هذا الموضوع مرتبط بـ Galaxy Note N7000

بدون عنوان

salmamh

2013-02-03 (04:13:12PM)

ياريت تساعدونى ياجماعه انا كنت خلاص هجيب نوت 1 من السعوديه لما قريت كتير انه قدم وفيه احدث منه غيرت رايى
ودلوقتى انا محتاره بين lg 4x و htc one s و sony acro s ياريت تقولولى ار واحد افضلهم
كمان بالنسبه للشركات نفسها مين اقوى وبالنسبه للتطبيقات والالعاب واحده ف الكل ولا لا

temoooo

2013-02-04 (03:41:49AM)

انا كنت زيك كده محتااار بين النوت وال4x وسألت في الموقع ده بردو وبعد ما عملت بحوث طويله علي النت و شفت ريفيوهات كتير يعني الواحد تعب من الاخر هديكي خلاصه وعصاره اللي استنتجته :

1 زيما قالولك ان الاكرو اس لا يقارن بالتليفونات التانيه لسبب بسيط انه ثنائي النواه ودولا رباعيين النواه فطبعا هيبقة اقةي ةاسرع واحدث واكفأ منه

2 بالنسبه لل 4X هو موبايل ممتاز وشاشته رائعه و متاخديش بالفيديوهات كتير متبينش الحقيقه و رباعي النواه و جوده صناعته حلوه و كاميرته جميله

3 بالنسبه للONE X فأنا شايف ان ال 4x احسم منه في الاتي
1 البطاريه بتاعه onex قليله 1800 اما بتاعه ال4x فهي 2100 الفرق كبير

2 المعالج هما الاتنين تيجرا 3 بس في معظم الاختبارات ال4X اتفوق عليه

3 الone x مفيهوش كارت ميموري فمساحته ممكن تدايقك شويه لمن ال4x في كارت ميموري
لحد 32 جيجا

4 الone x بطاريته ثابته مبتتحركش غير قابله للتغيير علي عكس ال4x

5 مش عارف ليه حاسس ان ال4x اشيك اصل الonex و الs3 شبه بعض اما ده حاسس انه مختلف شويه

واخيرا ربنا يفوقك انا قولتلك كل اللي اعرفه وان شاالله محد حوش :)

ahmedaliyossef2010

2013-02-04 (01:17:37AM)

أهلا بحضرتك يا أستاذ كريم و أنا مقولتش ان الأكرو اس وحش أنا قولت انه أقل فى الأداء من lg 4x و htc one s و مفيش سامسونج خالص اتكلمت عليها
بالنسبة للصوت htc one s يعتبر تقريبا أفضل و أنقى صوت موبايل حضرتك ادخل هنا فى مراجعته و حضرتك تشوف

بالنسبة للخامات فخامة htc one s ممتازة جدا من الألومنيوم و بيحافظ على الشكل الجيد و السمك الصغير و من رأيى شكله أحسن بكتير من الأكرو اس

و بعد اما يتحدث الأكرو اس مش هياخد غير اللانشر بتاع الأكسبيريا z لأن مثلا خاصية تصوير الفيديو hdr دى مدمجة فى سينسور الكاميرا

و acro s أقل بكتير فى الأداء منهم لأن lg رباعى النواة و الأكرو ثنائى بس
و htc one s مع انه ثنائى النواة الا انه بيتفوق على الأكرو و على ال جى لأنه من النوع krait و دى معمارية أحدث من الموجودة فى الاتنين فبتخلى الموبايل أحسن كتير

بالنسبة للكاميرا حضرتك شوف كدة الرابط ده

هتلاقى ان الألوان أحسن فى htc one s

و فى الفيديو نفس الكلام

kariam

2013-02-04 (12:24:03AM)

بصراحه اللى بيقول الاكرو اس دا وحش يبقه سورى ميعرفش اى حاجه الاكرو اس جهاز جامد جدا وبعد التحديث هيبه الاخ الاصغير لسونى z كفايه مميزاتو الاجى دعمها زباله وسمسونج خمات التصنيع بتعتها زباله بردو السونى افضل خمات تصنيع وكميره واعلى كميرات وانقى صوت وعن تجربه

ahmedaliyossef2010

2013-02-03 (08:59:17PM)

طبعا one s بدون كلام و هو أصلا بيتقارن بالاس 3 بس لازم برضه حضرتك تاخدى فى الاعتبار انهم مختلفين فى السعر
عموما s advance أحسن موبايل فى الرينج بتاعه
htc one s أحسن موبايل فى الرينج بتاعه

salmamh

2013-02-03 (08:53:53PM)

تماااااااام فهمت شكرا جدا
طيب اخر سؤال بقى :]
advance wala one s

ahmedaliyossef2010

2013-02-03 (08:38:21PM)

على فكرة الاس 3 مينى شاشته هى نفسها بالظبط الموجودة فى الاس أدفانس بنفس الجودة و نفس المقاس
بالنسبة لتعليقى

أنا أقصد شاشته أحسن فى انك مثلا لو بصيتى على الشاشة مش هتشوفى المربعات الصغيرة دى خالص مثلا فى one s ممكن تشوفيها بس لو قربتى عينك قوى من الشاشة و هو أصلا الفرق بسيط
الألوان شاشة htc one s أحسن فعلا مش حكاية فيديو
أنا استبعدت acro s لأن المعالج بتاعه ثنائى النواة فبيبقى أقل من رباعى النواة زى الموجود فى lg 4x فى السرعة و الأداء
htc one s ثنائى النواة بس من معمارية أجدد منهم كلهم اسمها " krait " بمعنى انهم غيروا طريقة البناء بتاعت البروسيسور بحيث يكون أسرع حتى بعدد أقل من الأنوية و بكدة يكون أقوى منهم كلهم و حتى أقوى من HTC one x

salmamh

2013-02-03 (08:28:58PM)

s3 mini اصغر من اللازم advance هايل هفكر فيه فعلا

بس ليا كومنت على Lg ازاى شاشته احسن انا كل ماشوف مقارنه مع اى موبايل تانى بحس انه شاشته اقل باهته كده ممكن تكون الفيديوهات ظالماه بس هو ده العيب اللى انا شايفاه فيه
ياترى ده معناه ان htc شاشته وحشه
بس مش فاهمه سبب استبعاد acro ايه العيوب اللى فيه

ahmedaliyossef2010

2013-02-03 (08:19:11PM)

أنا شخصيا أستبعد sony acro s
و بالنسبة ل HTC one s
أحسن فى الأداء سواء فى الألعاب أو فى التطبيقات بس مش فرق كبير و أصغر فى الحجم " حجم الشاشة " و أفضل فى الشكل " من رأيى "
و أحسن فى الصوت لأن فيه تقنية beats audio و هو على فكرة يعتبر أنقى موبايل و تقريبا الأفضل من حيث الصوت و أحسن فى سرعة النت و بيقبل سرعات أعلى بالنسبة للكاميرا الاتنين متقاربين بس أنا من رأيى أرجح one s علشان lg أصلا فى مشكلة فى الفيديو بتاعه و ألوانه أحسن و فيه تصوير slow motion فى الفيديو

بالنسبة ل LG أحسن فى الشاشة بفرق مش كبير و أحسن فى انه بيقبل كارت ميمورى و التانى مبيقبلش و انه فيه NFC " مش مستخدمة فى مصر " و أحسن نسبيا فى البطارية

من رأيى الشخصى Htc one s أحسن و حجمه مناسب أكتر و مصنوع من الألومنيوم الجيد و أقوى فى الأداء و السرعة

بالنسبة للشركات هو HTC أقوى نسبيا لكن ال جى برضه قوية
بالنسبة للتطبيقات و الألعاب فهى واحدة تقريبا

alcatel

2013-02-03 (08:12:15PM)

Galaxy S III mini I8190
Galaxy S Advance I9070

salmamh

2013-02-03 (07:36:04PM)

اوك شكراااا
طيب ولو فيه اختيارات تانيه ف نفس الرنج ممكن تقولى عليها

alcatel

2013-02-03 (07:11:58PM)

لو انتى محددة اختياراتك و اولويات شرائك بين الموبايلات دى
انصحك ب lg 4x
افضل التلاتة بجدارة
صوت و تصوير و شاشة ونت وبطارية وكمان سعر

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note N7000

مقارنة

Android
800 x 1280 pixels, 5.3 inches (~285 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note N7000

Android

800 x 1280 pixels, 5.3 inches (~285 ppi pixel density)

3G

8 MP, 32...