بدون عنوان

للرجوع الي صفحة سامسونج Galaxy Note II N7100 الرئيسية اضغط هنا

temoooo

2013-09-24 (10:21:22AM)

لكل الناس اللي بتسال مين افضل الجهاز ده ولا النيكسس4 و عشاان السوال ده اتكرر في كل صفحات الموقع و عشان انا كمان كنت في الحيره دي انا بعد اذن ملاك التليفون طبعا لان دي صفحتهم: هجاوب عليه هنا في صفحه النوت 2

انا الصراحه افضل النيكسس 4 و هقول ليه

النيكسس 4 اسرع و بفارق عن النوت 2 و مش بس النوت 2 و هو اسرع من اي جهاز موجود دلوقتي و ده لخفه السوفت وير و مواكبه الهارد و السوفت مع بعض زي الايفون كده و اللي مش مصدقني يشوف الفيديو ده الراجل اللي في الفيديو ده راجع اجهزه كتيييير من ضمنها النوت2 و غيره شوف هو بيقول ايه عن النيكسس :

2_ تاني حاجه مره واحد سال هنا عن موضوع التحديثات و رد عليه عضو بان النليفون هيفضل مدعوم الي ان ينزل تحديث يفوق قدرات النوت و ميقدرش يشغله و انا احب اني اقول ان الكلام ده غير صحيح لان سامسونج او اي شركه تانيه مبتقسهاش كده خالص و الدليل علي كلامي ان ياما موبايلات من سامسونج و من شركات تانيه كانت قويه و تقدر تشغل تحديثات لكن متحدثتش الموضوع ده يختلف 360 درجه علي اجهزه النيكسس و الدليل مثلا لو قولنا النيكسس اس اللي هوا امكنياته زي او اضعف من الاس 1 متحدث لل4.2جيلي بين و مثلا ادي النوت2 اهه قالوا هيتحدث لل4.2 وبعدين قالوا هنخلي لل4.3 مره واحده و دلوقتي في كلام انهم يخلوا لل4.4 في حين ان اجهزه النيكسس التحديثات دي كلها نزلالهم من زمان فدي طبعا ميزه رهيبه انك تكون مدعوم بالقوه دي

نيجي بقي لسرعه التحديثات التحديث من وقت ما جوجل تنذله لو االشركه شاطره اوي و مهتمه ياخد من 6 ل 8 شهور علشان يوصل للناس اما لو الشركه اتدلعت هياخد كتير اما بالنسبه للنيكسس فاسبوع او اتنين بالكتير

3_ خامات النيكسس اشيك بكتير و افخم و تحس انك ماسك حاجه مميزه طبعا هو الزجاج الخلفي معرض للشرخ و الكسر لكن البمبر بيحب الموضوع ده و كمان المعالج بتاع الرسوميات في النيكسس اعلي من النوت 2 بكتير و هو هو اللي مسخدم في الاكسبيريا z و htc one
4- حجم الجهاز مناسب و الشاشه كبيره و دقتها اعلي لكن انا شايف ان حجم النوت كبير اوي بالنسبه للبنطلونات الجينز او اي حاجه ضيقه شويه يعني لازم جيب كبير و بعدين بحس ان صعب جدا تتحكم فيه بايد واحده .

اما النوت 2 فمميزاته اللي انا شايفها هي ان الكمكيرا ممكن تكون احسن بس مش بكتير

للمساحه الداخليه

البطاريه القويه

ميزات القلم

ارجو ان اكون قد وضحت للناس اللي بتسال و انا متوقع ان في ناس تختلف معايا لكن دي وجهه نظري وشكرا

shin545

2013-09-24 (11:38:58AM)

مع احترامي الشديد ليك يا temooo
اولا انتا بتقارن ايه بايه الحجم فوق الممتاز بالنسبه للنوت2 وانا شاب وبستخدم الجهاز واكل البنطلونات الي بلبسها بقدر اشيل فيها النوت 2 عادي جدا وممكن احط معاها مفاتيح او فكه او غيره...انا بفضل حجم الجهاز يكون كبير بس مش اكبر من النوت2 يعني وطبعا التلفون ايه غير شاشه بتقدر تبص فيها فلما يكون حجمها كويس ومناسب صدقني هتستمتع بتجربه مميزه جدا من التصفح والالعاب ومشاهده الافلام الخ الخ الخ
ثانيا اعتقد ان البطاريه هيه كل الجهاز لان من غيرها هيتحول الجهاز لقطعه خرده فالبطاريه فارق رهيب مبينهم انت النوت 2 لما بتستخدم استخدام غبي العاب وتصوير وانترنت وغيره من شات واغاني استخدام متواصل هيقعهد معاك 10 ساعات مثلا على الاقل ده استخدام المتواصل وفي الاستخدام المتوسط ممكن يفضل معاك 20 ساعه مثلا مقابل 6 ساعات على الاستخدام القوي في النيسكسس فاكيد فرق جامد
ثالث حاجه: النوت2 من الاخر مبيهنجش حمار شغل وشيك جدا في تصميمه واستخدام القلم في منتهى الايجابيه والشياكه والالعاب كلها شغاله عليه زي الفل بشهاده الجميع مش ببالغ يعني فهيفرق ايه بقا الهاردوير قوي او ضعيف الجهاز عبر عن نفسه بانه مبيهنجش معاك جاب من الاخر يعني
رابعا: بالاضافه ان الكاميرا احسن من النيكسس كمان حرام اصرف مبلغ زي ده في جهاز مفهوش ذاكره خارجيه عيب اوي يعني....وبالنسبه للتحديث كل الكلام الرسمي ان ال 4.2 هيتلغي وهنروح على طول ل 4.3 ده الكلام الرسمي وهيكون شهر اكتوبر القادم يعني خلال ايام او اسابيع بحد اقصى ده الكلام الرسمي مفيش اكتر من كده اي كلام اتقال
خامسا: بالنسبه للتصميم تصميم النيكسس في عيوب خطيره جدا اتفرج على ال10 دقايق في الفيديو ده عشان تعرف عيوبه

سادسا: النوت2 في في الاوبشن بتاعه حجات بتساعدك انك تستخدم الجهاز بايد واحده في الكتابه وكده معرفش تعرفها ولا لا بس موجوده يعني وبتساعد كتير جدا وكمان بتختار هتستخدم الجهاز بايد واحده وتكون الايد ديه اليمين ولا الشمال يعني دلع على الاخر
فليه بعد كل ده تضيع فلوسك في حاجه مبيعاتها عالميا اقل كتير من مبيعات النوت2...انصحك بجد انك تعيد التفكير في اختيارك...وشكرا

temoooo

2013-09-24 (08:14:36PM)

مع احترامي الشديد ليك و لرايك يا استاذ shin545
بالنسبه للحجم فمش هقولك مراجعات او او انا هقولك انه مع واحد صهحبي و معظم الوقت ماسكه في ايده و مثلا لو اعد في حته ضيقه لازم يشيله من جيبه و يحطه ادامه لو مثلا دخل بيه اتوبيس او مترو او ميكروباص زحمه

البطاريه طبعا كلاوك صح و انا قايل ان دي انا شايفها اكبر ميزه في النوت

اما بالنسبه للتهنيج بقي و كده انا مقولتش ان النوت2 بيهنج بس انا قلت ان النيكسس 4 اسرع و بفارق و ده طبيعي لان نوع البرسيسور احدث و الرامات اللي فاضي منها اكتر و السوفت وير الخفيف و في مراجعات علي النت كتير بيقولوا ان الجهاز سريع لكن لما بتقل عليه بيهنج الكلام ده مستحيل يحصل في النيكسس ابدا

اما الذاكره الخارجيه عيب فعلا و مقدرش اقول فيها حاجه

اما الفيديو اللي بيتكلم عن التصميم فانا مش هقول حاجه عليه انا بس عايزك تبص علي ال dis likes اد ايه ده نقصله شويه بسيطه و يتمسح و بص لتعليقات كله بيغلطه لانه بيقول اي كلام الصراحه

يعني في وجهه نظر يتقول ان حرام ادفع مبلغ زي ده في موبيل بلاستيك

اما بقي حكايه المبيعات دي مش مقياس خالص
يعني مثلا انتي عنك الhtc one مبيعاته اقل بكتير من الاس 4 فهل ده معني ان الاس 4 احسن بكتير اقرا مراجعات هتلاقي معظم المواقع الكبيره بترشح htc one علي الاس 4

هي الفكره في الدعايا سامسونج برنسيسه في الموضوع ده وبعدين النيكسس 4 حقق مبيعات عاليه جدا بره لدرجه ان الشركه مكنتش ملاحقه و بتدي فتره انتظار بتوصل لاسبوعين

تلك الخدمة مخصصة للأعضاء فقط