بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

asmadodo

2014-01-29 (05:53:15AM)

يا جماعة بالله عليكم حد يفيدنة انا متنكدة اوى بسبب النوت 2 والله عندى مشكلتين فة في النوت 2
اول حاجة من يومين لقيته بيدينى رسالة نصها ستكون شبكة المحمول غير متاحة حتى تتم إعادة التشغيل بعد إدخال بطاقة سيم صالحة
واعمل ريستارت مفيش فايدة لحد ماشيل السيم واحطها تانى واشغله لو اتهز يعمل نفس المشكلة تانى لحد النهاردة الصبح عملته وفتحته والحمد لله معملهاش تانى بس عمل حاجة سورى انيل بقى يشحن بالعكس يعنى الشحن بيقل مش بيزيد وهو على الشاحن لحد ما وصل 1% وفصل ومحطش منطق بعدها حطيت شاحن تانى مع العلم ان الاتنين سامسونج اورجينال وبرضه الحمدلله بيشحن عادي
حد يفيدنى يا جماعة الله يكرمكم
اه نسيت اقولكو لما حصلت مشكلة السيم شيلتهاوحطيت سيم تانية و عادى اشتغلت تمام وبتاعتى حطيتها فى سامسونج ميجا كانت كبيرة عليه عشان انا قصاها في البيت فقصناها وظبطناها برده كانت بتتهز فى الموبايل مش ثابتة
طيب لو دة عيب سيم ايه بقى موضوع الشحن بالعكس دة؟؟ الله يسعدكو قولولى دة مكملش معايا 3 شهور

semsemSiR

2014-01-29 (09:10:51AM)

مشكلة السيم اعتقد اتعرفت السبب بتاعها وهو انة من الشريحة نفسها , فغالبا اللى قص الشريحة قصها بطريقة خاطئة لان المفروض ليها مكنة بتتحط فيها وبتتقص عشان ماتعملش مشاكل

- مشكلة الشحن , فكل اللى حصل ان يأما البطارية ماكنتش متركبة كويس او مش ثابتة فى مكانها

او كانت وصلة الشاحن فيها مشكلة او مش متركبة كويس ,

فحاولى تتأكدى وانتى بتشحنى التليفون ان كل حاجة تكون تمام والوصلة متركبة صح فى الشاحن

asmadodo

2014-01-29 (02:58:03PM)

ميرسى ليك اووووووووى يا simsimSiR على اهتمامك وردك و اتمنى يكون الموضوع بسيط زى ما قلت بس مشكلة السيم ظبطت لوحدها كدة مع انها فضلت 3 ايام تقريبا تعمل نفس المشكلة كتييييير جدا كل يوم فجأة الحمد لله ظبطت. هل ضروري برضه اغيرها ولا خلاص طالما ظبطت؟ لانى قريت في مواقع اجنبى كتير ناس عندهم نفس المشكلة وغيروا السيم وبرضه المشكلة ماتحلتش وانا خايفة جدا تتكرر تاني نفس المشاكل دى
وحوار الشحن برضه حصل مع ناس كتير ومحدش بيقول حل بعينه يعني لو مكنش عندي شاحن تانى كنت زمانى لايصة ومش عارفة اتصرف
. بجد كرهت النوت 2 مع انى كنت فرحانة بيه جداً مع العلم ان فيه في البيت Mega 5.8 وما شاء الله زى الفل معملش اى مشاكل والنوت2 جايلى من السعودية بالضمان الذهبي واول ما جه كان في مشكلة في الكاميرا كانت وحشة وصورها سيئة وموغوشة كدة او فيها تنميل وساعات بيكون فيه بهتان اصفر في جنب الصورة يعنى كانت صور ال Mega بصراحة برقبته مع انهم نفس ال resolution وبعته السعودية ولف طبعا على كذا وكيل كانوا بيقولو مفيهوش حاجة لحد ما غيروا السوفت وير والكام ظبطت باختصار قرفنى من يوم ما جه و مضايقة اووووووووى اعذرونى على الاطالة بس فعلا محدش بعد ربنا هيفيدنى غيركو

sayedzayyat

2014-01-29 (03:24:23PM)

بصي حضرتك ان شاء الله يكون الموضوع بسيط . هى فعلا حاجه مقلقة لما الموب يعمل كده بس افضل الحلول لموضوع البطاريه انك تصفريها وتشيلها وتضعها تانى وتشحنى وهو مقفول وتاكدى ان الوصله سليمه لو محصلش شئ تعملى اعادة ضبط المصنع لو لسه المشكله يبقي للاسف لازم الصيانه وربنا ييسر الامور وتكون بسيطه ان شاء الله

asmadodo

2014-01-29 (03:32:28PM)

ميرسى لحضرتك جدا sayedzayyat بس انا استعملت شاحن تانى عندي في البيت اوريجينال برضه زى التانى والحمد لله اتشحن وبكتب لحضرتك منه دلوقتى.
انا بس لقيت كذا مشكلة فى الموبايل دة ومكملش 3 شهور اصلا من الكاميرا للسيم للشحن بس بصراحة الحمدلله لحد دلوقتى المشاكل دى اتحلت بس اللى معاهم نوت2 محدش اشتكى منه غيرى للاسف. وخايفة اوى يظهرلى حاجة جديدة . ايه راى حضرتك ابيعه ولا هخسر فيه جامد؟

sayedzayyat

2014-01-29 (03:34:25PM)

هذا كود لمعايرة البطاريه يتم ادخاله بعد شحن البطارية بالكامل واطفاء الجهاز وشحنه مرة ثانيه
*#0288#من اليسار إلى اليمين والله الموفق

sayedzayyat

2014-01-29 (03:41:45PM)

يبقي واضح انها مشكلة شاحن غيرى الوصله فقط وضعى وصلة الشاحن مع شاحن الجهاز الاصلى .لو شحن بقب تغيرى الوصله والموضوع يبقي انتهى
النوت 2 من افضل الموبايلات والله . لكن هناك بعض المواقف بتفسد فعلا الفرحه بالجهاز لو فعلا ضايقك حاولى تتخلصى منه ولو الميزانية سامحه تحولى للنوت 3 حاجه وهم وهو معايا حاليا وربنا يهديكى للاصلح ان شاء الله

hardtime

2014-01-29 (06:04:45PM)

بصى يا قمر
لو المشاكل دى قبلتك تانى نصيحة بلاش تلعبى فى حاجة
لان كل المشاكل دى فى فون واحد يبقى فى حاجة مش تمام
اما سوء استخدام منك
او ان فعلا الفون فية مشكلة
وبتالى روحى التوكيل
انتهى...........

asmadodo

2014-01-29 (06:59:25PM)

Hardtime تقصد ايه انى ملعبش في حاجة؟ انا مش بلعب في حاجة والله يادوب مكالمات ونت و موضوع التوكيل دة مش مضمون في السعودية بيفضل هناك فترة كبيرة وبعد كل دة مش بيقتنعوا انه فيه حاجة
يعنى مشكلة الكام اول ما الموب جالى من اول يوم بانت الصورة سيئة جدا وبعتهولهم السعودية 3 او 4 وكلاء قالوا سليم مفيهوش عيب وفي الاخر غيرولى السوفت وير
فممكن يكون ايه البديل انى اوديه التوكيل في السعودية؟

تلك الخدمة مخصصة للأعضاء فقط