هذا الموضوع مرتبط بـ Galaxy Note N7000

بدون عنوان

MOKHAFAGA

2013-02-25 (06:59:48PM)

السلام عليكم ياجماعه عندي أستفسار وبرجاء الأجابه بدون تحيز
أنه أفضل من حيث الأستخدام ال4x hd p880 ولا ال Sony Xperia SL ولا Galaxy Note One مع العلم أني ليا تاريخ مع سوني جيد جدا وكل أجهزه الموبيلات للأسره من سوني بالإضافه إني كان معايا HTC Sensation XE بس بعته لأن خدمه الدعم والتحديث أقل من المستوى بس التيليفون كان ممتاز جدا
فأنا بفكر أغير الموديل ومحتار فبرجاء الأفاده وبدون تحيز لماركه من فضلكم وأسف على الأطاله
مع تحياتي وشكرا

temoooo

2013-03-01 (01:26:47AM)

ربنا يخليك يا استاذ ahmedaliyossef2010 وحضرتك عضو محترم واحنا بنتقانش وكل واحد بيقول وجهه نظره بادب واحترام و مفيش حاجه او اي خلاف و ربنا يوفقك يا استاذ mokhafaga لااحسن حاجه و اهم حاجه انك تقارن بنفسك وتشوف مين اللي انسب ليك

kariam

2013-02-28 (05:28:21AM)

العفو يا اخ MOKHAFAGA كلمنى انته بس وصدقنى انا هفيدك اكتر ف الموضوع دها وهخليك تجييب جهاز محترم جدا ورقمى 01005559921 وعمتن انا مع حضرتك ف اى وقت

ahmedaliyossef2010

2013-02-28 (01:07:46AM)

أتمنى نكون أفدناك

و أنا و الاستاذ تيمو اتناقشنا قبل كدة فى الموضوع ده عادى جدا و الحمد لله مفيش أى حاجة و هو ما شاء الله عضو محترم جدا

بالنسبة لكلام حضرتك فطبعا كلامك صح

و برضه عاوز أقول حاجة البروسيسور فى الوان قوى جدا مع انه ثنائى النواة و كمان أقوى من الموجود فى 4x مع انه رباعى

و أتمنى ان شاء الله يكون اختيارك صائب :)

MOKHAFAGA

2013-02-27 (11:48:53PM)

أ/ كريم شكرا لأهتمامك
أنا مافكرتش خالص في one X علشان سعره مع إنه قوي جدا
بس لو فعلا ممكن أجيبه بسعر حلو زي ما أنت بتقول يبقى يستاهل التفكير مع العلم أني حاطط ميزانيه ماتزيدش عن 3200
ولو كده هاتصل بيك إن شاء الله

MOKHAFAGA

2013-02-27 (11:45:30PM)

شكرا ليكم يا أستاذ أحمد وياأستاذ تيمو والأختلاف في الرأي لا يفسد من الود قضيه ههههههه
أنا عملت تجربه مع نفسي لأني ماسكتش غير لما لقيت حد معاه X4 ومسكته وقعدت أقلب فيه هوه فعلا تيليفون محترم جدا وشاشته تحفه وكمان الفينش بتاع الجهاز بدرجه جيد بس لا يرتقي بصراحه لخامات السوني أو الأتش تي سي ورحت أنا وصاحبي اللي معاه التيليفون لفرع من فروع فودافون عند واحد زميلي وخليته شغلي ال one S وقارنت الأثنين ببعض وكانت ملاحظاتي :

1- ال 4X سريع جدا.
2- ألون شاشه ال One S أقوى واحلى
3- صوت الOne S أعلى وأنقى
4- البطاريه الأثنين تقريبا واحد
5- سرعه النت 4x سريع بس ال One S طلقه
6-كاميرا ال One s مذهله بكل المقاييس والأوبشن اللي فيها أعلى من ال 4X وده مش معناه أن ال 4x ضعيفه بس أقل في الأمكانيات
7- الخامه طبعا لل One s
أخيرا أقدر أقيم الأثنين بالدرجات
ال HTC One S ياخد 8.5
ال LG 4X ياخد 8
ودي وجه نظري وأسف لأي غلط أكون كتبته
وإذا أتكلمنا بالنسبه للدعم والتوكيل يبقى أتش تي سي

kariam

2013-02-27 (02:24:13AM)

نصيحه منى هات ONE X احسن من كل دها موبيل جامد رباعى النواه وشكلو شيك جدا وواخد الجيلى بين وف افنديا جى فورس للاالعاب جهاز فعلا جبار وشاشكتو كبيره ودعمو اتش تى سى كويس ليه وممكن اعمل معاك واجب انا عنجدى واحد صحبى بيجبهم من بره بسعر مغرى جدا ضمان دوالى واحسن من اللى ف مصر هنا ورقمى 01005559921

ahmedaliyossef2010

2013-02-26 (11:59:45PM)

بس يا أستاذ تيمو و أظن بردو أنا جبت لحضرتك رابط بيأكد كلامى ان 4x من أسوأ البطاريات
شوف الرابط ده و اعمل expand علشان تشوف كل الموبايلات هتلاقيه فى الآخر خالص
و فرق كبير بينه و بين الوان اس

و السبب فى كدة ان تقنية بناء المعالج هى 40 نانو متر و ده بيسحب من البطارية على عكس الوان اس اللى معمول على تقنية 28 نانو متر اللى بتوفر فى الطاقة

و برضه زى ما قولت قبل كدة الوان اس أفضل من ال جى فى معالج الرسوميات و الدليل اهه

و خصوصا فى onscreen اللى هى الفيصل أصلا

و الفرق فى كثافة الشاشة مش كبير علشان الوان شاشته أصغر فى الحجم فالفرق مش كبير

و النسخ المخصصة للشركات شايلة المعالج ده علشان هو مدمج فى نفس الشريحة بتاعته شبكة الجيل الرابع لكن الرباعى النواة لأ

و أنا عند رأيى ان الفيصل هو حجم الشاشة اللى يحبها الأستاذ محمد

temoooo

2013-02-26 (11:18:25PM)

يا استاذ ahmedaliyossef2010 انا قولت لحضرتك قبل كده وجبتلك مراجعات بتقول ان بطاريه ال 4x مش وحشه اوي كده هي بس عاديه هما كانو متوقعين انها جامده عشان هي2100 بس طلعت عاديه اما التحديث فانا قولت ان ال جي هتحدثو للجلي بين يعني زيه زي ال one s وانا معتقدش ان one s هيتحدث لحاجه بعد كده اما بقي من ناحيه ان اللي هيحدد انه عايز شاشه 4.3 ولا 4.7 بس فدي مش الفيصل , الفيصل هل هو عايز شاشه اكبر و معالج رسوميات اقوي وشاشه كثافتها اعلي بكتييير و زي ما انا قلت لحضرتك قبل كده اني عارف ان one s ثنائي النواه بس قوي علشان المعماريه بس قولتباردو ان الرباعي النواهلمل بيتحط تحت الضغط جامد بيؤدي احسن لانه بيوزع الشغل علي اربعه بدل اتنين وعشان كده النسخ العالميه من الموبايلات الكبيره زي الاس3 و الون x شايله معالج رباعي

ahmedaliyossef2010

2013-02-26 (05:30:52PM)

يا أستاذ MOKHAFAGA حضرتك مش معنى ان htc one s ثنائى النواة انه أضعف من الرباعى ده على العكس هو أقوى منه لأنه معمارية جديدة فبتدى أداء أقوى و طبعا شكله أحلى " وجهة نظر "

بس برضه اللى هيحكم حضرتك عاوز شاشة 4.3 و لا 4.7

ahmedaliyossef2010

2013-02-26 (04:41:28PM)

بص لو حضرتك عاوز حاجة تحديثاتها كويسة منصحكش خالص بال جى لأن لحد دلوقتى 4x لسة منزلهوش الجيلى بين لكن الوان اس نزله و ميزة تحديثات htc انها فعلا بتبقى مؤثرة على السرعة و الأداء مش تحديث يبطء الموبايل و فى السرعة الوان اس جهاز قوى جدا و صوته كويس جدا بعكس ال جى

و البطارية بتاعت 4x مش هتعجبك لأنها فعلا سيئة

لكن اللى بيحكمك دلوقتى حضرتك عاوز موبايل شاشته حجمها 4.3 بوصة زى اللى كان معاك و لا أكبر شوية تبقى 4.7 انش ؟

MOKHAFAGA

2013-02-26 (04:34:51AM)

أ/ أحمد وأ/ تيمو
تفكيركم عجبني جدا أنا فعلا نسيت الONE S مع أنه تيليفون تحفه وفي رأيي أفضل من جلاكسي أس 3 وكمان أنا ميال كتير لل 4x عاجبني إمكانياته وناس كتير شكرتلي فيه بس المهم عندي أني أحس إني فعلا جبت حاجه أفضل وأقوى في الأداء من ال Sensation Xe لأنه بصراحه كانت إمكانياته قويه بس الكاميرا مش بنفس قوه إمكانياته مع إنها أفضل من كاميرات كتير بس المشكله إني معايا سوني 8 ميجا برده وأنتوا عارفين من غير ما أوصف كاميرا سوني ههههههههه
وأنا هاخد بكلامكم وها عمل مقارنه بين الأثنين وإن شاء الله أتوفق في الأختيار
وشكرا ليكم جدا

temoooo

2013-02-26 (03:43:41AM)

انا اكتر واحد سالت السؤال ده في الموقغ لاني كنت محتار بين ال4x و النوت اما السوني sl فمكنش فحسابي لانه اقل من الاتنين في كل حاجه ما عادا الكاميرا و بعدين فكرت في ال one s وبعد قرايه كتييير في المراجعات والمقارنات اللاجنبيه والعربيه اقدر اقولك ان ال4x فون تحفه في كل حاجه واحسن من النوت اساسا النوت قدم و لا يرقي لامكانيات ال4x هي بس مشكله ال4x الدعم بس ارجع واقولك انه هيتحدث للجلي بين ان شاء الله يعني زيه زي الsl و الone s وانا معتقدش انهم هيتحثوا لحاجه اعلي من كده. ودي اجابتي من غير تحيز لشركه خالص فتوكل علي الله وهات ال4x

ahmedaliyossef2010

2013-02-26 (12:32:28AM)

طيب هقولك ايه رأيك فى جهاز مشابه للى كان معاك بس أسرع و تحديثاته أحسن htc one s

MOKHAFAGA

2013-02-25 (09:58:05PM)

شكرا لأهتمامك يا أ/ أهلاوي أنا فعلا ميال شويه للسوني وال إل جي مع إني كان نفسي في النوت لأن أمكانياته جامده بس بصراحه بقى قديم شويه وسعره بيعلى بسبب الدولار وكمان خلاص ده أخر تحديث هاينزله وهايثبت عليه وكمان خامات سامسونج مش بنفس المستوى اللي عليه HTC أو Sony أنا حابب إل جي بس قلقان شويه علشان أول مره أتعامل معاه وأنت قلقتني شويه من الدعم وبصراحه أنا معايا Sonyericsson Neo والجهاز دعمه وتحديثاته كويسه من وجه نظري فمش قدامي غير ال SL وشكلي هافضل مع سوني

ahlawy2

2013-02-25 (07:23:34PM)

optimus 4x موبايل جميل جدا جدا على سعره بصراحة موبايل هايل بس دعمه ردئ xperia sl موباييل جميل بس ميوصلش لامكانيات 4x ودعمه متوسط وانا انصحك انك تبعد عن النوت ون سعره عالى جدا على امكانياته وانصحك ب 4x

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note N7000

مقارنة

Android
800 x 1280 pixels, 5.3 inches (~285 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note N7000

Android

800 x 1280 pixels, 5.3 inches (~285 ppi pixel density)

3G

8 MP, 32...