
بالنسبه للزوم ف مش مشكلتي ان حضرتك مش بتستعمله لان اغلب الناس محتاجه الزوم
و بالنسبه للموضوع الضمان فاحب اوضح ان كل الاجهزه معرضه للتلف و الضمان بيصلح مش بيستورد منتج افضل و يمكن الاستاذ اللي تليفون مات اشتراه من بلد تانيه بضمان اجنبي
بالنسبه للشبكه ناس كتير بتشتكي منها و حضرتك مصمم انها حالات فرديه
و على فكره انا مش ناوي ابيع التليفون و اخسر فيه
انا في المنتدى هنا علشان افيد الناس بالحاجه اللي انا عارفها و استفاد منهم بالحاجه اللي معرفهاش
احنا هنا بنكمل بعض مش بنروج لسلعه بالعافية و نقول حالات فرديه

ياجماعه قسماً بالله لا حب زياده ولا احنا بنقنع الناس تشتريه عافيه

الموضوع ومافيه ان انا ماحصليش الحمد لله كل اللي اتقال هنا وفيه ناس كتير كمان مش هيحصلها ده

وبالنسبه لموضوع الزوم نازل مع الجيلي بين خلاص

وبالنسبه لموضوع الرامات انا الرامات عندي قليله مهما نزلت العاب ومعما مليت الجهاز اهم حاجه تقفل اللعبه او البرنامج اللي كنت مشغله خالص م الباك جراوند عشان الرامات المليانه تقل شويه

يا mody92 , انا منزل 6 العاب دلوقتى منهم العاب عالية وفى الاخر عمرى ماشوفت الرامات بتزيد عن الحد بتاعها , اخرها 280 ميجا ويوم مابتزيد وانا داخل على النت او محمل maps بتوصل 320 ميجا كحد اقصى

البطارية اللى بيقولك ضعيفة دية واقسم بالله والحمد لله يومين استخدام منهم 5 ساعات وزيادة تحدث بس , غير بقى بقيت الشغل اللى على الجهاز

انا عمرى ماشوفت بطارية سمارت فون زى التليفون دة بجد " الحمد لله "

- بالنسبة بقى للاستاذ osama ياباشا انا بقولك انى مش بحتاج الزووم عشان حاجة واحدة , ان الموبايل كاميرتة انا بصور بيها وبعمل زووم بعد التقاط الصورة , وطبعا بيبقى احسن بكتير من الزووم اللى بتعملة قبل التقاط الصورة ( عرفت ياباشا الفرق )

- انت بتقول 512 ميجا استهلاك الرامات " معلش ياباشا لا يمكن اصلا يوصل عندك الرقم دة لان طالما وصل ل512 لازم يعمل force close للبرامج وهتلاقى الموبايل بقى فية hang كتير اوى وتقريبا هيقف

- ياباشا مافيش حاجة اسمها بحب التليفون وبقدر زائد والكلام دة , انا فية حاجة واحدة اعرفها ان تليفون كويس اقول مميزااتة واديلة حقة , فية عيوب هقول فية عيوب

- هقولك حاجة مثال بسيط : انا اخو صاحبى اتسرق من الادفانس وبعديها تقريبا بشهرين ومن حبة فى التليفون اشتراة تانى زيرو , فأنا بقولة يابنى ماكنت تغير بيقولى التليفون دة جاااااااامد جدااااا وفية كل ماتتخيل , دة واحد بقى لو كان لاقى عيوب واجهتة فى الجهاز ومش عاجبة مش كان فكر على الاقل فى ال s3 mini او ال s2

شوفوا ياجماعة عشان بس تبقوا عارفين دة فى الاول وفى الاخر تليفون لية عيوب ومميزات ولية قدرات , بس قدرات التليفون دة على سعرة دة , تخلية فى مرتبة محترمة جداااااا كا users يعنى هتلاقى سمارت فون بجد بيعملك كل اللى انت عايزة بمنتهى السلاسة والبساطة وبدون اى مشاكل , اللى بقى بيواجهة مشاكل دية مشكلة أما عيب استخدام لان طبعا معظمنا خارج من نوكيا فالدنيا مختلفة , او بيحمل برامج غير امنة بتجيب فيرس للجهاز , استعمال خاطىء للبطارية

زى مثلا الاخ ali : انا قولتلة اعمل فورمات للجهاز , واشتغل معاة زى الفل لحد هنا مافيش مشكلة تماما

لاقى تحديث على الكيز , راح منزلة واحنا اصلا منبهين محدش يعمل التحديث من على البرنامج

وفى الاخر بيعيب فى التليفون لان التليفون اكيد حصلت مشكلة فى تحميل الملفات فال chip اللى بتكون مسئولة عن تخزين النظام عليها لو التحميل قطع فجأءة او البيانات ماكتملتش كل ال Data بتاعتها بتروح , ودة اللى حصل هو غلط غلطة كبيرة اوى ( ساب التليفون وهو بيحمل ومعرفش راح فين ) وطبعا دة اكبر خطأ

وفى الاخر بيقول ان دة عيب التليفون ههههههه ياباشا ادخل على كل المواقع هتلاقى اى خطأ بيحصل فى اى جهاز اثناء تنزيل النسخة الجهاز بيطير فورا ايا كان الجهاز

وعموما ياباشا قولتلك كلمنى عشان انا كلمت واحد متخصص فى الحاجات دية وان شاء الله هيعملة بدون فتح للجهاز بس هيشوف المشكلة الاول

- ثانيا حضرتك يأاستاذ على قولت ان التوكيل قالك ان البوردة ب 1000 جنية ودة مش سعر البوردة لان البوردة سعرها 3/4 ثمن الجهاز يعنى بالتقريب كدة 1600 جنية

سمسم رد رد قاطع اهو

السلام عليكم أولا .. أنا بأه أحد رواد هذا الموقع للتعلم فقط ولم اضيف معلومة لأحد لإعتقادى ان هناك أشخاص افضل هيردوا الرد المناسب بس من خلال دخولى كل يوم ع الموقع لاحظت فالفترة الاخيرة الشكوى من الجهاز فحبيت اشارك برأيى الذى لا يعنى الصواب ولكنه من خلال تجربتى كما انا لى خبرة ليست بالقليلة فى مجال المحمول لأنى كنت امتلك محل لمدة اكثر من عشر سنوات واجيد صيانة بعض انواع المحمول واحقاقا للحق الاخ سمسم مش منزل من السما الراجل بيساعد على قد ميقدر وعلى قدر معرفته وهو بالفعل من الناس اللى افادتنا كلنا

اولا: موضوع الشبكة اعتقد انها ضعيفة قليلا فى الاماكن ضعيفة الشبكة ولكن ليس بالشكل المزعج
ثانيا: اى موبايل عالى من الطبيعى انك تتبع تعليمات السلامة يعنى تجيبله جراب وسكرينه تحميه
ثالثا: البطارية ولا اروع فهى فعلا بتوصل 3 ايام بدون نت والعاب يعنى بالمكالمات بس ولكن بالنت واللعب ممكن متكملش اليوم لأن الموبايل اصلا مش للالعاب, وكمان ممكن اللى بيشتكى ده يسأل نفسه هل هوه شحنها صح اول ماشترى التليفون ولا هو اصلا غلط وبينفس غضبه ف الجهاز لأنه حاسس بالفشل وزعلان على فلوسه
رابعا: الرامات ودى عن تجربتى وخبرتى القليلة جدا مع هذا النوع من الأجهزة بالمقارنة بخبراء المنتدى انا لاحظت ان بعض التطبيقات بتعلى الرامات لأنى انا من هواة البرامج جدا وبشكل غير عادى ولكن انا ليا طريقتى انا مش بعتمد على كلام فرد يعنى انا ببحث كتير قبل ماخد قرار وبشوف رأى الأغلبية واخيرا راحتى الشخصية فجربت الفورمات وفعلا الرامات نزلت ورجعت لشكلها الطبيعى ولكن مع كثرة التطبيقات بقت بتعلى تانى لأن فى بعض التطبيقات فعلا بتعلى الرامات جدا ولكنى مشغلتش بالى انى اكتشفها لأنى اكتشفت ان الجهاز لم يتأثر بارتفاع الرامات بمعنى انه شغال بنفس المستوى فبكده ميفرقش معايا عالية ولا واطية بما ان الجهاز أداؤه لم يتأثر
خامسا: الجهاز ده اسطورة فعلا بالمقارنة بامكانياته وسعره واقسم بالله ان صحابى معاهم اس 2 وبيشتكوا منه جدا فانا شايف ان الادفانس هو اللى يستحق سعر الاس 2 وليس العكس
سادسا: الاخوة اللى بيشتكوا من الجهاز بشدة لو راجعوا تعليقاتهم بالفعل هيطلع سوء استخدام بدون مندخل ف تفاصيل وكمان مننساش النصيب يمكن ملكش نصيب ف الجهاز
سابعا: الجهاز ده ب 2000 جنيه فهو اسطورة بالنسبة لسعره واللى عاوز اعلى يشترى جهاز ب 5000 وبرضوا هيلاقى عيوب لأنها اذواق وطبعا انا مذكرتش مشكلة الزووم برضوا لأنها اذواق
وأخيرا أنا أول مرة ف حياتى اشترى تليفون يحمل علامة سامسونج ودائما بستخدم سونى اريكسون ونوكيا بشكل كبير ولكنى زهقت من عقم النوكيا فى مواكبة التطور وزى مذكرت انا مغرم بالبرامج اللى ياما تلفت اجهزة بسببها ولكنى مجتش يوم واعبت على جهاز انا من اتلفته لسوء استخدامى, ولما كنت نازل اشترى تليفون جديد كنت هشترى بلاك بيرى أو سونى اريكسون ارك ولكن اصدقائى اصحاب المحلات نصحونى بهذا الجهاز رغم انى مكنتش راصد رقم معين للتليفون يعنى كنت ممكن اشتريت بأى سعر ولكن بالمقارنة وبحكم خبرتى ف مجال المحمول وجدت ان سعر الادفانس يعتبر صفقة حتى الان فاشتريته ومازال يبهرنى حتى الان ويعالم فى عيوب ولا لا ولكنه حتى الان يرضينى وفى النهاية الصفحة دى كانت صاحبة القرار النهائى انى اشترى الموبايل ده. واقول لسمسم متزعلش من تعليقات الاعضاء المختلفين ف الرأى معاك كلنا اخوات واقول للأعضاء المختلفة مع سمسم ف الرأى اتأكد أولا ان العيب مش فيك وثانيا اختار كلماتك ولا تحمل شخص مشكلة بعينها والا انت تبقى مش انسان لأن الانسان عنده مخ ولانك انت اللى اخترت مش حد اختارلك

وأعتقد إن شحن التليفون عن طريق الكمبيوتر أفضل من شحن الكهرباء لأن تيار الكمبيوتر ثابت تماما ولكنه بطئ عن الشحن بالكهرباء مباشرة