بدون عنوان

للرجوع الي صفحة سامسونج Galaxy S Advance I9070 الرئيسية اضغط هنا

shahysleem

2013-03-11 (10:01:07PM)

شكرا لردودكم جداااا
بس يا استاذ سمسم ليه انا شايفه التي في مواقع موجود و سعره 2415 و طبعا السعر ده قليل اوي على امكانياته فكنت عاوزة أتأكد
و بصراحة محتارة اختار أي موبايل و يا ريت تفيدوني عشان كل ما يعجبني موبايل و اقرا التعليقات اللي تحته اتعقد منه انا دلوقتي محتارة بين سوني اكسبيريا p و s ادفانس و اخر حاجة lg l9
و اهم حاجة عندي في الامكانيات شاشة كبيرة و كاميرا حلوة في التصوير خصوصا بالليل و بطارية كويسة

semsemSiR

2013-03-11 (11:14:41PM)

هو التليفون دة سعرة فى المحلات 2250 - 2300 جنية , وسعرة فى التوكيل 2350 جنية

وفعلا هو تليفون ممتاز جدااااااا فى كل حاجة وافضل تليفون كاوبشن مقابل السعر بل بالعكس سعرة قليل شوية على امكانياتة

بالنسبة لمتطلباتك فى التليفون :

1- اكسبريا p وادفانس كويسين جداااا فى الكاميرا لكن ياتى اخيرا ال lg

2- بالنسبة لحجم الشاشة طبعا ال lg 4.7 inch مقابل 4 inch للاتنين

3- البطارية افضل واحد فيهم الادفانس ثم السونى وال lg فى مستوى واحد

شوفى هو عشان تبقى عارفة عيوب الادفانس هية كالاتى :

1- الكاميرا مافيش فيها زووم ولكن فقط فى ال GINGER BREAD لكن مع تحديث الجيلى بين اللى نزل اصبح فية زووم فى الكاميرا

2- يمكن كان المفروض رامات التليفون دة تبقى 1 جيجا لكن راماتة الصراحة ممتازة وبتشغل اى حاجة مهما كانت

هتصدقى لو قولتلك مافيش عيوب تانى فى الجهاز

مميزات الادفانس :

1- شاشة فى غاية الروعة والجمااااااااااال

2- تاتش فظيع جامد جداااااااااا مافيش فرق بينة ولا حتى 0.1 وبين اغلى تليفون موجود فى السوق

3- صوت كويس مش عالى ومش واطى زية زى اى تليفون اندرويد ويمكن اعلى كمان وكمان نقى جدا

4- سرعة ممتازة فى تنفيذ كل المهام وتشغيل اقوى الالعاب ال HD بمنتهى السلاسة

5- البطارية ممتازة , والله لسة انهاردة التليفون عامل بالظبط يومين و23 ساعة يعنى 3 ايام , بمكالمات عددها 5 ساعات وريع + تصوير 5 دقائق + عرض افلام + اغانى + ربع ساعة نت

6- صوت مكالمات نقى جدا وعالى جداااااااا

7- كاميرا ممتازة وماتقدريش تقولى ابدا ان دية كاميرا 5 ميجا ابدا , والله انا قارنتها مابينها وبين S3 وصاحب ال S3 نفسة بيقولى انا مش لاى فرق غير بس الوان ال S3 افضل شوية بسيطة

دية كل المميزات والعيوب ولك حرية الاختيار

shandidi

2013-03-13 (03:43:50PM)

اشترى اكسبيريا بى احسن من الادفانس فى الرامات والكاميرا ومتانة الجهاز الاكسبيريا بى مصنوع من الالومنيوم الادفانس ميزته الوحيدة انه بيقبل ميمورى كارد اما الاكسبيريا بى فلا يقبل ميمورى لكن ذاكرته الداخلية 16 جيجا يعنى كويسة قوى

تلك الخدمة مخصصة للأعضاء فقط